Prospektiba

Asteazkenean, ekainak 1, Ecole de Paris du management delakoan: Projets de territoires, du Pays Basque aux Pyrenees-Atlantiques jardunaldia antolatu dute.

Bertan, Bernard DARRETCHE, Garapen Kontseiluko Lehendakaria eta Baionako Bazkundearen Zuzendaria, eta Jean-Jacques LASSERRE Pyrénées-Atlantiques Kontseilu Orokorreko Lehendakariak, azalduko dute, 1992 urtean Pays Basque 2010 hausnarketa prospektiboaren ondoren Garapen Kontseiluan egindako lanak eta esperientzia Pyrénées-Atlantiques departamentura zabaltzeko aukerak eta erronkak.

Michel Godet eta François Bourse-ren eskutik, duela hamairu urte, garaiko Baionako subprefeta gazteak bultzatutako Pays Basque 2010 lanaren hausnarketa saio batzuetan parte hartzeko aukera izan nuen Donapaleun eta, gaur bezala orduan ere, askoren asmoa ez zen Garapen Kontseilu soila lortzea, Iparralderako Departamentua baizik.

Iaz argitaratu zen berriro PAYS BASQUE 2010. La prospective participative dans un territoire d'exception izenburu erakargarriko txostena eta eskuragarri dago hemen .pdf formatoan (adi! .pdf astuna: 2.954 KB). Txostenak 103 orrialde ditu, Marc Mousli irakasleak idatzi du eta Cahiers du LIPSOR - LIPSOR Working Papers bilduman argitaratu da.

Prospektiba txostenean, retrospektiba eginez, dokumentuan Departametuaren afera argi ageri da: DEUXIEME PARTIE : LES INSTITUTIONS. LA QUESTION RECURRENTE DU DEPARTEMENT eta 19. orrialdetik aurrera aurkitu daiteke. 1790 urtetik, Conseil General esan beharrean Parlement de Navarre esaten zenetik, datorren eskaera. Ametsa oraindik.

Pariseraino Darretche eta Lasserre-ren mintzaldia entzutera joan beharrean, Internetari esker dagoeneko Pays Basque 2010. La prospective participative dans un territoire d'exception txostena irakurtzeko aukera dugu.

Carnegie Melon Unibertsitateko Masters in Human Computer Interaction delakoaren ikertzaile gazte batzuek, auto-etxe baten eskaerari erantzunez 2010 urtean merkaturatzeko kotxeen aisialdirako ekipamendu aplikazio berritzaile hau egin dute: Roadcasting izeneko irrati mota berria.

Irrati sistema berri honekin, gutariko autogidari garen edozeinek, bere irrati estazioa sor dezake autoan.

Antza denez, Roadcasting sistema honek kotxetik, 30 mila edo 50 kilometrotako inguru batean, gure musika edo grabaketak zabaltzea bideratzen du, sistema tekniko berdina duten kotxe sarearen bitartez. Diseinua hemen .

Erabiltzaileek bere musika autatu dezakete, edo beste autogidarien musika selekzioa jarraitu eta botoi bat sakatuz hitz egin dezakete.

Hau da, ulertzen dudanagatik, sistema honekin irrati estazio mugikorra naiz: nere musika selekzioa entzuten eta, era berean, banatzen noa, 50 kilometrotako inguru horretan. Gainera, Malmasineko tunelera ailegatzerakoan, "Talk" botoia sakatuz , abisatu dezaket atasku edo butxadura demasa dagoela, txingorra ari duela edo istripua izan dela. Norbait nere emisioa entzuten badoa, nere musika entzuteaz gain, nik esanda Malmasinen ataskoa dagoela edo beste edozertaz enteratuko da.

Bi kontzeptu bateratzen ditu Roadcasting izeneko irrati mota berri honek: mugikortasuna, kotxea bera da emisora, eta kolaborazioa, hau da, sistema tekniko berdina duten kotxe sarean, banatu eta jaso dezaket musika, grabazio edo berriketak.

Agian teknikoki oso berritzailea da, eta etorkizuneko kotxe guztietan fabrikatik ekarriko dute horrelako sistemaren bat. Ezagutzen ditugun aurkikuntzak nahasten ditu, baina kontzeptualki ez zait iruditzen saltzen duten bezain berritzailea denik. Baina agian arrakasta handia du, nork daki. Kodea behintzat, edozeinek jeisteko moduan ipini dute.

Smart Mobs The next social Revolution.

