Nontzeberri kultura web guneak eta genero gaiei buruzko arte proiektuak lantzen dituen Pripublikarrak diziplina anitzeko kolektiboak, Rolling Rolak argazkilaritza ekimena antolatu dute. Besteak beste (Camara Crossing, kateatutako hainbat argazki serie, praktika feminista lotutako agente sozialak eta kulturalak batuz eta Genero eta gorputz ekoizpenak mintegi teorikoa) Rolling Rolak-i hasiera emateko, I Argazki Digital Lehiaketa Argazklik.com, antolatu dute.

Rolling Rolak-ek, eta are zehatzago lehiaketak, ditugun, asmatzen ditugun eta ezarriak izan zaizkigun rolei buruzko gogoeta egin nahi du. Generoaz ari garela, bada, maskulino/femenino, ar/eme, gizon/emakume bikote tradizionaletatik harago joan nahi dugu. Genero kontuekin harremanik ez duten zein harremana duten argazkizaleak (profesional zein amateur) bildu nahi ditugu ekimen honetan. Hiru argazkiko serieak aurkeztu behar dira. Argazkiek zerikusia izan dezakete elkarrekin, narratibotasun bat bilatuz. Lanak jasotzeko epea 2008ko maiatzaren 21ean (13.00 p.m., ordu lokala) amaituko da. Epaimahaia profesional hauek osatuko dute: Adelina Moya historialaria, Aimar Arriola curadora, Azuzena Vieites artista. Bost artista gonbidatu ditugu bidea erakusteko: Shu Lea Cheang (Taiwan), Carles Congost (Olot, Katalunia), Voodoo-EROS (New York), Elssie Ansareo (Mexiko) eta Julia Montilla (Bartzelona).

Lehiaketak honako sari hauek banatuko ditu:
- Lehen Saria: 3.000 euro
- Bigarren Saria: 2.000 euro
- Hirugarren Saria 1.000 euro
- Ekoizpen Saria: Argazki proiektu bat garatzeko Arteleku-ren ekoizpen laguntza eta 500 eurotako diru-poltsa

Arauak eta informazio gehiago Argazklik.com gunean.