Goizeko 11etan Liburutegi nagusiko sotoan prentsaurrekoa egingo dugu, San Jeronimo kalean.

Iluntzeko 7etan Errezitaldia egongo da Le Bukowski tabernan.

Sareinok parte hartu dugu egile asko dituen lan honetan eta oso pozik gaude emaitza kalean ikusita.

Espero dugu zuei ere gustatzea.

Hona hemen kontra-azalean agertzen den testua aperitibo gisa:

Nola kontatu ditu euskal literaturak lesbianen arteko harremanak? Nolakoak dira gay pertsonaiak euskal eleberrietan? Ba ote dago ezaugarri komunik? Egin ote liteke herri literaturaren irakurketa lesbiko bat? Existitzen al da gay literatura? Idatzi dute euskal idazleek transexualez? Nola irudikatzen zituen gizonen arteko harremanak antzinate klasikoko poesiak? Eta gaur egungoak? Nola lotzen dira nazioa eta sexualitatea literaturan? Zein diskurtso osatu dute literaturak eta arteak generoaren (des)eraikuntzaz?

Horra hor liburu honen egileak, nor bere talaiatik, erantzuten ahalegindu diren erantzunetako zenbait. Sortzaile gisa izandako esperientzia da batzuetan abiapuntu, irakurketa eta interpretazio kritikoa gehienetan, queer aktibismotik hurbileko diskurtsoa beste zenbaitetan.

Literaturari (euskaldunari zein kanpokoari) bestelako ertzak aurkitzera eta irakurketa gay-les-trans-queer berriak proposatzera datorren liburua duzu hau.

Gonbidapena

"Queer Euzkadi edo Manifestu Marianoa" Joseba Gabilondo Berrian

On egin!