2008ko ikastaroen pdf-a

ILDOA: FEMINISMOA

MINTEGIA: Feminismoa, jakintza-alor anitzeko ikuspuntua: Ekonomia, Kultura aniztasuna, Historia eta Ekologia

1. Modulua: Ekologia eta feminismoa

Ekologia eta feminismoaren artean, zerikusirik ba ote dago? Ikuspegi bien arteko harremanak, elkar ulertzeko aurkitzen dituzten trabak eta beraien erlaziotik eratortzen den elkarrekiko aberasketa aztertuko ditugu. Ekofeminismoa sortu zen unean geldituko gara eta korronte nagusiak aztertuko ditugu, bere ekarpenak eta etorkizuneko ikuspegiak eztabaidatuz.
Data: Ostirala, otsailak 15, 17:00etatik 21:00etara, eta larunbata, otsailak 16, 10:00etatik 14:00etara
Prestatzailea: Alicia H. Puleo

2. Modulua: Gaur eguneko genero ereduen eraikuntza historikoa

Ikastaro honetan, etxeko andre eta amatasunaren eredua nola sortu zen eta denboran zehar izan duen bilakaera aztertuko dugu, horretarako lehenengo, aurrekariak ezagutuko ditugu, eta gero, maskulinitate/feminitate eredu berriak nola garatu diren, eta bereziki, beren une gorena XX mendean nola lortu duten.

Data: Ostirala, martxoak 14, 17:00etatik 21:00etara, eta larunbata, martxoak 15, 10:00etatik 14:00etara
Prestatzailea: Miren Llona

3. Modulua: Feminismoa eta kultura aniztasuna

Ikastaro honek, feminismoak eta kultura aniztasunak gure mundu honetan planteatzen dituzten arazo saihestezinetara hurbiltzen lagunduko digu, eta baita, bi ikus-puntu horietatik nola azter ditzakegun erakutsiko digu.
Data: Ostirala, apirilak 18, 17:00etatik 21:00etara, eta larunbata, apirilak 19, 10:00etatik 14:00etara
Prestatzailea: Teresa Maldonado

4. Modulua: Neskek ez al dute ekonomia politikoaz ulertzen?

Ironiaz mintzatzen zen George Elliot bere Middlemarch (1871) nobelan, emakumeen ustezko ezgaitasun interesatuaz, ekonomia sistemaren bilakaera ulertzeko. Feminismotik badakigu komeni zaigula ekonomiari begiratzea, hori bistaratu egin behar dugula, izendatu, kritikatu, proposatu, horri buruzko iritzia eman... hau da, ez dugu ekonomia borroka feministatik kanpo dagoen zerbait bezala ikusi behar.
Data: Ostirala, maiatzak 16, 17:00etatik 21:00etara, eta larunbata, maiatzak 17, 10:00etatik 14:00etara
Prestatzaileak: Amaia Pérez eta Sira del Río

ILDOA: ELKARTASUNA ETA TRUKEA

MINTEGIA: Mundua ulertu eta itxuraldatzeko gakoak

Mundua, lehenengo, ulertu ahal izateko, eta gero, eraldatu ahal izateko, jarrera eraginkorra behar da, baita, gaur egunean ematen den elkartasuneko eta lankidetzako egoera ezagutu ere. Ikastaro honetan, guzti hau garapenaren ikuspuntu feminista batetik eta Iparra-Hegoa harremanen ikuspuntutik landuko da.

