Ingelesen hilerria
gabonak
Zatozte haurtxoak
Ondo igaro Gabonak, lagunak, eta urte berri on. Hona gure familiaren felizitazioa.
Peru bibolina ikasten ari da, eta Suzuki metodo ezagunaren piezetako bat da hau, O Come Little Children. Gabonetarako, Easo Musika Eskolako bere irakasleak, Mikel Larrazek, hauxe aukeratu zion, beste lagun batzuekin jo beharreko kontzerturako. Suzuki metodoa bera, eMulen aurkitu zuen Peruren ikaskide Maria Fossatiren aitak, eta pasatu zidan. Hantxe dago partitura hau:
Hor ez zegoen informazio askorik, baina bilatuz bilatuz, aurkitu genuen musika originala Johann Abraham Peter Schulz-ena (1747-1800) zela. MIDI fitxategia, entzuteko hementxe. Letra originala alemanez Christoph von Schmid-ek (1768-1854) idatzi zuen, musika konposatu eta urte askotara, 1850 inguruan, eta hauxe da:
Zur Krippe her kommet in Bethlehem's Stall,
Un seht, was in dieser Hochheiligen Nacht
Der Vater im Himmel fuer Freude uns macht.
Seht heir bei des Lichtleins hellglaenzendem Strahl,
In reinlichen Windeln das himmlische Kind,
Viel schoener und holder, als Engel es sind.
Ingelesez, itzulpen bat baino gehiago dago. Nik hau erabili dut, lehen estrofarako.
O come to the manger in Bethlehem's stall;
And see what our Father on this holy night,
Has sent us from Heaven for our pure delight.
Bai, nire itzulpena da kantatu duguna. Lehen estrofa itzulia, bigarrena produkzio librekoa. Horre denontzat, familiaren aportazioa Gabon-kanten errepertoriora:
Belengo estalpera, hurbildu lasai
jauna jaio da-ta, hau zoriona
zerutik datorren aingeru ona
Olentzero ekarri opari pila
ikatza gaiztoa izan bazara
bestela poza ta barre algara
2008. urtea zorionekoa izan dadila denontzat.
Ondo igaro gabonak
Nire blogean itsatsitako lehen bideoa da hau. Luistxo Telebista inauguratutzat ematen dut honekin. Ez dut lurreko telebista digitalerako lizentziarik eskatuko nire demarkazioan, ze... Nire lurraldea Internet da esparru honetan.
Google Video erabili dut bideoa gordetzeko. Uste dut han kargatuko dudala nire telebista. YouTube baino askoz zerbitzu hobea iruditzen zait, eta, hala ere, merkatua YouTube txikiak janda zion Google-ri, eta arrain handiak txikia erosi 1.300 milioitan orain amaitzera doan urtean. You, zu zeu, edukiz Internet betetzen duzun hori, zara urteko pertsonaia Time-rentzat, baina aldizkariaren erreportaian, YouTubeko sortzaileetan pertsonifikatu dute albistea batik bat...
Izan dadila 2007. urtea ere aurtengoa bezain interesgarri Interneteko kontuetan. Eta izan zaiteztela neure umeei begiratzean aitatxo hau sentitzen den bezain zoriontsu!
Argazkia iazko Gabonetakoa da, baina orain ere, zoragarri daude.
