Errentaz bizi nahi
Amatiño
2009/05/01 11:12
Steven Chu, Barack Obamak Energia Idazkari izendatu duen Nobel Saria, txinatarra da jatorriz. Ipar Ameriketako unibertsitateetako laborategietan ordu estrak egiten dituzten zientzilaririk gehienak asiarrak omen dira eta asteburuetan lan egiten dutenak, berriz, ia den-denak. Etorkizunak begi txikiak ditu.
3 erantzun
Scarlett Johanssonen biribilguneak
Amatiño
2009/04/26 14:59
Komunikabideen konstanteetako bat zinismoa da. Alegia, beraiek dauzkate inori leporatu ostean gaitzesten dituzten jarrera berberak. Segurutik zaila da eskizofrenia horretatik ihes egitea eta, gainera, komunikabide guztiak ez dira jakina berdinak, baina zalantza izpirik ez gero komunikabideak direla, oro har, beraiek salatzen dituzten jokabideen barreiatzailerik nabarmenenak.
Lekak, saiheskixa eta pellak
Amatiño
2009/04/24 11:07
Gaurko gaztiok "leihoa" eta "zaldia" esaten ikasi dabenetik neurri haundi batian amaittu dira Eibarko euskerian kontrako oratulekuak. Honek ez dau esangura, hurrik bez, "leihua" eta "zaldixa" erabiltzeagatik gaztiok euren gurasuok baino euskera hobia egitten dabenik. Baina hori beste kontu bat da.
Berdea urdinaz
Amatiño
2009/04/22 22:29
Kolore berdea da naturan sarrien agertzen direnetakoa baina ez, azken hiruzpalau belaunaldion modan behintzat, erabilienetakoa. Halere, hainbat hamarkadatako joera aldatzen ari da. Gero eta urraspide gehiago jorratzen dihardu berdeak, soil-soilik ezezik, baita urdinaz batera ere. Duela mende erdi inguru, ni bezalako nerabeak moda-mundura jaio ginenean, gustu ontzat jotako balio estetikoen arabera berdeak eta urdinak ez omen zuten sekula elkarrekin ezkondu behar. Orain, ostera, modernitatea berde-urdina da*.
Zikloak
Amatiño
2009/04/21 00:28
Zer egin behar ote, lehen mailara itzultzeko? Auskalo! Publikoa gogoan izan, zaleak zaindu, harrobia suspertu, jokalariak eraberritu, fitxajeak egiten asmatu eta… partiduak irabazi, jakina.
Blogak ez omen du albiste garrantzitsutarako balio
Amatiño
2009/04/19 23:58
Blogak balio al du lehen lehen mailako albisterik emateko? Paperezko egunkariak digitalak baino serioagoak al dira? Zilegi al da blogez aditzera ematea egunkari-zutabez ontzat emango ez litzatekeena? Internetek errotatibaren erantzukizuna eta sinesgarritasuna hankaz gora botako al ditu? Honelako hainbat galdera egiten ditu asteburu honetan euskal zinemetan estreinatu den “La sombra del poder” filmeak.
Antzezlana, arra, eta zinea, emea
Amatiño
2009/04/13 00:38
Zinegintzako aktore-aktoresa lanari emetasunaren esentzia dario eta antzerkikoari, aldiz, arraren balioak dagozkio. Holaxe esan zuen behintzat Shirley MacLaine (Virginia, 1934 - ) artistak orain hemezortzi urte argitara emandako nolabaiteko memorietan. Dena den, gauza bat dira MacLainek zineari zein antzerkiari ezartzen dizkion balioak eta, beste bat, harako baliook emearenak edo arrarenak ote diren.
“Gran Torino”: Clint Eastwood-en mitoak dirau
Amatiño
2009/04/11 19:43
Segurutik “Gran Torino” da egungo karteldegian dagoen filmerik gomendagarrienetakoa. Beste behin, Clint Eastwood zaharrak erakusten digu ezer gutxi behar dela historia eder bat kontatzeko. Ez aurrekontu handirik, ez efektu berezirik, ez kokapen apartekorik, Zazpigarren Artearen sena besterik ez. Malenkoniaz eta klasizismoz jositako sena.
Gero eta zaratatsuagoak
Amatiño
2009/04/07 00:30
Bistan da elizara joateari utzi eta kirolak arratsaldeetara pasatzearekin batera, kanpolarrosa zaratatsuak bihurtu garena. Eta ez dut uste zer ospatu gehiago dugulako denik.
Denboraz kanpo
Amatiño
2009/04/03 01:40
Orain ulergaitz samarra gertatu arren, 1965tik 1975ra bitarteko hamarkadako euskal munduaren zenbait eztabaida liburuetan eta kazetetan idazten genuenon artean gertatu izan ziren. Hau da, formato ezberdinen artean eta, beraz, zeharo ‘tenpo’ ezberdinetan. Denboraren kontzeptoa egungoa baino dezente geldoagoa zen, euskal giroa askoz ere estuago eta endogamikoagoa, eta idazleek zein kazetariek bakoitzak gogokoen zuen euskarrian idatzi izaten zioten elkarri.