1. Modulua: Elkartasuna
2. Modulua: Garapena
3. Modulua: Garapenerako lankidetza
4. Modulua: Garapenerako hezkuntza
5. Modulua: Garapenean, lankidetzan eta hezkuntzan genero ikuspegia

Data: Ostegunetan, 17:30etik 19:30era. Otsailaren 7tik ekainaren 5era
Prestatzailea: Cecilia Von Sanden

MINTEGIA: Afrikako emakumeen literatura

Mintegi honetan, Afrika mendebaldeko (Senegal, Nigeria...), Afrika Ekialdeko (Somalia, Tanzania...) eta Hego Afrikako emakumeen gaur eguneko literatura ezagutzeko bidea egingo dugu. Beren ahozko eta idatzizko literaturara eta beste adierazpen kulturaletara hurbilduko gara, afrikar emakumeak hobeto ezagutzen lagunduko baitigute.
Data: Asteartetan, 19:00etatik 21:00etara. Otsailaren 5etik maiatzaren 27ra
Prestatzailea: Marina Santacoloma

Parte-hartze eta konpromisorako jarduerak

Emakumeak aniztasunean taldea
Esparru irekia da; bildu, jakintza eta bizipenak trukatu nahi dituzten adin eta jatorri guztietako emakumeentzako esparrua; emakumeen eta, bereziki, Euskal Herriko eta kanpoko emakume etorkinen egoeraz ohartzeko.
Taldea ostegunero biltzen da 19:30etan eskolan.

 
ILDOA: KULTURA BIRDEFINITU

MINTEGIA: Emakume artisten bidez gaur egungo artera hurbiltzea

Data: Ostirala, maiatzak 9, 16:30etatik 20:00etara, eta larunbata, maiatzak 10, 10:30etatik 19:00etara (bazkari “artistikoa” barne)
Prestatzailea: Patirke Arenillas

Beraien ideia eta obrekin panorama iraultzatu zuten emakume artista feministen lana aztertuz eta gaur egungo emakume artisten obrara hurbilduz, gure sormena garatzeko eta gogoeta kritikoa sustatzeko baliabideak eskuratzen saiatuko gara.

Parte-hartze eta konpromisorako jarduerak

“Los monólogos de la vagina” antzezteko taldea Eskolako ikasle talde bat Eve Enslerren lana entseatzen ari da. “Los monólogos de la vagina”. Basaurin, martxoaren 14an ikusi ahal izango dugu.
Zuzendaria: Josune Montón

ILDOA: BERDINTASUNEAN KOMUNIKATZEN

MINTEGIA: Emakumeak komunikatu nahian
 

1. Modulua: Jendaurrean hitzegiteko teknikak

Komunikazioaren prozesua aztertuko dugu, eta nahi genukeen bezala komunikatzea eragozten diguten beldurrak eta trabak identifikatuko ditugu. Behin zailtasunak identifikatu ondoren, jendaurrean hitz egiteko zenbait teknika xume probatuko ditugu, entzuleak eta aurkitu gaitezkeen egoera ezberdinak kontuan izanda.
Data: Asteartetan, 19:00etatik 21:00etara. Otsailaren 5etik apirilaren 22ra
Prestatzailea: Miriam Ocio

2. Modulua: Sexismoa hizkeran

Hizkerak errealitatea antzeman eta ulertzeko moduan eragiten du: gure pentsaera baldintzatzen du, eta munduaren gure ikuskera zehazten du. Hizkerak ez du sexurik, baina tradizionalki, hizkeraren erabilerak maskulinoa azpimarratzeko bidea eman du, eta unibertsal kategoriara igo du. Horregatik diogu ezen, hizkera sexista dela, eta emakumeen eta gizonen arteko diferentzia ezartzen duela.
Data: Asteartea, maiatzak 13, 19:00etatik 21:00etara eta maiatzak 20, 19:00etatik 21:00etara
Prestatzailea: Miriam Ocio

3. Modulua: Emakumeak eta gizonak komunikabideetan

Komunikabideak sozializaziorako eragile indartsuak dira, eta erabakigarriak suertatzen dira maskulinotasuna eta femeninotasuna eraikitzeko orduan. Ikastaro honetan, sozializazioko mekanismo horiek nola jokatzen duten aztertuko dugu, eta komunikazioko prozesu horietan nola esku har dezakegun diskurtso menperatzaileei erantzun, eta gure mezu propioak zabaltzeko.
Data: Ostegunetan, 18:00etatik 21:00etara. Otsailaren 28tik apirilaren 24ra
Prestatzailea: Irene Ormazabal

