Ez zaizkit gustatzen "gizonei" bidalitako mezuak, eta horri erantzunez idatzi dut hau.

Sekula eztabaidatu behar izan dut niri ez zaidalako tokatzen sukaldean aritzea, erosketetan joatea edo harrikoa egitea, gizon jaio nintzelako. Ez zidaten gimnasia erritmikoko ikastaro batean parte hartzen utzi nesken gauza zelako. Eta gainera kontu hauekin oraindik ere barre egingo didate lagunek.

Aspertu xamar nago feminismoaren diskurtso hedatuenarekin. Aspertu xamar, gauzak normaltzeko, "Emakumearen mahaia" eta Andretxea bezalako anormalkeriak egiten direlako herriz herri, eta ematen duelako gainera horrelako ekimenak txalotu behar ditugula parekidetasunaren mesedetan.

Nola hurbilduko gara gizonak "Emakumearen Mahaia" deituriko erakunde batera? Ez al dugu ba, horrelakoen defentsarekin, parekidetasuna emakumeen kontu bihurtu? Baiezkoan nago. Imaginatzen du inork "Gizonaren mahaia" Udal baten diruz eta ekimenez antolatuta?

Hori bai, "Emakumearen mahaia" delako horrek bat egiten dut LGTB harrotasunaren egunarekin.

Mingarria zait, injustiziak bi aldeetan eman eta ematen direlako. Biolentziaren errepresentazioa genero maskulinotik etorri da, eta horregatik parekidetasunez bizi nahi dugun gizonok guri ez dagokigun karga horri egin behar diogu aurre. Aski da.

Jakin badakit bizio tontoa dela, etxean eta lanean doan hartu dezakedala kafea amaren edo enpresaren poltsikotik, baina gustora hartzen dut tabernako kafea bazkalostean. Eta ez da merkea. Tabernariari zentimo gutxi batzuk kostatzen zaio nire kafea. Hori ere badakit. Kafe hutsa izotzarekin, gehienetan. Eta izotza ere kobratu egiten dizute toki askotan, dagoeneko kostuaren gainetik margen handiarekin jarritako kafearen prezioari erantsita. Eta hala ere, kafeak eta kafeak, astelehenetik ostiralera egunero bat, minimo.

Egoeraren arabera, 5 dira guztira zikindutako ur apur baten truke nire poltsikoa husten didaten Eibarko tabernak. Kafe hobea batzutan, okerragoa besteetan; izotza doan batzuetan, 10 zentimo beste batzuetan. Merkeena kafe hutsa, 1,10 euro, eta ebakia izotzarekin garestiena, 1,30 euro. Horixe kostatzen zaigu kafea, Zapaterok 80 zentimo balio duela uste badu ere. Eta nire bizioa prezio horretan ordaintzeko prest nago, garestia iruditzen bazait ere.

Ez naiz propinazalea. Berdin zait protokoloak %2ko propina gomendatzea Espainian, eta hori ez da ezer Estatu Batuetako %15 eta %20 arteko derrigorrezko propinaren ondoan. Protokoloari jaramon egingo banio, kafearen %2ko propina hori 2,5 zentimokoa litzateke, eta hori uztea lotsagarria denez, 5 edo 10 zentimoko txanpona utziko nuke. Horretara, 50 bat euro urtero kafeen propinetan.

Propina uzten dut batzutan, subkonzienteak horretara bultzatzen nauenean. Eta, subkonzienteak horretara bultzatzeko, ohartu gabeko kondizio batzuk ematen dira. Adibidez, konfesatuko dut: taberna batean komun oso garbia (etxekoa baino garbiagoa behar du) ikusten baldin badut, ba propina uzteko gogoa sartzen zait, tratu eta produktu ona jasotzen baldin badut. Alegia:

komun inpekablea + kafe ederra + tratu bikaina = propina jasotzeko aukera (aukera, besterik ez)

Toki batzuetan kanbioak platertxoan jartzen dizkizute, eta horrek nolabait bultzatzen zaitu kanbioak uztera. Baina normalean, toki horietan, saiatzen dira tratu selektoa ematen, dena oso garbi eukitzen...

Kafe eskasa motel atera eta kanbioak platertxoan ateratzen dizkidanak nekez jasoko du nire poltsikotik propina bat, are gehiago, kafe katilua jarri didan platertxo horretan lehenago 3 euli ibili direla ikusi dudanean. Eta are gutxiago lortuko du nire propina, horretara uztera bultzatu nahian, 20 zentimoko bi txanpon eta 5 zentimoko 8 txanpon eman dizkidan zerbitzariak.

