Dokumentu Akzioak
Teknosexua
EITB mesedez: erraztu gauzak!
Nere ohe-laguna ( marijok esaten duen moduan , nahiz eta oso definizio motza den) Luis Rojas Marcos sikiatraren jarraitzaile sutsua da eta atzo ezin izan zuen Radio Euskadin egin zioten elkarrizketa entzun. Erregalatzea pentsatu dut, bere MP3an entzun dezan kirola egitera doan hurrengoan. Ondorengo pausoak eman behar izan ditut:
- Webgunera joan eta elkarrizketan klik egin.
- Audioa gelditu eta Ktrl-U Firefox-en, orriaren iturburu kodea ikusteko.
- mms://... bidez hasten zen lotura kopiatu
- Microsoft-en asf fitxategia deskargatzen jarri
- asf fitxategia, wav formatura bihurtu
- Lame erabiliz, wav fitxategia mp3-ra bihurtu.
Nola egiten dudan, azaldu dut lehenago ere: Nola grabatu irratiko programa bat Internet bidez Ubuntun
EITBko lagunei eskaera: hau ezin da errazago jarri? Zergatik ez duzue zuzenean mp3, ogg edo dena delako fitxategia jartzen, ahal bada formatu ireki eta libre batean?
Mplayerren mezuak
Bestalde, lan honek mezu polit bat irakurtzeko aukera eman dit. Mplayerrek emandakoa:
Everything done. Thank you for downloading a media file containing proprietary and patented technology. Core dumped ;)
Eguneraketa (2007/10/28): Hara non aurkitu dudan fitxategi asko mp3-an dituztela. Zerbait asmatu beharko dugu hau errazteko, jakinik hortxe dagoela soluzioa:
Re: EITB mesedez: erraztu gauzak!
Ea lortzen duten. Krak hutsa egina zaude, Gari. ;)
Re: EITB mesedez: erraztu gauzak!
Ba eskerrik asko trukoagatik. Nik EITBko audioak ezin ditut ezta entzun ere; ez dut lortzen Firefoxen eta ezta IEn (zin dagit bolumena piztuta dagoela). Orain, gutxienez, badakit zer egin behar dudan audioak jaisteko.
Konplikatu xamar egiten dute, bai, Ea aldatzen duten.
Re: EITB mesedez: erraztu gauzak!
Nik Screamer radio programaren bidez gordetzen ditut irrati-saioak.
Luis Rojas Marcos? Bere liburu bat irakurri nuen, eta bukatu nuenean izenburua jarri nion: "nola kontatu 285 orritan lau orri eskasetan konta daitekeena".
Marijo, hor al zaude? ;-)
Gari, guztiz ados zurekin.
Re: EITB mesedez: erraztu gauzak!
Kraka da, bai, Rojas Marcos. Atzo ordubetez entzun genuen Business Global Conference-n eta denok txoratzen utzi gintuen. 2Doz grabatu zuten dena baina webean ikusteko esperantza handirik ez izan, Marijo.
Re: EITB mesedez: erraztu gauzak!
Ai, ai, ai... Patxi eta Denis
Marijo aipatu dut, baina bakarrik bikoteari ohe-lagun deitzen diolako eta izen hori Marijori kopiatu diodalako. Nire ohe-lagunak ez du Marijo izena. :-)
Re: EITB mesedez: erraztu gauzak!
Ostiralerako logure konzentrazioak hain izaten dira haundiak...
Zure ohe-laguna da beraz Luis zalea. Luis(txo) Fernandezekin gehiago ikasiko lukeelakoan nago, baina ni ere, askotan, psikiatra baten premia pixkabat izaten dedala kontutan hartuta, auskalo nere iritziak batere balio duen ;-)
Re: EITB mesedez: erraztu gauzak!
Aspaldi partez esaten duzuna egiten saiatu banintz ere, ez nuen beharrezko pazientziarik izan. Thanx a lot!
Bien bitartean, aipatzen duzun galderari erreparatuta, nik ere jakin nahiko nuke zergatik ez duten .mp3 edo .ogg formatoaetan beraien saioak jartzen. Utzikeria? Lizentzia kontuak?