Hemen zaude: Hasiera → Blogak → Eibartik → Artxiboa → 2010 → Otsaila → 07 → Bonbila (botila, botella)
Dokumentu Akzioak

Eibartik

Bonbila (botila, botella)

Bonbila # iz. Ontzi aho-estua, gehienetan beirazkoa, edariak eta, oro har, likidoak edukitzeko erabiltzen dena.

Atzo arratsaldean afarimerienda izan genuen Eibarko Botellín elkartean. Eta sarreran, kristalera eder batean, elkartearen armarria, berba hauekin: "G.J.J. Bonbiltxo".

Karajo! Zer izango ote da hori? Botellín=Bonbiltxo? Eta koadrilako batek: "Bai ba, bonbilak botellak dira euskeraz".

Egunero ikasten dela zeozer.

Bonbila #  iz. Ontzi aho-estua, gehienetan beirazkoa, edariak eta, oro har, likidoak edukitzeko erabiltzen dena. Botila handia. Botella; garrafón.

Halaxe agertzen da Labayrun, Elhuyarren eta Harluxeten. Baita Bergarako euskararen hiztegian ere, ohar honekin: "Oso adinekoek bakarrik oroitzen dute hitza".

Tira. Gazte gara gazte.

Asier Sarasua 2010/02/07

Bonbila

Ekaitz Santazilia — 2010/02/07 17:06
Aupa!

Azkuek 1922an Getarian bildutako kanta batean hitza erabiltzen da bahin baino gehiagotan. Ardoaren eta edalearen ateko elkarrizketa da. Anje Duhaldek ere grabatu du Pinpirin eta Florian diskan. Hona hemen lehen estrofa:

Ardoa eta gizona dijoaz kantatzera
Ardan-andere gizena entzule dutela,
Gizonak galdetzen dio: “Ona ote zera?”
-Bonbilean nago eta hasi zaiz edatera.


Hemen testu osoa: http://www.euskomedia.org/cancionero/195?q=ardoa+eta+gizona&numreg=1&start=0

Ongi segi!

Ekaitz

Benito Lertxundi

Amatiño — 2010/02/09 12:17
Eta, behar bada, Benito Lertxundik Anje Duhaldek baino lehenxeago:

Ardoa eta gizona
dijoaz kantatzera
han dan andere gizena
entzule dutela.
Gizonak galdetzen dio:
Ona ote zera?
Bonbilean nago eta
hasi zaitez edatera.

http://eu.musikazblai.com/benito-lertxundi/ardoa-eta-gizona/

Erantzuna gehitu

Beheko formularioa betez erantzun bat utzi dezakezu

(Beharrezkoa)
Esaiguzu zure izena
(Beharrezkoa)
(Beharrezkoa)
(Beharrezkoa)
(Beharrezkoa)
Idatzi irudiko hizkiak beheko kutxan. Spamari aurre egiteko captcha metodoa da hau.

Eibar

Euskalkia, Etnografia, Natura

Asier Sarasua Aranberri 

(Eibar, 1969). Biologoa ikasketaz eta euskaltzalea bokazioz (filologia ikasketak amaitu arte, behintzat). Eibarko euskara eta historia jasotzen ahaleginak egin ditut, batez ere Eibartarren Ahotan proiektuan eta Eibarko hiztegiaren inguruan. Codesyntaxek ematen dit jaten eta errege-erreginak hartzen dizkidate ordurik gehienak. Geratzen zaizkidan tarteetan, Badihardugun aritzen naiz, herririk herri elkarrizketak egiten Ahotsak proiekturako eta, askotan, txori-izenak jasotzen. Gauza arraroagoak badaude munduan.

Blog honetako testu guztien lizentzia: Creative Commons by-sa.

 - Gure argazkiak Flickerren -

Argazkiak Asier Sarasua Aranberri Asier Sarasua argazkiak

 

Azken erantzunak
esanahia eta jatorria MAIER, 2010/08/24
izenen esanahia naroa, 2010/07/21
esanahia eta jatorria Irati, 2010/07/21
Izan berri Nagore, 2010/07/05
Girona ederra Naia A., 2010/07/01
Etiketa lainoa
Ahotsak Ahotsak.com Aldundia Argazkiak Argitalpenak Artxiboa Aurkezpenak Badihardugu Berbarik berba Bertsolaritza Birziklatzea CC Danetik pixkat Danetik_pixkat Egunkaria Egunkaria libre Eibar Eibarko Eibarko euskara Eibarko-euskara Etnografia Euskaltzaindia Euskara Hegaztiak Herri-hizkerak Historia Igerilekua Ikastola Internet Kantagintza Kirola Kultura Liburuak Literatura Musika Natura Sarasua Toponimia Txori izenak Txori-izenak Txorixak Untzaga Urola-kosta Zarauzko-euskara ahotsak argazkiak aurkezpenak berbarik berba birziklapena danetik-pixkat dantza eibar eibartarrak eibartarren-ahotan errebal errepideak euskara familia flickr futbola girona historia hiztegi-batua hiztegia igerilekua ikastola ipuinak ipurua jardunaldiak kirola kultura lanak liburuak margola mogel moluska natura oporrak sarea turismoa udala veleia