Gatibu taldearen management enpresak azalpen hau eman zuen:

Gatibu musika taldeak atzo, uztailak 22, Mutrikuko jaien barruan eskaini behar zuen kontzertua, bertan behera geratu zen ez Gatiburekin ezta bere management enpresarekin (baga-biga s.l.) zerikusirik zuten arazoengatik.

Kontzertua bertan behera ustearen arrazoia taldearekin  adostutako baldintzak bete ez izana da.

Asko sentitzen dugu kontzertua bertan behera utzi behar izana, baina gure esku ez zeuden arrazoiak eraman gaituzte erabaki hau hartzera.

Eskerrik asko.

Herrian komentatu denaren arabera, arazoa Txurrukaren estatua zen, eskenatokiaren zati bat estaltzen zuelako.

Gauza jakina da Txurrukaren estatua pare-parean tokatzen dela:

Argazkiak.org | Txurruka plazako eskenatokia © cc-by-sa: garaolaza

Argazkiak.org | Txurruka plaza © cc-by-sa: garaolaza

Plaza horretan kontzertua egiten duen guztiak "jasan" du egoera hori, Ertzaintzaren bandatik hasi eta Niko Etxarteraino (asteburuan kantatu du hor).

Bestetik, jakin badakit musikariek askotan ez dituztela oinarrizko baldintzak izaten eta horren alde lan asko egin dutela segurtasunarekin, modu egoki eta txukunean beraien musika aurkeztu ahal izateko. Eta txalotzen dut intentzio hori.

Nik ez dakit zer adostu zuten kontratuan eta zer hitz egin zen aurretik (agian bereziki hitz egin zen Txurrukaren estatuaren inguruan), baina gauzak gelditu diren moduan Gatibuk ez du oso irudi onik utzi.

Uste dut komeni zela beste azalpenen bat ematea, gauzak argi eta garbi esanez. Arazoa estatua izan da, bai ala ez. Zer zegoen adostuta eta nork ez zuen bete emandako hitza. Gero bakoitzak aterako ditu bere kontuak.

Kostako herri gehienetan hondartzara noa esan eta hondarra dagoen toki batetara joaten da jendea. Mutrikun hondartza asko badago ere, ( Saturraran, Ondarbeltz edo 7 hondartzak) toki erabilienetakoa hondarrik ez duen toki berezi bat da: Piszina edo igerileku naturala.

Argazkiak.org | Mutrikuko piszina © cc-by-sa: garaolaza

Benetan toki berezia da. Norbaiti bururatu zitzaion bere garaian laukizuzen bat itxiz orma txiki bat egitea. Horrela, marea igotzean ura orma gainetik pasatzen da eta behera doanean piszina ederra gelditzen da, egunean bi aldiz ura aldatuz. Arrain (normalean lasunak), zopabero eta abarrek une horiek barrura sartu eta ateratzeko aprobetxatzen dituztenez, toki bizia da beraz.

Argazkiak.org | Mutrikuko piszina © cc-by-sa: garaolaza

Igeri egiteko aproposa da. 50 metro inguruko luzeera du eta oso arrunta da jende gutxi dabilen orduetan igerilariak gora eta behera ehundaka metro egiten ikustea. Alde batean hondarra dago, ur sakonera gutxirekin (50-70 cm) eta haurrekin bainatzeko egoki gelditzen da. Beste aldean haitzak daude ur azpian, baina zanga egiteko sakonera ederra dago (2 metrotik gora), nahiz eta badakigun kostako herrietako gazteek ur zentimetro gutxi behar izaten dutela buruz behera salto egiteko.

Alboan, DYAren sorosleak, dutxa, txiringitoa eta abar, beste edozein hondartzan aurki daitezken zerbitzu arruntak. Eta adi! Aparkatzeko arazorik ez da izaten, alboan dagoen Burumendiko zelaiari esker. Agian zailena izaten da tokira nola iritsi asmatzea, kanpotarrentzat seinale gutxi dago eta. Onena mapa honetan begiratu edo herrian galdetzea.