Zerbitzariak hori egiteko lotsarik ez baldin badu, nik ere ez daukat lotsarik platertxotik 10 txanpon horiek banan bana hartu eta nire karterara eramateko. Kamarerari urduri jartzeko astiro-astiro egiteko gogoa ematen dit gainera, eta katxondo jartzen nau pentsatzeak kamarera hor dagoela begira, urduri, bere estrategiak funtzionatuko duelako esperantzaz, txanpon baten zain.

Propina ez da eskatzen, ez zuzenean ez zeharka. Propina jasotzeko ekintzen bidezko argudioak behar dira. Propina lortu egin behar da. Eta horretarako lan ondo egin behar da, bezeroak espero duena baino hobeto, gainera.

"Fíjate, Josu, fíjate. Me da igual si te fijas en el Ayuntamiento, en el Parlamento Vasco, en el Gobierno de Zapatero."

Eta, gutxi gora behera, esan zidan sozialistek kaltzontziloak baino errazago aldatzen zutela euren postura politikoa. Eta etxe pareko kontuekin ikusi dut oso argi gizon hark azaldu nahi izan zidana. Ez dut defendatuko erabateko irmotasuna, ez. Uste dut printzipioei uko egin gabe jakin behar dela egoera berriei erantzuten.

Joseba Arregi izan nuen irakasle EHUn, eta aitortu behar dut klase gutxitara joan naizela hain gustora. Hark askotan aipatzen zigun harriak ez direla aldatzen, egoerak berriz, baietz. Eta pertsonak eboluzionatu egiten dugula halabeharrez. Eta bai, nik ere sinisten dut pertsonen eta erakundeen eboluzioan, nahiz eta ez Jesus Egigurenen flexibilitate maila propio hartzeko beste:

"Nosotros somos un partido flexible. Nosotros podemos decir hoy eso, y más adelante decir otra cosa. Y eso es flexibilidad, porque la vida cambia, la política cambia, los momentos cambian. Nosotros hemos hecho propaganda a favor de la OTAN repartiendo octavillas en La Concha, y a los 3 meses propaganda en contra de la OTAN repartiendo octavillas. Porque somos flexibles, y cambian las circunstancias."
Jesus Egiguren (PSE), 2009/XII/03

Eta, bai, gauza batzuk ari dira aldatzen azkenaldian. Ezker Abertzaleak urte askotan eskatu zaiona esan du, edo esatera hurbildu da behintzat. Apostua egin du bide politiko eta demokratikoen alde, borroka armaturik gabeko bide politiko eta demokratikoen alde, eta bide horri oztoporik ez jartzeko prest dirudi ETA. Nik ere badut mesfidantza. Ez Mikel Larreategik beste, baina niri ere kostatzen zait sinistea aterabidea ikusten ari garela. eta zalantzak uxatzeko eskatuko nioke Ezker Abertzaleari pausu ausart eta handiagoak ematea.

Baina, sinetsi edo ez, sineskeriak sineskeri, egoera, zirkunstantziak, testuingurua... aldatu egin direla eta aldatzen ari direla ezin ukatuko didate. Ez dut nik esango zer egin beharko lukeen PSOEk Espainiako Gobernutik eta Eusko Jaurlaritzatik, egoera berriaren aurrean, baina ez dezatela esan gaurko lainoek atzoko euria dakartenik oraindik.

Egoera aldatu da, bai. Baina aldaketen aurrean Egigurenek aldarrikatzen zuen flexibilitate hori, Alderdi Sozialistak -urte askoan, egoera anitzetan eta inork eskatu ez dionean- erakutsi duen flexibilitate horren usainik ez dugu hartzen orain. Argi eta garbi esan dute:

• Rubalcabak: El Estado no está en tregua
• Lopezek ez du aldaketarik ikusten
• De la Vegak ez du egitekorik ikusten borroka armatuaren behin betiko amaiera iragarri arte

Alderdi Popularreko lagun bati esan izan diot, errazago etor naitekeela bat sozialista baten hitzekin, baina askoz gehiago fidatzen naizela PPko batek esaten didanarekin. Gustoko ala ez, jakin baitakit PPkoen diskurtsoa ez duela haize bolada batek eramango. Eta arrazoia eman zidan. Badakigu nondik jo dezakeen PPk, EAJk edo Ezker Abertzaleak. Baina PSOE beti dago sorpresak emateko prest.

