Lanari laga
Amatiño
2010/01/30 00:15
Behar bada albistea berria da baina ez, ordea, egoera. Espainiar gobernuak erretiro-adina atzeratuko omen du. Eta inori ez diot entzun “ay, ze ondo”. Gazkien hartu dutenak berrogeita hamar urteren bueltan daudenak izan dira. Hirurogeitik gorakooi ez digu eragin handirik egingo eta berrogeikoek, nonbait, urruti samar ikusten dute. Dena dela, lanari laga behar horrek ez nau batere asebetetzen. Ez nahiezta, eta are gutxiago nahita.
9 erantzun
Gezur-zuloa
Amatiño
2010/01/27 23:50
Zeure buruaren jabe izaten jarraitzeko Oskar Wilde jaunari jaramon egin besterik ez duzu: “Sekula ez ditut kritikatu behar ditudan liburuak irakurtzen, euren eraginik sufritu ez dezadan”.
Eta nik txoria nuen maite
Amatiño
2010/01/26 23:31
Hona non, ETBk egin berri dituen irudi-aldaketak direla eta, gure txoria berriro ere pantailan agertu zaigun ustekabean. Oso oker ez banago hamar urte egon da bastidore arteko kaiolan ezkutatua. Eta, bat-batean, ostera ere, uhinez uhin, begi-bistan, hegan.
Eibartarra Muskizen
Amatiño
2010/01/25 23:32
Virginia Berasategi triatleta, Kaiku arraun-taldea, Eli Pinedo eskubaloilaria, Juan Martinez de Irujo pilotaria eta Patxi Usobiaga eskalatzailea izan dira "El Correo" egunkariaren irakurleek aukeratutako 2009ko bost euskal kirolaririk onenak.
Nuklearra, pil-pilean
Amatiño
2010/01/24 22:04
“Berriztagarriak ez dira ezkerrarenak, ezta energia nuklearra eskuindarrena ere” adierazi du Manuel Lozano Sevillako Unibertsitatearen Fisika Nuklear katedradunak Bilbon. “Espainia bezalako herrialdean energia-horniketa berriztagarriez soilik osatu nahi izana utopia da… Indar nuklearrak ez du kutsatzen, osasun-eragina urria bezain ezaguna da, sortarazten dituen hondakinak toki jakinean kokatuak daude eta kontralatuak… Gehiago dira abantailak eragozpenak baino”.
San Bizente bero, negua gero
Amatiño
2010/01/22 23:53
Angel Mari Unzueta Bizkaiko Bikario Nagusiak gogoratu digu gaurko San Bizente eguna, baita esakera zaharra gomutara ekarri ere: "San Bizente hotz, negua motz. San Bizente bero, negua gero". Gaur bero egin du, ez dela oraindik krisialdiaren negua amaitu alegia.
Hogei urte barru %100 berriztagarriak... omen
Amatiño
2010/01/20 17:32
"A plan to power 100 percent of the planet with renewables.
Wind, water and solar technologies can provide 100 percent of the world's energy, eliminating all fossil fuels. Here's how". Holaxe dio amerikar irakasle biren proposamenak. Ez dator inondik ere Energiaren Nazioarteko Agentziaren iragarpenekin. Baina bost axola. Here's how. Hona hemen zelan.
Teologia, ideologia
Amatiño
2010/01/18 23:29
Nabarmena da gero jendeak zein argi duen zenbait ideia. Energiari buruz inoren burua definitzeko erakutsi ohi dugun gaitasuna guztiz zehatza eta tolesgabea da. Nuklearraren aldekoa ala kontrakoa, berriztagarrizale ala ez, energia fosilen sustatzaile ala salatzaile, ekologista sutsu ala klimaldatzaile... Zirt edo zart, bata ala bestea, ez dago nonbait bide erdirik, are gutxiago erdi biderik.
Errealaren jatorrizko bekatua
Amatiño
2010/01/17 19:32
Gurean betidanik izan gara Athleticzale. Aita bazkide izan nuen, baita anaia ere eta orain, berriz, semea. Bestelako euskal taldeekiko atxikimendurik ez da sekula zalantzan jarri, baina gure emozioa, zirrara, bihotz-ikara eta barne-dardara San Mamesen baino ez ziren loratu. Eta jarrera hau, Athletic-en meritua baino gehiago, Errealaren errua izan da.
Ez da aski iaioena izatea
Amatiño
2010/01/15 20:32
Axularrek gogotan zuen Euskal Herria zertan den denok dakigu, hitzez hitz idatzia* utzi baitzigun, marku eta muga politiko guztien gainetik. Geroztik, ez dago ordea Axularren hizkuntza-ikuspegia zalantzan, berak aipatu lurraldeei dagozkiekeen marku eta muga politikoen banaketa baizik.