Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Prospektiba

Zientzia, kultura ... teknologia

Eneko Astigarraga 2006/06/15 08:35

Polita Eduard Punset-ek bere blogean egiten duen hausnarketa El acontecimiento más importante de este siglo izeneko artikuluan.

Herri kulturan ezaguera zientifikoaren erabileraren zabaltzeari buruz ari da Punset. Emozionatuta eta baikorra ikusten dut. Nik uste, dogmatismoa eta fanatismoa bizirik dirautela, eta ez Afrikan bakarrik, baina ez zaio falta arrazoirik. Atzera begiratzen badugu, aldaketa nabarmena ematen ari da, metodo zientifikoa zabaldu eta erabiliagoa da guztirako eta gainera informazioa sekula baino azkarrago zabaltzen da. Joera honek onerako eragina izango du gizaki eta gizartean.

Baina, era berean, teknologiek zientzia-fikzioa dirudite. Gaur egun, eta aurrera begira, ikertzaileek gizakien izaera aldatu dezaketen berrikuntzak garatzen dihardute. Nahiko eztabaidagarria den Ray Kurzveil-ek gaur egungo aldaketen erritmoak ez direla linealak, baizik eta esponentzialak dio.

Eta izugarrizko etorkizuna daukagula gizakiok gure aurrean: nanoteknologia, genetika, zibernetikari esker... gazteagoak, bizkorragoak, indartsuagoak, argiagoak, .... izango omen gara. CNN-n elkarrizketa: Heaven or hell? How will technology shape our future? (zerua edo infernua?. Nola eratuko dute teknologiek gure etorkizuna? edo )

Gaur bertan ... Swansea University galestarran biriki eramangarriak garatzen ari direla irakur dezakegu ...

Jai daukate hemendik aurrera Urkiolako Sanantonio eta bestelako santuek !


Technorati Tags: , ,

Apaizac Obeto. Euskaldunak eta Mi’kmaq

Eneko Astigarraga 2006/06/06 14:40

Zazpi marinel - sei euskaldun eta Terranobako Micmac (Mi’kmaq) bat - atera ziren atzo Quebec-eko Yacht Clubeko (www.yachtclubdequebec.com) mollatik 1.000 itsas milia baino gehiago egiteko kubiertarik gabeko ontzi txiki batean, XVI mendeko txalupen tankeran egindakoa. Asmoa Red Bayn (Labrador) amaitzea da, dena ondo badoa uztailaren 15ean.


Le YCQ , Yacht-Club de Quebec map - Tagzania

Kasualitatez, Googlen bilaketa eginez, topo egin nuen Mi’kmaq (micmac) herriarekin, prospektiban erabitzen dugun programa informatiko batek Micmac (Matriz de Impactos Cruzados – Multiplicación Aplicada a una Clasificación) duelako izena.

Programa etorkizuna aztertzeko, txalupa-bidaia iragana eta hartuemanak berreskuratu nahiean. Politagoa seguruenez bigarrena. Behintzat politak iruditu zitzaizkidan Albeolako Xabier Agote patroiak Navigating Pace Irlandan txalupaz egindakoko itsas ibilbideko argazkiak eta filma Kulturalean erakutsi zizkigunian.

Zorte on!

Albeola elkartearen Apaizac Obeto espedizioa (nonbaiten irakurri dut "apaizac obeto!" erantzuten ikasi zutela bertakoek euskaldunak urte batetik bestera bueltan baleen bila ailegatzen zirenean Terranoba aldera.

Prentsa oharra (fr)

Radio Canada-n entzun

Via Moris Dia Basque Micmac


Technorati Tags: , ,

Tximinoak bulegoan

Eneko Astigarraga 2006/05/30 10:45

MIT (Massachusetts Institute of Technology) ikerketa zentro famatuan tximino artifizialak proposatu dituzte elkarrekin, toki berean ez dauden lantalde bateko kideen arteko komunikazioa errazteko asmoz.

Tximino hauek burmuin elektronikoa omen dute eta bere mugimenduak kontrolatzen dituzten ordegailuetara kontektatuta daude. Dirudienez, urrutiko aktibitateak antzematen dituzte eta, esate baterako, norbait mugitzen denean abisuak ematen dituzte: aizu, lasai ibili, zure kolega kafea hartzera joan da eta edo ... kontuz, Parisen dagoen lankidea, gaur hasarre dabil, eta abar. Berdin, bestelako komunikazio mota jakinak bideratu ditzakete (deiak edo abisuak mugikorretatik, ordenagailuetatik, ...).

