bazen talde bat estetika kliniketako zaborrontzietatik liposukzioan ateratako koipea "lapurtzen" zuena (zaborratik gauzak hartzea delitu ez bada, laster izango da). Gero xaboia egiten zuten koipe horrekin. Giza-xaboia zenez, izugarri ona zen giza-gorputza garbitzeko, eta liposukzio klinikak betetzen dituzten atso aberatsei saltzen zieten bueltan, oso garesti.

Istorio ona da, onegia egia izateko. Izan ere, "El club de la lucha" filmean gertatzen da. baina nork bereizten du egun fikzioa eta errealitatea?

beste adibide bat:
behi eroen gaitza sortzen duen proteina ("prioi" esaten diote) giza burmuinetan sortu zela badakite zientzialariek. Nola demontre kutsatzen da, orduan, prioi hori gizakien artean? kanibalismoa? Soilik giza burmuin-jaleei eragin behar lieke, beraz.

bada, ikertu dutenek diotenez, behiei emaniko irinak du errua.

izan ere, kanibalismoa inposatu izan diegu behiei hamarkadetan. beste behien hezurrekin eginiko irina eman izan diegu barra-barra. Hezur horietako asko Indiatik inportatu izan ditu Europak. Indiako haur txiroak hor ibiltzen dira kaleetan, hildako behien hezurrak zorroetan sartzen kiloka saltzeko.

Zakua betetzeko, ordea, askotan bisitatu izan dituzte ibai ondoko erraustegiak, hau da, hildakoak erretzeko erabiltzen diren lekuak. Egurra garestia da eta, askotan, erabat erre gabe geratzen dira gorpuak. hezurrak hartu, eta zakura!!! Bueltan elikagai katera.

Frantzian 1980ko hamarkadan azterketa egin zuten indiako hezur horiek irin bihurtzen zituen lantegietako batean. Baieztatu zutenez, giza hezur asko ziren tartean. Horrela zabaldu omen zen prioia gizakien burmuinetan.

Hau ere, onegia izango da, ziurrenik, egia izateko.

Bitartean, kontuz gogo eta gorputzaren zilbor hestea mozterakoan. Dena merkantzia bihurtzen baita kanibalen azokan.

Ezagutzen dut ondo Arregiren ziurtasun erabateko hori. Eta ziurtasun zintzoa, gainera, ez dut uste inoiz gezurrik esaten duenez nahita, Washington Journal edo delako horri euskararen egoerari buruz esan dizkionak bezala, denak egia potoloak eta egiaztagarriak. Leopoldo Barredak esandakoak ere seguru nago arrazoiez beteak direla, edo euskaraz ez dakiten eta gizrate gupidagabe honek baztertzen dituen irakasle prestu horienak, bereak eta bi egin zituztenak hizkuntza deabru hori menderatzeko, baina alferrik. Eta seguruenik holakoak Aznar kontseiluan daukan egunkari batean argitaratzeak "kazetaritza" profesional eta kontrastatua ziurtatzen digu. Eskerrik asko, Arregi, beti hain ondo zaintzeagatik euskaldunon eskubideak.
Kareta kentzea erabaki zenuen egunaz geroztik batez ere...
Aupa Markos, ez dakit ezer karenaz, baina kremak egiteko erabiltzen direlakoa neuk ere daukat entzunda, non egiten duten ez dakidan arren.

Orain bi hilabete jaio zaigu Ekain, eta hain zuzen ere Josebe Etxeberria emaginak lagunduta. Esperientzia ederra izan zen zinez, ezer ikustekorik ez zuk kalakan kontatutakoarekin. Josebe izugarri erne, goxo eta atsegin izan genuen erditze osoan zehar. Eta bukaeran aurreko umearekin ikusi ez genuena erakutsi zigun. Karena pisatu eta 4 kg zituela esan zigun eta poltsa nola zegoen egina erakutsi zigun, non egoten zen umea, nola elikatzen zen eta abar... "Eta zer egiten da horrekin?", galdetu nion, "zakarrontzira" erantzun zidan.

oier, nik ez dakit tutik ere dantzaz, baina iruditzen zait hauek bereziki finak direla aurreskua dantzatzen

http://es.youtube.com/watch?v=c2cLVfzwCzg

bestalde, niri ere iruditu zitzaidan josebe etxeberriak bikaina izan behar duela emagin gisa

guk ume biak ospitalean eduki ditugu, eta hirugarrena baletor -ez dut uste-, hori ere ospitalean

hala ere, emakume bakoitzaren bizipenak kontuan hartzekoak dira, eta zelan ukatu ondarrutar honi etxean edukitzeko eskubidea:

http://www.berria.info/testua_ikusi.php?saila=plaza&data=2007-03-06&orria=052&kont=001

karenarena... hori erridikulua! adimen kamutsekook nobelak eta dokumentalak nahasten ditugu, espero dut hori besterik ez izatea

segi ondo, ekainekin disfrutatzen, harik eta hamairu urtetik goiti filma terrorrezko bihurtuko den arte; bestelako defentsa mekanismoak asmatu behar ordurako

asel, lehengoan mozorroaren xarma erosi neban

ondino ez dot leidu

apur bat girotzearren, EIEren irrati saioan egin zizuten elkarrizketa entzuten ahalegindu nintzen

baina ezin

badago frekuentzia hori bermion harrapatzerik?

eta beste galdera bat: zabaldu dute zure etxe ondoko kafe antzoki hori, jatetxea behintzat, eguneroko menua eskaintzeko asmoa zuena?

eskerrik asko erantzungo bazenit, eta goraintzi martari

eli, hain dira onak ez ezik gogorrak eta latzak, ziurrenik egia izango baitira:

behi eroen gainean, pello zubiriaren artikulu hau argian, mikel elortzak gaur goraipatzen duena:

http://www.argia.com/argia-astekaria/2105/eta-milioika-behi-alferrik-akabatu-badituzte/osoa

gure bizilagun batek bere bi semeen zilbor-hesteak ontzi banatan dauzka, etxeko sarreran, formolean gordeta

berak hori uste du behintzat, semeenak direla

Aupa MArkos, eta ia hurrengoan kalakan gehiago hitzegiten uzten dizuten!! Atzokoa ya pasada bat izxan zan ...

solaskideren batek esaten duelarik "utzidazu hitz egiten, mesedez, nik zuri lehen utzi dizudan bezala", akabo, kalakaz estilo politikeroa jabetu dela seinale, eta niretzat bederen gauzak ez direla ondo joango

Hona Indiako giza hezur merkatu oparoaren inguruan azken egunotan atera duten artikulu bat:

http://www.wired.com/medtech/health/magazine/15-12/ff_bones?currentPage=1