Hemen zaude: Hasiera → Blogak → Dantzing → Artxiboa → 2009 → Azaroa → 11 → Noiz da Gaztaiñerre?
Dokumentu Akzioak

Dantzing

Noiz da Gaztaiñerre?

Eibar, Ermua eta Soraluze aldean ospatzen den jai bat da Gaztaiñerre. Izenak adierazi bezala gaztaina erreak jatea da festaren zutabeetako bat. Astelehen buruzuriz egiten dira afariak, karakolak tarteko, eta postrean gaztaiñak jan ohi dira. Baina noiz da Gaztainerre?

Orain urte batzuk atera aritu ginen <eibartarrak> posta zerrendan horren inguruan eta Juan San Martin-ek Antzinako Eibar

liburuan argitaratutako testua jaso genuen.


San Martin-ek bere garaian ezagututako eztabaida bat argitu nahi zuen horrekin. Autua hauxe zen:

  • Batzuen ustez Domu Santu egunaren ondoko bigarren astelehenean ospatzen da Gaztaiñerre
  • Beste batzuen ustez Arimen Egunaren ondoko bigarren astelehenean ospatzen da Gaztaiñerre


Kontua da normalean ez dela arazorik izaten, bi ekuazioak aplikatuta astelehen berbera tokatzen delako Gaztaiñerre, baina bospasei urtetik behin suertatzen da diferentzia, eta aurten tokatu da!!!

Aurten Domu Santu eguna (azaroak 1) igandea izan da eta Arimen Eguna (azaroak 2) astelehena. Beraz...

  • Domu Santu egunaren ondoko bigarren astelehena azaroaren 9an izan da.
  • Arimen Egunaren ondoko bigarren astelehena azaroaren 16an izango da.


Biba, badaukagu diskutitzeko aukera!!!

Juan San Martinek epaia eman zuen: "Iritziak iritzi, Arimen egunetik bigarren astelehenean ospatzen da". Baina, eztabaidaren onurak ere aintzat hartzen zituen: "Jan-edan zaleentzat hain da egun ona, baziren astelehen bietan behar zela esaten zutenetarik ere, eta Guruzeta korresponsalarentzat, duda hoiek kontuan harturik, azaroko astelehen guzietan ospatu behar zen."

Oier Araolaza 2009/11/11
Erantzuna gehitu

Beheko formularioa betez erantzun bat utzi dezakezu

(Beharrezkoa)
Esaiguzu zure izena
(Beharrezkoa)
(Beharrezkoa)
(Beharrezkoa)
(Beharrezkoa)
Idatzi irudiko hizkiak beheko kutxan. Spamari aurre egiteko captcha metodoa da hau.

Dantzing

Hitzen eta gorputzen dantza

Oier Araolaza Arrieta (Elgoibar, 1972) Kazetaritza eta Antropologia ikasketak egin ditut, ETBn eta Elhuyar-en egin dut lan, baina azken urteotan dantzaren komunikazioan eta kudeaketan ari naiz buru-belarri. Eibarko Kezka dantza taldea dut bigarren etxea eta Donostiako Argia dantzari taldeak argitzen dit bidea.  <eibartarrak> posta zerrendaren bidez Interneti zukua ateratzeko aukerak ikasi eta dantzaren alorrean aplikatzen saiatu naiz. dantzan.com

izan da ahalegin horien ondorio nagusia, euskal dantzarien informazio gune bat.

 

Blog honetako testuen lizentzia: Creative Commons by-sa
Azken erantzunak
baztanaldera Oier A., 2010/02/02
pasaietan Pello, 2010/02/01
Ostrokua Aitziber Iriarte Garin, 2009/12/30
Ostrokua Oier A., 2009/12/29
Hambre Aitziber Iriarte Garin, 2009/12/29
Etiketa lainoa
012 2007 2009 ADDE a-gripea administrazioa agenda akondia amateur antzerkia apaizak argazkiak argazkilariak argia argia-astekaria argia-urtekaria arimen-eguna arma-museoa armia-eibar arratetikuak arrazismoa aste-santua bailara balantzea baltasar beltza belztasuna berano bidegorria bideoa bideoak bilera bizikletan bizkaia bortizkeria buruhandiak codesyntax dantza dantza-elkarteak dantza-tradizionala dantzan.com debabarrena delfin-colome diru-laguntzak domu-santu eibar ekain elgoibar elurra elurtuta ermua erraldoiak erregeak eskia eskiatzen esku-dantza eskualdea etakitto eusko-jaurlaritza festak filipe-oihanburu gaba-beltza gaixotasuna gaztaiñerre gerra gripe-a gripea halloween hitzegiten hizketan hizkuntza hiztegia hollywood ibilaldiak ibilbideak ikasten ikusentzunezkoak inauteriak internet irekia jaurlaritza kalamua kamerariak karnabalak kep kilimon kuestazioak kultura kulturaren-euskal-plana mallabia maltzaga mendaro mikel-laboa monica-runde morris multak museoak musika oinez olinpiadak ondarroa ordizia profesional programazioa puska-biltzea santaneroak silberio-beristain sinboloak space-invaders stargate susyq telebista tradizioa tradizioak txangoak txingoak txistua umeak umeekin urtekaria worldploneday2008 zentzua zutabeak