Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Agenda / Fernando Beorlegi Begiristain: erakusketa

Fernando Beorlegi Begiristain: erakusketa

Irailaren 17tik urriaren 12ra bitartean Fernando Beorlegiren lanen erakusketa Portalean: "Gogoaren pintzelkada garratzak".
Noiz 2010/09/17 13:45
2010/10/12 20:00
Non Portalea
Hitzordua egutegira gehitu vCal
iCal

Beorleguik gaztetatik izan zuen margolari izateko grina, eta urteek aurrera egin ahala, ugariak izan dira bere ibilbide profesionalaren baitan eman diren aldaketak. Hortaz, etengabeko eboluzio horren harira, ezinezkoa da bere obrak korronte batekin zuzenean lotzea. Artistak ez zuen ulertzen margolari batek zer dela eta izan behar zuen leiala ideia, korronte edo mugimendu bati.

Zorrotza eta disziplinatua zen bere lanean Fernando Beorlegui, eta teknikoki margolari klasikoen lanetara hurbildu zen. Egiten zuen horretan sinesten zuen, eta dena ematen zuen obra bakoitzaren lanketan. Gainera, bere margo propioa egituratzen zuen, horrela margolanek iraunkortasun gehiago eta kalitate handiagoa erdiesten baitzuten. Bere lan egiteko moduak berezi egin zuen artistaren obra, eta eragin izugarria izan zuen euskal margogintzaren munduan.

Ahaztezina oroituz Beorlegui euskal margolari handienetako bat izanik, ederki islatu zuen bere garaia eta gizartearekin oso kritiko izan zen. Bere semeak, Mikel Beorlegik, erakusketak tresna baliagarri bat izan nahi duela adierazi du; bere aitaren obra ikusi, berarekin ikasi, ikertu eta, nola ez, gozatzeko. Margolari entzutesuaren ibilbide osoa erakustea da erakusketaren xede nagusia, eta ezinbestean, irudi sorta batekin beteko da helburu hori. Era berean, artistaren inguruko denak biltzen dituen liburu bat ere aurkeztuko da.
Eibar, hala ere, ez da artistaren lanak ikusgai izango diren udalerri bakarra. Uda Zarautzen pasa dute Beorleguiren obrek, eta neguan Lizarran ere izango dira. Hiru herriak oso esanguratsuak izan ziren artistaren bizitzan, eta denek egin nahi diote omenaldia margolariari. Gaztaroa Lizarran pasa zuen, azken 50 urteetan Eibarren bizi izan zen eta Zarautzen denbora asko pasa zuen eta lagun ugari zituen bertan.

Herri bakoitzean erakusketa ezberdina egitea da intentzioa, tokian tokian bertako giroarekin loturiko koadroak erakutsiko dituzte. Funtsezko obra batzuk berdinak izango diren arren, Eibarren industria eta hirigunearekin lotutako artelanek osatuko dute erakusketaren mamia. Gainera, margolanez gain, zenbait eskultura eta grabatu ere egongo dira ikusgai.

Eibarkoa izango da gauzatuko den erakusketarik handiena obren kopuruari dagokionez, Beorleguiren 100 artelan inguru izango dira ikusgai Portaleko erakusketa aretoan.

etiketak:
« Iraila 2019 »
Iraila
AlAsAzOgOrLrIg
1
2345678
9101112131415
16171819202122
23242526272829
30