Oñatiarrak badaki Maltzagaren berri
Amatiño
2009/05/31 17:47
EAJ bitan zatitu eta EA sortu zenean, 1986an, Garaikoetxea lehendakariaren agintepeko alderdi berria erabat ahalegindu zen ia mende bat lehenago suspertutako ondare politikoaz jabetzen. EAk Jose Antonio Agirreren zein Manuel Irujoren mezua aldarrikatu ezezik, haien argazkiak eseki zituen elkartetxeetako hormetan. Honetan laburbildu daiteke gaur egungo EAren barne-zatiketa: Agirre-Irujo bikotea lemazaintzat hartu ala ez.
Erantzunik ez
Benetako krisialdia gaitasunik eza da
Amatiño
2009/05/27 23:22
“Monja-ikastetxean bekatu guztien erruduna deabrua zen. Gero, unibertsitatean, 'sistema' zen gaiztoa. Orain, berriz, eragozpen guztiak globalizazioari leporatzen zaizkio. Beti errudunak besteak dira. Noiz onartuko ote dugu guk ere erruren bat izan dezakegunik?” adierazi du gaur eguerdian, Adela Cortinak, Valentziako Unibertsitateko Etika eta Filosofia Politiko katedradunak, CEBEK Bizkaiko Enpresari Konfederazioak Bilboko Euskalduna jauregian eratu duen eztabaidan.
De las naciones a las redes
Amatiño
2009/05/24 14:38
Aurreko astean aurkeztu zen, Madrilen, “De las naciones a las redes" saiakera. Idazlanak hainbat hilabete darama sarean esekita, irakurri, jaso, kopiatu, jaitsi edo dena delakoa egin ahal izateko. David de Ugarte, Pere Quintana, Enrique Gómez eta Arnau Fuentes egileek amain eman diete zegozkiekeen eskubide ekonomikoei eta domeinu publikoaren esku utzi. Honez gero 60.000 jaitsialdi izan omen dira.
Indar nuklearra: ialgi da plazara
Amatiño
2009/05/21 19:14
Hemen da. Heldu da. Hainbat urtez lozorroan egon den eztabaida iratzarri eta suspertu da: zentral nuklearren gaia ialgi da plazara. Garoñakoak hurrengo uztailaren 5an amatatu behar izango ditu erreaktoreak, aldez aurretik CSNk (Segurtasun Nuklear Kontseilua) epea luzatzen ez baldin badu behintzat. Erabakia Alderdi Sozialistari dagokio gehienbat.
Garbikeriak elgelkeria dakar
Amatiño
2009/05/19 00:02
Energia-sistema espainiarra itxia eta isolatua da. Hobe beharrez edo, ez dugu Pirinioetan zehar loturarik nahi. Estu-mestuak gara energia-iturriak dibersifikatzerakoan eta zorrotzegi jokatu nahiak eramango gaitu, energia berriztagarrien kaltetan, soluziorik txarrenetara.
Euskal borondatea
Amatiño
2009/05/15 23:59
Athleticen eta Barçaren arteko Kopa-finala dela-eta, Valentziako partiduaren inguruan bildutako jarraitzaileen kopurua batzuon eta besteon gizarte-borondatearen lekuko izan da. Irabazteko susmorik gehien zutenek zale gutxiago elkartarazi dute eta, alderantziz, irabazteko aukerarik gutxien zutenek, ostera, askoz ere jende gehiago bildu. Jarrera horri kirol-borondatea deitu dakioke. Errealitatez kanpoko borondate hori onerako ala txarrerako ote den, berriz, beste kontu bat da.
Churchill, Kennedy eta Obama
Amatiño
2009/05/12 00:26
Churchillek erabaki zuen, 1911an, Britainiar Itsas Armada ahalguztidunaren oinarrizko erregaia aldatzea, ordurarteko ikatza alboratu eta petrolioaren aldeko apostua eginez. Erabaki hura ez zuen Churchillek hartu Erresuma Batuko ikatza amaitzear zegoelako Britainiar Inperioak Ekialde Ertaina mendean zuelako baizik. Horretarako sortua zen, 1909an, Anglo Persian Oil Company enpresa.
Berrogeita hamazazpiren arteko aukera
Amatiño
2009/05/10 13:02
Lezaman egon nintzen atzenengo bider, Luis Solar bateragile nagusiak aditzera eman zidan nik sekula aurretik pentsatubakoa. Hau da, une honetan, lehen mailako futbolean, guztira euskal harrobiko berrogeita hamazazpi jokalari ari direla jokatzen. Euretarik hogeitabost Athleticen. Horretara, Athleticen merkatu osoa bere taldea eta beste hogeita hamabi jokalari baino ez dira.
Txikiak ere badu ajerik
Amatiño
2009/05/09 23:07
Atzo, larunbatez, ASLEren* urteroko Batzar Nagusia eratu zen Gasteizen eta, besteak beste, aspaldiko lagun batekin topo egin nuen bertan. Hamabi-hamalu urte daramatza lan-talde horietako baten buru, sei langile dira guztira, bera tarteko, eta, krisiak jota, beldur da ez ote duten udara aurretik itxi beharko. Zer egin, ordea, berrogeita hamar urte inguru dituen lan-taldeak? Drama latza.
Estatistiken kriseilua
Amatiño
2009/05/08 00:21
Apirileko datuaren arabera, langabezia %10,33 lain da Euskal Autonomia Elkartean. Azken zortzi urteotako altuena (2001, %11,1), orain dela bi urte eskas (2007, %3,3) baino dezente txarragoa baina, hala ere, duela hamabi urte (1997, %19,8) baino zatia hobeagoa. Eta, edozein modutan, Espainiako azken datua (2009, %17,36) baino askoz ere hobea. Estatistikek ez dute, behar bada, ezer konpontzen baina bai, agian, kriseilua isiotzen eta argi-mutila lanean jartzen.