Rachel Kern da proiektu honen ikertzaile nagusia eta aurrerago itzulpengintza eta gizaki eta konputagailuen arteko komunikazioarekin zerikusia duten zenbait proiektutan ibilitakoa da ( EMotoPhone/GalvaPhone ; Translation Assistant ; Monkey Business ). Beraz, arlo honetan, badu eskarmentua Rachelek. Lankideek tximinoak nola onartzen dituzten ikusi behar orain.

Tendencias 21n ikusia.


Technorati Tags: , , ,

Future Matrix

Eneko Astigarraga 2006/05/25 10:18

Open the Future blogean etorkizuna ikusteko modu ezberdinak sailkatu nahi izan dituzte grafika edo matrize batean.

Lehendabiziko bertsioa atera zuen herenegun what's your future mezuan, baina jasotako komentarioen ondorioz aldatu eta eguneratu egin dute.

Seguruenez gehiegi sinpletzea da, baina hona hemen sailkapena:

Beste modu batean ikusita, etorkizunaren aurrean lau jarrera mantendu daitezkela esaten da:

  • pasiboa: aldaketak jasan eta sufritzea.
  • erreaktiboa: aldaketak ematen direnean erreakzionatzea.
  • pre-aktiboa: aurreikusten diren aldaketak eman aurretik prestatzea.
  • pro-aktiboa: gura diren aldaketak eragitea.

Sarritan optimista edo pesimista izatea ez da erabakigarria, baina uste dut ikuspuntu biak osagarriak izan daitezkela.


Technorati Tags: , , ,

Ubuntu gidak

Eneko Astigarraga 2006/05/20 15:43

Aspaldiko ezagun baten proiektu berria ikusi dut gaur sarean: GuiasUbuntu . Gazteleraz eta hasiberriei zuzenduta dago: Redacción abierta y modular de guías para usuarios noveles de Ubuntu y sus distribuciones GNU/Linux derivadas. . Uste dut laster paperean aterako dela Guía Guadalinex bezala, Guadalinex distribuzio berria zabaltzearekin batera.

Testu gehienak Quim Gil (desde america con amor , Otra democracia es posible , espiral , putput , infonomia , eta beste mila gauza) katalan internazionalak idatzi ditu. Sarean eta Creative Commons 2.5 lizentziapean daude.

Duela urte batzuk ODP-dmoz proiektuan genbiltzanean Quim , Gari eta beste batzuk Morgan geratu eta Bizkargi egun euritsu batean, Gaztelumendik hainbeste maite duen Bizkargi gainera igo genuen. Bizkor gainera, arnasestuka, euripean eta lokatsa artean: Quim ez da jaio geldirik egoteko!


Technorati Tags: , ,

Garraioak 2050, eszenategiak

Eneko Astigarraga 2006/05/14 17:49

Urrutira miatu du Frantziako Ministère des Transports, de l’Équipement, du Tourisme et de la Mer delakoak ( http://www.equipement.gouv.fr ), eta 2050 urteari begira garraioen ikerketa prospektiboa bultzatu du.

Garraioena pil-pilean dagoen gaia da, arlo ezberdinetatik eztabaidan: azpiegitura berriak, garraio motak, energia kontsumoak, garraio arautegiak, ...

Démarche prospective transports 2050 ikerketak epe luzeari begira, garraioaren inguruan hausnarketarako elementuak plazaratzen ditu. Frantziarako dago egina, baina beste herrialde europarrentzat baliagarria izan daiteke, nik uste.

Txostena eskuragarri dago .pdf formatoan (adi 2,1 Mb)

Frantziako ministeritzaren txostenak 4 eszenategi jasotzen ditu:

  • “Gouvernance mondiale et industrie environnementale”.
  • “Repli européen et déclin”
  • “Grande Europe économique”
  • “Gouvernance européenne et régionalisation”.

Eszenategi bakoitzeko deskripzioa eta balore nagusiak ematen dira: tonak, CO2, petroleo prezioa, biaiariak, BNG-a, ...