Ordu honetan ez dago oraindik emaitza ofizialik, baina IPSOS, CSA edo Sofres etxeek egindako sondeoen arabera, %56arekin Ezetzak irabazi egin du.

Frantziako egunkarietan jarraitu daiteke albistea: Le Monde La France rejette nettement le traite constitutionnel, Liberation Un non ecrasant, Le Figaro Le non historique du 29 mai, Soud Ouest Pour les Francais, c'est NON , L'Humanite ez dago sarean eguneratua, baina beste toki batean irakurri dudanez, Europe liberale: c'est non! eramango du azalean, Les Echos Large victoire du non au referendum , eta abar.

Chirac-en dimisioa eskatzen ari dira batzuk, Europar batasunerako B plana ote dagoen galdetzen dute beste batzuk, ezetza esaten duten estaturik gabe edo, Holandan ezetzaren garaipena espero dute analistek edo Blair-ek Britaina Handian ez duela egingo erreferendum-ik..., bitartean ezetzaren aldekoak nahasian garaipena Bastillen ospatzen daude .

Iparraldean (bon, Pyrénées-Atlantiques-etan, momentuz datuak bateratuak bait daude) ezetzak irabazi egin du baina gutxiagotik, %52-%48.

Bitartean, Giscard d'Estaing-ek zera esan zuen larunbateko Le Figaro-n Il n'y aura pas d'autre solution que de revoter si le non l'emporte... Berriro bozkatu beharko dela.

Baliteke, agian bigarren aukera bat izango da Frantzian, edo Europar Batasunak aurrera egingo Frantziarik gabe, edo beste 5 edo 10 urte itxaron beharko dugu beste Europar Konstituzio bat adostu eta onartu arte, epe laburrera edo luzerako eszenategiak, guztiak irekiak, nik uste,

Baina, baietzak zentesima batengatik irabazi izan balu, demagun %50,01a baietzaren alde, Europako Konstituzioa onartua izango litzateke. Ez onartua izan den bezala Frantziako ezetzen %55 edo %56arekin.

Orduan, zergaitik eskatzen dira %51etik gorako gehiengoak beste erreferendum hipotetikoetan?

Marrazkia Jochen Gerner Liberation-en

Auna Fundazioaren Notas de Analisis y Prospectiva argitalpen sortan, El Marketing on-line izeneko dokumentua kaleratu dute. Dokumentua ez da apartekoa, lau orrialde baino ez dira, baina marketing online-aren joeren laburpen modura balio dezake.

Eskuragarri dago .pdf formatoan (adi .pdf 445 KB).

Ikerketen arabera, edozein sektoretan marketing onlinek erosteko intentzioa 5 puntutan hobetzen du eta web orrialdeak dira kontsumitzaileek gehien erabiltzen dituzten informazio iturriak produktu edo zerbitzu bat erosi baino lehen. Normalean, bilaketa motoreak erabiliz.

Etorkizunari begira, on-line egiten den publizitate inbertsioa eta on-line egindako marketina gorantz egingo dute, zalantzarik gabe.

Azpian txostenetik ateratako grafiko batzuek:

Duela gutxi, Xabier Mendigurenen Egunen Harian blogean Serendipity hitza aipatzen zen . Kontzeptu erakargarria iruditzen zait eta inoiz erabili izan dudan hitza da.

Outils Froids blogean aipatzen zutelako, gaur otsaileko Robotique, vie artificielle, realite virtuelle aldizkarian, gaiari buruzko Pek van Andel holandarraren artikulua ikusi dut: "Sérendipité, ou de l'art de faire des trouvailles", Serendipitia, edo aurkikuntzak egiteko artea. Printzipioz, gai garrantzitsua eta erakargarria ikerketa mundurako.

Horrela, ez da harritzekoa Groningue Unibertsitateko Pek van Andel bezalako ikertzaile batek gaiataz arduratzea - munduko Serendipity bilduma handiena omen dauka-, edota artiluaren sarreran aipatzen denez, Holandan serendipitiologiataz berba egitea.

Serendepitia espero ez duzuna aurkitu, inbentatu edo sortzeko artea da. Serendipity hitza duela 251 urte sortu zen eta Serendip-eko (Sri Lanka-ren antzinako izena) erregearen hiru semeen historia polit batekin zerikusia du.

Serendipity hitza 1754 urteko urtarrilaren 28an sortu zen. Gutun batean, Serendipeko hiru printzeen abilezia definitzeko Horace Walpole-k erabili zuen lehen aldiz. Espainolez, "serendipia" erabiltzen dute eta frantsesez "sérendipité", baina ez dut uste akademiek esan dutenik hitza zuzen nola erabili behar den.