Argazkiak.org | Mutrikuko piszina © cc-by-sa: garaolaza

Laster ospatuko dira Kalbaixo jaiak (Irailaren 15aren inguruan). Mutrikura bisita egin eta piszina naturala probatuz bainu denboraldi ofizialari itxiera emateko aukera ona daukazue Zenbait pista Mutrikuko Udalaren webgunean aurkituko duzue. Hemen gomendatutako zenbait:

• Ostatua Mutrikun
• Jatetxeak Mutrikun
• Bisita gidatuak Mutrikun
  
• Nautilus
• Flysch-aren ibilbidea
• BTT ibilaldiak

Atzo arratsaldean kafe bat hartzera igo ginen Olatzera, Zelaieta tabernara. Hainbeste eguraldi on ondoren atzokoa nahiko egun txepela tokatu zen, baina han kanpoan jarrita egoteak merezi zuen. Egia esan Olatzen fan handia naiz.

Olatz Mutrikuko bailara da. Mutrikutik Ondarrurako bidean goazela, herritik irten bezain laster ezkerretara doan errepidea hartu eta 3 edo 4 kilometro ondoren iritsiko gara. Lauzpabost baserri sakabanatuta, ermita txiki bat eta bi jatetxe aurkituko ditugu, Zelaieta Taberna eta Olatz.

Santiago bidea bertatik pasatzen da Arno alderako bidean, eta inguruan zaldiak eta ganadu ugari dago, baita zezentxoak ere. Pasiara bat emateko toki polita da.

Guri asko gustatzen zaigu Zelaieta Taberna. Ez da oso handia, baina barruko jangelaz gain kanpoan bi mahai jartzen dituzte toldo azpian, eta zoragarri bazkaltzen da udan. Gainera aurrean bertatik bertara parke txiki bat du, umeak lasai ibiltzeko moduan.

Urtean zehar asteburuetan bakarrik zabaltzen dute. Uztaila eta abuztuan astean zehar ere, baina komeni da zabaldu behar duten aurretik galdetzea. Normalean 18 Euroko menu goxoa izaten dute, Zelaieta entsalada epela (txibi eta guzti) guztiz gomendagarria da, baita postreak ere. Badaezpada ere, aurretik deitu.

Telefonoa:  943 60 45 95

Urtero bezala ostiralean enpresako txangoa izan genuen. Aurtengoan honako egitaraua izan genuen:

• Ibilaldia Arratetik Mutrikuko Olatz auzora (Grabatu genuen bidea GPS bidez, jarriko dugu, noski)
• Bazkaria Olatzeko Zelaieta jatetxean
• Bainua Mutrikuko igerileku naturalean

Esan beharrik ez dago oso ondo pasatu genuela.

Egilea: Iñaki, autobuseko gidaria.

Al mutrikuarra le falta cierta iniciativa para hacer cosas nuevas y un poco más de visión de futuro

(Estanis Osinalde, Mutrikuko alkatea)

No comment.

Irakurtzekoak dira ere portu berriaren ingurukoak:

El nuevo puerto?

El ayuntamiento cuenta con un informe, impulsado de la mano de la agencia comarcal Debegesa, en el que se abordan los futuros estadios posibles del pueblo. En estos momentos se está construyendo el dique de abrigo, una reivindicación histórica de los mutrikuarras, y nuestra idea es que luego pueda convivir un puerto deportivo y pesquero. Hay diferentes alternativas, pero será el Gobierno Vasco el que decida qué se va a hacer. Tampoco se descarta habilitar un pequeño muelle de atraque para descargas de pescado o pequeñas máquinas, pero desde el Ayuntamiento lo vemos poco viable.

Osorik hemen: Al mutrikuarra le falta cierta iniciativa para hacer cosas nuevas y un poco más de visión de futuro

Lanak aurrera doaz Mutrikun, argazkietan ikusten den moduan baina pasa den astean albiste on bat izan genuen. Epaile bat hasi da ikerketarekin, salatzen dena egia ote den.

Hobetu Leike plataformak salatu duenez, proiektu osoa egiten hasi dira (babes dikea eta portua) eta ingurumen ikerketa zati batetarako bakarrik egina dago.