Ardatz atlantikoari dagokionez, aurreikusten duten hazkundea bi joera nagusitan oinarritzen dute txostengileek:

  • erakartasun turistikoan, 2050 urteari begira ardatz mediterraneoan baino indartsuagoa, potentzialite gehiagokoa, aurreikusten dutena,
  • eta Espainia eta Portugaletik datozen pisu astunen fluxuetan, urtero %3a edo gehiago handitzen dena.

Gainera bidaiaren kopurua bikoiztea espero dute eta karga-trafikoa + %50tik + %150ra hegoaldearen hazkunde ekonomikoaren arabera. Hipotesi hauekin arazo larriak aurreikusten dituzte errepideetan, baina egin edo aurreikusten diren azpiegiturei esker, Frantzian Rodano aldeko ardatzean izango dituztenak baino txikiagoak(txostenaren 45 eta 46 orrialdeetan).

Orokorrean CO2 emisioak geldiarazi daitezkelakoan daude eta, bukatzeko 5 mezu nagusi plazaratzen dituzte:

  • Mugikortasunak duen hazkunde portzentaia geldiarazi egingo da.
  • Garraio modu alternatiboak garatu eta izan arren, errepidetako garraioa nagusi izango da.
  • Lehentasun nagusia ikerkutza bultzatzean eta normalizazioa indartzean datza. Batez ere, alternatiba energetikoak bideratzeko eta ekonomiak indartzeko.
  • Beharreko baldintza: mundu mailan CO2 emisioak erregulatzea, europearren kemenari esker.
  • Preminazko ekimena: garraioen etorkizunari buruzko ikuspuntu amankomunean sakondu.


Technorati Tags: , ,

Euskadi 2020: acertar de nuevo

Eneko Astigarraga 2006/05/10 23:55

Deustoko Unibertsitateak antolatzen duen Forum Deusto (www.forum.deusto.es ) ekimenaren barnean eta prospektiba kutsua duen Euskadiren geroa: hainbat begirada zikloaren barruan, Josu Jon Imaz Euzkadi Buru Batzarreko lehendakariak "Euskadi 2020: acertar de nuevo" izenburuko hitzaldia eman du gaur arratsaldean.

Argazkian ageri den Deustuko Unibertsitateko antzinako liburutegian, Gradu Aretoan dotorean, izan da.

Interesgarria "Josu Jon Imazen": hitzaldia. Hasi bezain laster, etorkizuna asma ezina dela garbi esan du, nola ez. Baina bere ustetan etorkizunerako erronka eta joerak zeintzuk izango diren ondo jorratu eta azaldu ditu.

Herri txikia izanik, lehenetasuna pertsonengan eta baloreetan jarri behar dela azpimarratu du, eta hiru erronka nagusi ikusten ditu aurrera begira, 2020 urteari aurre egiteko: 1) bakea lortzea; 2) normalizazio politikoa; 3) sormena eta berrikuntza.

Eta eztabaidan sortu diren galdera-erantzunetan laugarren bat botatzera ausartu da: jendea erakartzea, gurera bizitzera eta lan egitera jendea erakartzea, alegia.

Azken finean, aurrerago asmatu den bezala, garrantzitsuena gerora ere asmatzea da.

Politikak bere tokia izan du hitzaldian, batez ere 2020 urtean eta haratago, Estatuek izan dezaketen papera. Globalizazioak eta bizi garen informazio garaia, munduko toki batetik bestera informazio fluxuek hain azkar ibiltzeak goitik bera aldatzen du politika eta arazoen tratatera: ingurugiro politika, segurtarsun politika, fiskalitate politika, ... era globalizatuan tratatu beharko dira. Estatuak txikiegiak geratuko dira. Club de Roma aipatu du Imazek hausnarketa hauen oinarrian, baina 2020 urteari begira CIAren aginduz National Intelligence Council delakoak egindako txostenak edo Europar Batasunaren IPTS prospektiba zentroaren txostenak lagungarri izan daitezke ere.

Luze joan da Forum-a, galdera asko zeuden, baina esango nuke ez dela aspergarria egin ia bi ordu izateko eta inolako powerpoint aurkezpen, transparentzia, bideo edo tresna lagungarririk gabe aritzeko. Interesgarri eta atsegingarria orohar; ongi, beraz.