Kontua da, arteologia bezala, berriro apur bat modan jarri dela. Pek van Andel-ek bere serendipity bildumatik ondoriatutako hamar puntu politak eskaintzen ditu artikuluan.

Esate baterako, kimika, fisika, geologia, medikuntza, astronomia, ... bezalako zientzia esperimentaletan serendipity adibideak maiztasun handia dutela; ikerkuntza sistematikoa eta serendipitia ez direla elkar baztertzen, elkar osotu egiten direla, eta beste esateko interesgarri asko daude "Serendipite, ou de l'art de faire des trouvailles artikuluan.

Pek van Andel-en adibideen arabera, sistema adituak adituen laguntzarako dira, baina ezin dituzte ordezkatu eta, zorionez, ikerketetan sakontzen dugun neurrian agertzen dira bilatu ez ditugun arazoak.

Van Andel-en esanetan, aurkikuntzataz ari gara zeozer berria eta egiazkoa (zientzia), berria eta erabilgaria (teknika) edo berria eta liluragarria (artea) sortarazteko bi edo gehiago elementu jakinak ikertzailearen begien aurrean originalki konbinatu edo elkartu egiten direnean.

Bidebatez, iaz, Princeton University Press-ek Robert K. Merton zientziaren soziologo famatuak eta Elinor Barber-ek, 1958 urtean idatzitako The Travels and Adventures of Serendipity: A Study in Sociological Semantics and the Sociology of Science liburua lehen aldiz argitaratu dutela jakin izan dut.

Ez nekien soziologia serendipity-arekin lotzen zela Merton-en bitartez: hau aurkikuntza!

Ezusteko albistea gaurko China Daily albistegi digitalean: Txinako hegoaldean langile faltan daude.

Teoriaren arabera, eskasia dela, langileen aldarrikapenak direla, ekonomia txinatarra gora doala eta, ... pixkanaka langile txinatarren soldatak gorantz jo beharko dute. Joera berria, beraz, hor dago.

Oraindik, luzaro itxaron beharko dugu haien lan kostuekin parekatzeko, baina Mikel Navarroren teoriari jarraituz Euskal enpresentzat mehatxua ez dago, askotan pentsatzen den bezala, Asia Ekialdeko dragoietan edo Europa Batasunaren ekialdeko estatu berrietan dauden enpresetan, baizik eta herrialde horietan kokatutako kapital atzerritarreko konpainietan. Konpainia horiek geuriek duten antzeko produktibitate, edo kasu askotan hobea, dute, baina lan-kostu urriagoak dituzte, eta horietan dago mehatxua lehiakurtasunaren ikuspegitik.

Argazkia: China Daily

Zaila sinesteko, baina nork daki. Igandean The Observer egunkariak argitaratu zuen albisteak - 2050 - and immortality is within our grasp - izugarrizko ohiartzuna izan du (gaztelerazko atelean jaso nuen atzo). Deabruarekin pakturik egin gabe hilezkortasuna lortzeko aukera zabaltzen zaigu.

Ian Pearson , British Telecommunications-eko Etorkizuneko unitatearen zuzendariak esan du: 2050 urtean zerebro eta burmuin osoak ordenagailu batetik jaitsi ahal izango ditugu.

Hori bai, 2050 urtean aukera hori bakarrik aberatsen esku izango da. Cyber-hilezkorrak izateko, pobreek 2075 edo 2080 urterarte itxaron beharko dugu. Ordurarte bizirik irautea baino ez dugu!

Gehiago jakiteko:

Ian Pearson-en etorkizunaren gida

Elkarrizketa BBC-an Ian Parsonekin

Albistea beste medio batzuetan:

• Yahoo: Death could be averted by downloaded brains, British futurologist says
• The Age: End of death?
• CNN News: Brain downloads possible by 2050

IFTF's Future Now blogean irakurtzen dut Tech Review liburutegi infinitoa (The Infinite Library) izeneko artikulua dakarrela.

Eleberri baten izenburua dirudi, baina gero eta gertuago dugun errealitateari buruz ari dira artikuluan. Gure ordenagailuetatik liburutegi askorekin konektatuak egon gaitezke. Era berean, liburutegi askok elkarlotuak egon daitezke, gure ordenagailuetatik liburutegi horietako testu osoko liburuak kontsultatu ahal izango ditugu, gure ordenagailutik kontsultatzen dugun liburutegia ia infinitoa eginez.

