Dokumentu Akzioak
Teknosexua
Pilota jokoan Euskadiko Kutxarekin
Pilota jokoa gustatzen zaizue? Nik palaz jokatzen dut sarritan. Badakizue, pilota hormaren kontra bota. Beti dator bueltan.
Pun!
2006an, Euskadiko Kutxaren webguneak Firefoxen ongi ikusteko arazoak zeuzkala eta, pentsatu nuen idatzi bat egitea. Pena da baina ez nuen bidalitakoa gorde. Gutxi gora behera, edukazioz "aizu, zerbitzua ez da Firefoxen ongi ikusten eta..."
Pan! (2006/01/05)
Arrasate, 2006/01/05 Bezero preziatua: Aurrena eskerrik asko gugana jo duzulako, Linux sistema eragilea eta Mozilla Firefox nabigatzailearen 1.07 bertsioa erabiliz Caja Labora Neten jarduteko arazoak dituzula jakinarazteagatik. Esan behar dizugu, zure idazkia jasoz bat, Informatika Departamentuarekin jarri garela harremanetan, gai horri buruzko xehetasunak eskatzeko. Departamentu horretan esan digutenez, gure linea bidezko banka Windows ingurunean erabiltzeko dago prestatuta eta ezin dugu ziurtatu gainerako sistema eragileetan ondo ibiltzea. Sentitzen dugu oraingo honetan erantzun hoberik ezin eman izana eta gure sistemak eragozpenak sortzea. Bada, jaso ezazu guztiagatik gure barkamenik zintzoena. Edonola ere, zure egoeraren berri eman diogu Informatika Departamentuari, kontuan hartu ditzan orrialdea hobetzeko eta egokitzeko aurrerantzean egiten diren lanetan. Arreta egokia eskaini dizugulakoan, jaso ezazu gure agurrik beroena. Caja Laboral Net
Pun! (2008/05/30)
Jaun/andere agurgarriak, Duela bi urte idatzi nizuen Firefox nabigatzailearen inguruan. Kontua da CajaLaboralNet ez dela ongi ikusten nabigatzaile honetan, eta zuen erantzuna izan zen zuen plataforma osoa Windowserako bakarrik prestatuta zegoela (!). Berriz ere gaia berrikusi dezazuen eskatzera nator. Izan ere, ikerketa guztiek diote Firefox nabigatzailearen penetrazioa %20tik gorakoa dela Espainian. Datu zehatzagoak hemen ikusi ditzakezue: http://www.xitimonitor.com/es-es/barometro-navegadores/index-1-3-3-0.html Gaia berrikusi eta soluzio bat emango diozuelakoan, zuen arreta eskertzea besterik ez zait gelditzen.
Pan! (2008/06/02)
Bezero agurgarria: Web orria Firefox nabigatzailera egokitzeko duzun interesa berriro helarazi diguzulako eskerrak eman behar dizkizugu.=20 Honi dagokionez, esan behar dizugu Caja Laboral Net Windows ingurunean eta Internet Explorerrekin lan egiteko prestatu dela. Dena den, jakin badakigu bestelako sistema eragilerekin eta nabigatzaile ezberdinekin normaltasunez egiten direla eragiketak, nahiz eta kasu guztietan funtzionamendu normala ezin dugun bermatu.=20 Nolanahi ere, zure idatzia dagokion Sailera igorri dugu, aintzakotzat har dezaten.=20 Besterik gabe, jaso ezazu gure agurrik beroena.=20 Caja Laboral Net
Jarraituko dugu jokatzen?
Animatzen zarete? Cajalaboral.Net (abildua) cajalaboral.es
Kutxakoa ondo dabil
Ez pentsatu Kutxakoei publizitatea egitera natorrenik, baina egia esateko, nik kutxako kutxanet zerbitzua erabiltzen det nire Ubuntun daukadan firefox-etik, eta oso ondo dabil, ez det inoiz arazorik izan.
Jokatzen jarraitu nahi badezu, esaiozu konpetentziakoek ez dutela arazo hori.
Beste kutxa batera aldatu
Euskadiko Kutxakoa ondo dabil nirean
Hirie irakurri eta ahalegindu nok Windows eremuan eta Gnu/Linux Ubuntu eremuan eta bixetan jabik ondo; Firefox nabigatzaileaz egin juat eta problemaik barik...
Gero, Epiphany web arakatzaileaz... eta ondo juen dok....
kontsultak baño ez jittuat egin, bañe emoten jok ondo dabillela....
Hire orrixe ona ez, bikaina... jarraittik holan...
hurrengo arte
Eskerrik asko!
Eskerrik asko aholkuengatik.
Euskadiko Kutxan gustora nago, eta webgunearen kontu hau detaile bat da. Bestela ez daukat aldatzeko intentziorik.
Bestalde, nik ere aspaldiko urteetan Firefox eta Linux erabiltzen ditut Euskadiko Kutxaren webgunean, arazorik gabe. Kontua da zenbait menu aukera bata bestearen gainean jarrita azaltzen direla eta beste gauza batzuk deskolokatuta. Gauza txikia da eta erraz konpontzeko modukoa, horregatik harritzen nau oraindik hori ez zuzendu izanak.
Pilota zabaltzen hasteko
Zurea ez da apeta pertsonala, guztioi dagokigu maila batean. Nik uste, zabalduz, mezua sustatuz.... ozenago, argiago entzungo gaituztela.
nik arazorik ez
Nik lanean windows XP eta Firefox2 erabiliz ez daukat inolako arazorik.
Etxean ezer gutxi darabilt CajaLaboral.net (ez neukan kontu pertsonalik) baina azken hilabetean aiba mendi martxa dela eta mugimenduen kontsultak erabili ditut egunero Kubuntu 7.10 eta Konqueror erabiliz eta ez diet arazoei erreparatu. Ezkerreko menuan hainbat gauza bata bestearen gainean ote? Egia esan ez dudanez etxean erabiltzen, Linuxpean nola dabilen ezin ziurtatu.
nik arazorik ez
Nahi duguna esan?
Dani, nik ez dakit beste zerbaiti erantzun diozun. Nik dakidala "nahi duguna" bai, baina ez dugu edozer gauza esan. Erantzunetan ere aipatzen dut txikikeria dela eta erraz konpondu daitekeela, besterik gabe. Ez dut esan hau desastre bat dela, nik dakidala.
Agian ulertu ez duzuna da erantzuna emateko moduarekin nagoela erreta. Nik ere aspaldidanik erabiltzen dut Firefox eta Ubunturekin, baina sartzen naizen bakoitzean pentsatzen dut: "jopelas, hau egunen batean ere konponduko dute, ez?".
Eta iradokizun hori, hobetzeko aukera ematen diena, zuzenean zakarrontzira botatzen dute, orma batek ematen duen erantzun berdina ematean. Horrek erretzen nau egia esan, ez hainbeste errore txikiak.
Erantzun izan balute adibidez "Bai, eskerrik asko. Konturatuta gaude, saiatuko gara konpontzen.", uste duzu nire erantzuna berdina izango litzatekeela?
Konqueror menuak gainidatziak