Ez dakit osoa, nik uste epe laburrean, baina Deusto Telebistan ipiniko da hitzaldiaren grabazioa.

Eguneraketa:

Hau idatzi eta gero, hitzaldiaren testu nagusia dagoeneko Interneten dagoela ikusi dut. EAJren webgunean: JOSU JON IMAZ, Euskadi 2020: Acertar de nuevo


Technorati Tags: , ,

Energia: Biofuela Europan 2030 urtean

Eneko Astigarraga 2006/05/07 01:13

Petroleoaren prezioa gora eta gora doa, petroleo erreserbak mugatuak dira, gatazkak gero eta gehiago, eta horregatik beste aukera batzuk aztertzen eta ikertzen ari dira mundu osoan.

Europan, The Biofuels Research Advisory Council (BIOFRAC) delakoak bere ikuspegia aurkeztu du eta biofuelen inguruko txostena kaleratu du egun hauetan: Biofuels in the European Union - A Vision for 2030 and beyond (adi .pdf formatoan 492 KB).

Txosten hau eta beste gai batzuk jorratuko dira ekainaren 8an egingo den mintegian eta era berean bio-erregaien plataforma teknologiko europarra sortu eta aurkeztuko da .

Energiaren etorkizunari buruzko mintegi eta konferentzia ugari antolatu ditu Europar Komisioak, arlo honetan ikerketa bultzatzeko asmotan: Fusio teknologiak irailean (soft2006.materials.pl ) , Gas Turbinak urrian (www.eu-gasturbine.org), etabar.


Technorati Tags: , ,

QuietRevolution : aukera berriak energia berriztagarrietan

Eneko Astigarraga 2006/05/02 23:26

Azken boladan Chernobileko hondamendiaren 20. urteaurrena ospatu denez, Energiaren inguruko eztabaidetan gabiltza.

Badirudi epe luzera begira erregai fosiletan oinarritutako energiak ez dutela etorkizun gehigirik eta, iraganean izandako arazo larriengatik eta berriztagarria ez delako, ezta nuklearrak. Horregatik energia berriztagarrietan jarrita ditugu itxaropenak.

Baina azken hauek gaur egun zeharkako arazoak sortzen dituzte energia sorkuntzan. Esate baterako, askoren gustokoak ez diren aerogeneradore titanikoak gure mendietan edota urtegi erraldoiak era zentralizatuan energia lortzeko.

Baina, egun hauetan XCO2 izeneko enpresa britaniarrak Quietrevolution izeneko aero-turbina bertikal berria asmatu du. Propaganda dioenez eta argazkietan ikus daitekenez, haize indar elegantea da. Isila, elegantea eta, gainera, argiarekin (LEDs, Light Emitting Diodes) konbinatu daiteke energia ekoizten duen bitartean argazkian ageri diren diseinuzko efektuak sortzeko. Egia esan, ez dira txikiak, 14 metro inguru, baina batzuren ustez, dotoreak dira eta kaleetan ipintzeko modukoak.

Aurten hasiko dira instalazioekin, baina harrera ona izan dute Quietrevolution delakoak. Generadoreen prezioa 30.000 libra da, bi urteko garantia dute eta urtean 10.000 kW ekoiztuz gero, Ingalaterrako elektrizitate prezioarekin aparatu bakoitza 15 urtetan amortizatuko dela aurreikusten dute.

Seguru nago, etorkizunean aurrerapen asko ikusiko ditugu energia berriztagarrien inguruan... tamaina txikiko ekoizpenen aldera, kontsumotik gertuago, iraunarazpena, nanoteknologiak, errendimendu askoz hobeak,... Horretaz gain, petroleoaren prezioaren igoerekin, martxa honetan biodiesela ekoiztea laster errentagarria izango da.

Aldaketak jarraitzeko World Changing. Another world is here blog gomendagarria da.

Info gehiago Quietrevolution inguruan:


Technorati Tags: , ,

Bilatzaile akademikoak, OAIster, Microsoft, Google, ...

Eneko Astigarraga 2006/04/21 00:21

Duela egun batzuk Microsot-ek bilatzaile akademiko berria kaleratu du: Windows Live Academic , gaur eguneko joerei jarraituz Beta fasean, jakina.