Ekimenak martxan daude, artikuluan Sir Thomas Bodley-ek Oxford-en lehen unibertsitate liburutegia, Oxford Unibertsitateko Bodleian Library, finantziatu zuela 400 urte betetzen diren honetan, adibide bezala ipintzen dute. Digitalizazio prozesuei esker, XI mendetik XVII mendera doazen eskuizkribuak kontsultatu ditzakegu gure ordenagailuetatik. Eskuizkribu eta irudi bitxiak. Eskubiko honetan, medikuntzarako eskuizkribu lagungarria XII mendean.

Gainera, aukerak gero eta zabalagoak izango ditugu. Berdin, kontsultatuko ditugu XI mendeko eskuizkribuak edo azken generazioko makina-erremintaren kontrola eta funtzionamendurako dokumentazio teknikoa eta bideoak.

Baina digitalizazio prozesuaren onurak jasotzeko, lehen inbertsio bat egin behar da. Artikuluaren arabera, inbertsio horren kostearen estimazioa honako hau da: bataz beste 30 minutu liburu bakoitzeko eta liburu bakoitzeko 10 dolar (hau da 8 euro ggb). Beheko taulan ikus daitezke hainbat AEB-etako liburutegi handietarako egindako aurreikuspenak.

Guztira ez dakit zenbat diren, baina 1977-1994 tartean 10.248 liburu argitaratu ziren euskaraz. Guztiak digitalizatzea, amerikanoen kalkulu estandarren arabera, 102.248 dolar edo 81.984 euro. Grafikoan ikusten direnekin konparatuz, ez dirudi asko. Gainera, elkartrukaketa eta erreproduzio arauak ondo antolatuz, argitalpen bat behin digitalizatzea nahikoa litzateke.

The International Network Archive , Princeton University famatuaren inguruan biltzen den aditu eta akademikoen elkartea da. Miguel A. Centeno Yale-ko soziologoak hasi zuen.

Orokorki, INA - International Network Archive delako horretan, datorkigun etorkizun globalean geografia erabili ezinezkoa izango dela uste dute eta ondorioz, toki batetik bestera ematen diren interakzio globaletan oinarrituta, mapen bitartez gure mundua hobeto ulertzeko moduak asmatzen ari dira. Argitalpenak , Datu artxibo interesgarriak , loturak kolaboratzaile, lanerako software libreekin eta argitalpen gehiagorekin dituzte.

Gainera, Infographics izeneko mapen proiektua martxan dute eta atzean dagoena, Jonathan Harris da, Flaming Toast delakoaren fundatzailea. Bere mapifikazio lana 2006 urterako amaitzea nahi dute.

Orain arte egindako mapa batzuk: Choose your weapon, Armei buruz , SSSmokin, Tabakoari buruz , Red Tape, Administrazioari buruz , ...

Garraioei dagokionez, ez nekien bizikleta dela munduan gehien erabiltzen den ibilgailua .

Z + blog bidez

EHU-k urtero antolazten dituen Uda Ikastaroen barnean, Lanaren Etorkizuna eta Etorkizuneko Lana aztertuko duen Uda Eskola antolatu da.

Uda Eskola Mik-eko Igor Calzada-ren zuzendaritzapean dago eta lanaren inguruko aurreikuspenak, hausnarketak, kontzeptualizazioak, joerak, baldintzak, ondorioak edo etorkizunerako eszenategiak aztertzeaz gain, berrikuntza bezala, beste toki batzuetan normalak diren, lanaren etorkizuna eta lana etorkizunean gaiaren inguruko Saiakera Lehiaketa antolatu da.

Saikera lehiaketan parte hartzeko izena eman eta saiakera bidaltzea baino ez dago. Lau hizkuntza onartzen dira eta baldintzak hemen daude

Duela urte batzuk, 1995-1996ean, Ramon Jauregi Justizia, Ekonomia, Lan eta Gizarte Segurantza Sailburua eta Francisco Egea Ekonomia Sailburuordea zirelarik, mundu mailan puntako jendea ekarriz, gure artean lanaren etorkizuna eta lanaren banaketari buruzko saiakerak egin ziren. Izan ere, Jauregui berak lanaren etorkizunari buruz, 1997 urtean Universidad Complutense de Madrid delakoak El Escorial-en antolatzen duen Uda Ikastaroetan parte hartu zuen .

Baina, nik dakidanez, azken boladan, etorkizuneko lanari buruz eta gaur eguneko lanaren kalitateari buruz uste baino gutxiago pentsatzen eta hausnartzen dihardugu. Beraz, ongi etorria Uda Eskola hau.