Albiste osoa El Pais-en atera zen asteburuan, eta Berdeen webgunean irakurri daiteke:

Una juez indaga si hay delito ecológico en la ampliación del puerto de Mutriku

PS: Albiste ona da, izan ere, dauden interesak egonda, orain arte epaileak ez dira ausartu proiektua gelditzera, eta beti proiektua gelditzeak sortuko lituzleen kalte ordainetarako (??) fidantza ikaragarriak eskatu izan dituzte.

Eguraldi ona eta denbora librea aprobetxatuz, Mutrikuko babes dike (ala portua?) berriaren argazki pare bat egin ditut, eboluzioa ikus dezazuen.

Mutrikuko portu berriaren argazki guztiak

Gaurko Berriak Mutrikuko portuko obren inguruko erreportai zabala dakar. Badaezpada ere, bi PDFtan jaso ditut hemen: lehenengoa eta bigarrena

Obrak aurrera doaz, eta zaila izango da gauza gelditzea. Baina azken aldian entzuten ari naizen zerbaiti erantzun nahi nioke:

Esaten denez, portuaren obra guztiaren lehenengo fasea bakarrik egingo omen da. Hori horrela bada, norbaitek hotzean pentsatu du eta konturatu da astakeria zela horrelako itsasontzirik gabeko (aire)portu bat egitea. Zerbait ba da.

Lehenengo fasea omen da babes dikea, olatuen arazoa konpontzeko, Berriako artikuluan gorriz azaltzen dena. Bigarren fasea da portua bera, ekarriko dituen moila, eraikin, zerbitzu eta abarrekin.

Baina, bigarren fasea egin behar ez bada, orduan zertarako babes dike handi hori? Porturik ez badator, ez ote zen errazagoa, merkeagoa, azkarragoa eta adostuagoa Hobetu Leike-ren proiektua adibidez?

Eta ez dudana inolaz ere ulertzen: Nola egon daiteke ezker abertzaleko jendea horrelako proiektu baten alde?

PD: Are gehiago, nola egon daiteke ezker abertzaleko jendea horrelako proiektu baten alde, eta Pasaiako portu berria, AHT eta antzerakoen aurka?

Mutriku portu berria

Oso gauza kuriosoa gertatzen da Mutrikuko Diario Vascoko korrespontsalarekin portu berriari dagokionean.

Portu berriaren beharra azpimarratzeko aukerarik ez du galtzen. Belaontzi zahar baten bisita izan zen duela zenbait hilabete, eta itsaso txarra zela eta programatua zegoena baino lehenago joan behar izan zuen. Bere kronika zen gutxi gora behera "el problema de siempre con el puerto obligó a que el barco tuviera que irse antes de tiempo". Berdin Ondarruko jaietan barku batzuk Mutrikun deskargatu izan dutenean (portu on bat bagenu...).

Aldiz, portuaren proiektu honen aurkako albisteak datozenean oso gauza kuriosoa gertatzen da. Beti prentsa oharrak ia telegrafikoki ematen ditu, eta gainera ia beti euskaraz, normalean dena gazteleraz egiten badu ere bere jarduna. Zalantzarik ez dut Aralar edo Hobetu Leike plataformak euskaraz helaraziko dizkiotela prentsa oharrak, baina kuriosoa egiten zait norma hori betetzea: alde gaztelaniaz eta kontra euskaraz.

Eta bukatzeko, antologikoa gaurko konposizioa. Albisteak dio: Debabarreneko Aralar Mutrikuko portua handitzeko Eusko Jaurlaritzak duen proiektuaren kontra eta ilustratzeko, hor ikusten da portuaren argazkia, olatu handi bat datorrela atzetik. Ez du aterako jendez lepo eginda azaltzen den udako argazki polit bat ez...

En fin... guk ere sarritan erosten dugu Diario Vasco eta zer egingo diogu ba. Merezi duguna daukagu.

Mutrikuko portu berriaren proiektua ezagutzen ez duzuenontzat, hona hemen aurkitu ditudan plano pare bat.

Ideia bat izan dezazuen, orain momentuan itsaso aldera dagoen azkeneko puntua "danborra" edo "tambor" esaten zaiona da.

Mutrikuko portua

Flickr-en nire kolezioa

Autospam pixka bat orain: SMSOINU