Bilaketetarako tresna berri hau Microsoften oinarrituta eta momentuz gai akademiko batzuei zuzenduta dago: informatika, konputazioa, fisika, injeniaritza eta hauei lotutako gaiak indexatu eta bilatzen ditu. Diotenez, 6 miloi errejistro , 4.300 argitalpen, 2000 konferentzia, Internet atariekin loturak, ... Etorkizunean gai eta zerbitzu gehiago gehituko omen dira.

Bilaketak liburutegi elkartuetan egiten dira. Windows Live Academic bilatzaileak Open Archives Initiative (OAI) protokoloa erabiltzen du. (Duela urte t'erdi Durangoko Azokan aurkeztu genuen OAI protokoloaren inguruan egindako ikerketa bat eta honetaz jardun genuen hemen.)

Windows Live Academic bilatzailean Echenique, P. M. bilatuz emaitza sorta ederra lortzen dugu. Zehazki 313 emaitza lortzen dira.

Apur bat lehenago Googlek Scholar Google bilatzaile akademikoa atera zuen. Bilaketa berdina eginez, hau da Echenique, P. M. , lortutako emaitza kopurua 2.200 da.

OAIster University of Michigan Digital Library delakoak bultzatutako bilatzailea akademiko garrantzitsua da. OAI protokoloa erabiltzen du elkartuak dauden beste 620 liburutegi eta erakundeen data basetako datuak bilatzeko eta emaitzak lortu eta aurkezteko. Bilaketa berdina eginez, Echenique, P. M. , 70 emaitza lortzen ditugu.

Justu "OAI-PMH" terminoak bilatuz, azterketa sakonagoa egin dute www.escholarlypub.com/digitalkoans webgunean. Aipatutako hiru bilatzaileak ACM Digital Library, Engineering Village, Information Science & Technology Abstracts eta Library Literature & Information Science data base komertzialekin konparatu dituzte eta dirudienez emaitza gehiago lortzen dira On-lineko OAIster, Google Scholar edo Windows Live Academic bilatzaileetan. Eta azken hiru hauen arteko konparaketa azkarrean, hauxe azpimarratzen dute:

  • OAIster bilatzailearen bitartez dokumentu eta argitalpen libretara eramaten gaitu.
  • Windows Live Academic bilatzaileak hein handian dokumentu osoak lortzen ditu.
  • Google Scholar bilatzaileak emaitza gehiago lortzen ditu (Googlek OAIster erabiltzen du, hilero bidaltzen diete datuak) baina apur bat nahastuak.

Onena denetan froga egitea, beraz.

Aldaketak: zitazio indexak eta editoretzarekiko harremanak

Bestalde, ezaguna da zitazio edo aipamen zientifikoak unibertsitatean egiten diren argitalpenen ebaluaketarako duten balioa. Ikertzaile baten ibilbidea, bere karrera edo ikerketa talde baten balioa eta ondorioz lortuko duen finantziatzioa neurtzeko balio dute. ISI, S.C.I. (Science Citation Index), J.C.R. (Journal Citation Reports),... dira erreferentziak.

Dirudienez, bilatzaile akademiko berri hauek, kontsultatzeko hain errazak direnez, arrakasta eta ospe edo prestigioa kontrajartzen dute. Aldizkari zientifiko "popularrak" arrakasta gehiago dute eta kontsulta gehiago jasotzen dute, baita aldizkari "prestigiosoen" aipamenak, Weighted PageRank hobea lortuz eta alderantziz.

Editore akademiko eta Google, Yahoo, Microsoft bezalako erraldoien arteko harremanetan "saltsa" aurreikusten dute adituek. Testu, argitalpen, artikulu edo idatzi zientifikoen bilaketak on-line egiten dira gaur egun, baina aipatutako erraldoiak ganorazko emaitzak eskaintzeko editore akademikoek dituzten "edukiak", eta ondorioz azken hauekin ezinbesteko tratu komertzialak, lortu beharko dituzte.


Technorati Tags: , ,

Aurkezpena

"Etorkizuna interesatzen zait datozen urteetan bertan biziko naizelako".

Prospektiba, estrategia eta plangintzari buruzko bloga.