Dokumentu Akzioak
Eibartik
Sandali txoixa
Orain dela egun batzuk beheko argazkia heldu zen nire eskuetara. Araozko (Oñati) San Elias ermita da. Eta Sandali txoixaz gogoratu nintzen.
Oier Gorosabelek bere blogean argitaratu zuen hau argazkiau. Guregipuzkoa.net webgunean kaleratu dute eta CC lizentziaz banatu. Juan San Martin eibartarrak 1957an kaleratutako argazkia da.
San Elias haitzuloa da (Araotz, Oñati) eta bertan izen bereko ermita dago.
Eta gogoratu naiz Oñatin gertatu zitzaidanaz. Hango txori-izenak biltzen ari nintzela, lekuko batek "sandalia-txoriak" aipatu zizkidala; enaren artean bazirela enara-enarak (edonon ikusten direnak) eta sandali-txoixak, mendi eta harkaitz inguruan bizi direnak.
Eta gogoratu naiz izen berezia iruditu zitzaidala "sandalien" hori.
Gerora jakin nuen, jakina, txori horren izenak ez daukala zer ikusirik hondartzako sandaliekin eta bai sandeli edo sandaili haitzuloarekin. Han inguruan dagoelako Oñatiko haitz-enara edo sandali-txori kolonia handiena (Ptyonoprogne rupestris).
Lehenago ere idatzi dut haitz enaraz. Hortxe informazio gehiago txori honen inguruan eta enaren inguruan, oro har.
