Eibartik
eibartarren-ahotan
Secundino Loidi "Panpo" hil da
Asteburu honetan hil da Secundino Loidi "Panpo", 90 urte betetzeko zala. Orain dala 10 urte inguru ezagutu neban, Eibartarren Ahotan proiektuan murgilduta gebizela. Gizon jatorra, apala eta agradablia. Eibarko Republikian inguruko informatzaile aparta. Izan be, Secundino udaletxian bertan bizi zan Errepublikia aldarrikatu zan egunian.
Secundino Loidi Eibarko udaletxian jaixo zan 1919ko uztailaren 1ian. Bere aitxa Eibarko udaletxeko konserjia zan eta hantxe zabaldu zittuan begixak Secundinok. 1920-1930 hamarkadetako Eibarko politikia zuzen-zuzenian bizi izan zeban eta gaztetatik euki izan zeban politikarako zaletasuna. Sozialista amorratua zan "Panpo".
Orain dala 10 urte inguru, Eibartarren Ahotan proiektuakin hasi giñanian (Eibarko memoria historikua eta euskeria jasotzeko proiektua) bera izan zan elkarrizketatu genduazen pertsonetako bat. Gizon agradablia eta apala, hainbat barriketaldi euki genduzen Secundinokin. Gehixenbat republikia eta politikia aittatu genduzen, baiña baitta bizikletak be, Club Ciclistako arduradun, antolatzaile, presidente eta bihargin izan zalako hainbat urtian.
Atzo jakin neban hil dana. Asko sentidu neban.
Entiarro zibila egin jakon, zelan ez.
Hamentxe berari jasotako lekukotasun bat, ahal dan moduan (eta lege oharrari jaramonik egin barik) Egoibarra.com webgunetik ekarritta. 1931ko "katorzedeabrilian" gertautakuak kontatzen dittu. Udaletxeko atiak goizian goizo eregi bihar izan zittuela eta bera izan zala bandera errepublikanua udaletxera eruan zebana (12 urte zekazen orduan). Bere albuan Salvador Marzana eta Aurora Baskaran dagoz barriketan.