NORTASUN ETA SUBJEKTIBOTASUN FEMENINOAK

MINTEGIA: Nire ni femeninoa

1. Modulua: Nire bizitzako historia

Emakumeen garapen ebolutiboan eragina dute generoaren mezu desberdinek. Ikastaro honetan zera aztertuko dugu, nola eraikitzen garen bizitzea egokitu zaigun garaiko femeninotasunaren mugen barruan. Bizitzako etapa bakoitzean ikasten goazen gaitasun emozionalak eta aurre egin beharreko gatazkak identifikatuko ditugu. Emakumeen iraganeko eta etorkizuneko bizitzari gainbegiratu bat emango diogu, generoaren ikuspuntutik.
Data: Ostirala, otsailak 22, 17:00etatik 21:00etara, eta larunbata, otsailak 23, 10:00etatik 14:00etara, eta 16:00etatik 20:00etara
Prestatzailea: Norma Vázquez

2. Modulua: Jabekuntzatik kanpo uzten nauten sentimenduak eta bizipenak

Sentimenduak femeninotasunari esleitutako alorra da, baina gutxi ezagutzen ditugu, eta oraindik gutxiago gobernatzen ditugu. Askotan, gure erantzun emozionalek nahasi egiten gaituzte, ez bait dakigu nola ulertu behar ditugun. Gainera, zenbait sentimenduk “fama txarra” dute, ukatu egiten dira eta zapaldu, eta modu horretan, sentitzen ditugunean errudun sentitzen gara, eta nahasmendua handitu egiten da.
Data: Astearteak, apirilak 8 eta maiatzak 6, 18:15etik 20:45era
Prestatzailea: Norma Vázquez

3. Modulua: Komunikaziorako gaitasun emozionalak

Behin sentimenduak ezagutu eta aztertu ondoren, horiek gobernatzeko gaitasuna eskuratzea da egin beharrekoa, eguneroko gatazkei aurre egiteko gure bizitzako alor desberdinetan: pertsonalean, lanean, gizartean... Tailer honetan bilatzen dena da, parte hartzaileek zenbait egoera bizi ditzatela, horrela, negoziatzeko balioko dieten zenbait gaitasun emozional garatzeko aukera izan dezaten, eta pertsona esanguratsuekin negoziatzeko orduan, beren alde indartsuak eta ahulak identifika ditzaten.
Data: Ostiralak, maiatzak 23 eta 30, 16:30etik 21:00etara, eta larunbatak, maiatzak 24 eta 31, 9:30etik 14:00etara
Prestatzailea: Norma Vázquez

Argibideak eta izena emateko:
944 260 340 • jabekuntzaeskola@basauri.net

Matrikula: Lekuak mugatuak dira. Talde bakoitzerako, gutxieneko pertsona kopurua 10ekoa da. Izena emateko, Emakumeen Jabekuntza Eskolan (Axular kalea, 28) galdetegi bat bete behar da eta ikastaroa ordaindu. (Ikastaro bakoitzeko 5 euro, eta oinarrizko errenta jasotzen duten emakumeek %50eko deskontua izango dute). Dirua ordaindutakoan, baxarik izanez gero, ez da dirurik itzuliko.

Izena emateko epea: urtarrilaren 21etik otsailaren 1era.
Izena emateko epealdian jendearentzako arreta ordutegia:
Goizez: Astelen, astearte eta ostiraletan, 10:00etatik 14:00etara
Arratsaldez: Asteazken eta ostegunetan, 16:00etatik 20:00etara

IKASTAROETARA DATOZEN ETA APROBETXATZEN DITUZTEN EMAKUME UNIBERTSITARIOEI KREDITUAK EMANGO ZAIZKIE