ETAren komunikatuaren ostean Alderdi Popularrak "ekintza irmoak" eskatu zituen, frogatzeko "Estatua ez dagoela tregoan". Eta, hara, irailaren 14an etorri zitzaizkigun atxiloketa susmagarri batzuk eta mami baino eszenifikazio gehiago zuten errejistroak.

Agian izango da ez dela PSE benetan gobernatzen ari dena. Izango da flexibilitate ororen gainetik irmotasuna defendatu duenak gidatzen dituela flexibleen Gobernuko betebeharrak. Nahiz eta ez zuten elkarrekin gobernatuko.

12 urteko neska-mutilek badakite...

• Zer den paja bat egitea.
• Zer den txortan egitea.
• Zertan dantzan sexu anala.
• Emakumeek hilerokoa izaten dutela.
  

Eta gainera, adin horretako genienek, kanpaijotzea praktikatu ere egiten dute. Edo duela 10 urte gauza arrunta zen (niretzat) behintzat.

DBH osoan zehar, Eibarko La Salle ikastetxean, sexologia irakasgaia eman genuen. Notarik gabe, beste barik, gure hezkuntzarako garrantzitsua zelakoan. Eta gure zalantza guztiak azaleratzeko aukera izaten genuen. Buruan sartu zizkiguten ideia-zabor guzti hori kanporatzeko aukera. Eta sexuaz naturaltasunez hitz egiten irakatsi zigun Ernesto Gomez irakasleak. Edo saiakera egin zuen, behintzat. Eta nik, eskertu egiten diot.

Valentziako 4. DBHko ikasle batzuek inkesta bat egin dute, horrelako galderei erantzuteko asmoz:

• Non egin dute amodioa gehiagotan.
• Non jo dituzte kanpaiak gehien.
• Sekula popatik eman edo jaso duten.
• Ea zergatik beltzek zakila handiagoa duten.
• Zergatik emakumeei umorea aldatzen zaien hilerokoa dutenean.
  

Guraso batzuk kexatu egin dira. Ikastetxeko zuzendaritzak, ikasle-talde horren inkesta kendu ondoren, Hezkuntza sailarekin jarri da harremanetan eta honek neurriak ('cartas en el asunto') hartuko dituela esan du. Guraso hauek uste dute bere seme-alabek gauza guzti horiek zer diren ez dakitela, ala?

Ikastetxe honek hobe luke bere ikasleei sexuaz lasai hitz egiten irakastea, ea horrela hain inkesta inozoak planteatzeko beharra sentitzen ez duten. Baina badirudi, hori baino, bide errepresiboek berriro ere hezkuntza-beharren gainetik jarriko dituztela hezkuntza arduradunek. 'Así va el país'.

2009ko maiatzean idatzia, ez dakit zergatik gaur arte publikatu gabea.

Gehiengo absolutua eskuratu zuen PSOEk Eibarren 2007ko Udal hauteskundeetan: 21 zinegotzitik 11. Iñaki Arriola zen orduan Alkate, eta hark ez zuen bakarrik gobernatu nahi izan. Arrazoiak arrazoi, hiru akordio lortu zituen, eta horietatik lehenengoa izan zen Eusko Alkartasuna. Sanjuanak pasa zirenerako adostuta zuten guztia, baina uztailean eman zuten ezagutzera akordioa.

Eusko Alkartasunako hiru gazterekin iritzi trukaketa izan nuen, gau ia oso batez. Eta, hitzarmena irakurri gabe, honako balorazioa egin nien:

1. Uste dut ona izango dela herriarentzat, dinamika batzuk aldatzea lortzen baduzue;
2. uste dut errendimendua atera dezakeela EAk, bere txikitasunetik gauzak egiteko ahalmena erakusten badu;
3. eta batez ere, uste dut la ostia dela PSOErentzat.

EAko gazte horiek ez zeuden ados, eta argumentu batzuk eman zizkidaten.

• EAren programaren %80a onartu zuen PSOEk.
• Industria eta merkataritza kartera lortu zuten, gai indartsua Eibarren.

Gainera, konfidantza itsua zuten euren lehenengo zinegotzian: Mertxe Garate. Gogoan dut nola 2007ko maiatza partean pintadak agertu ziren Eibarko kaleetan: Mertxe alkate! Eusko Alkartasunako gazteak ari ziren ordurako EArenak propio ez diren dinamikak hartzen, baina batasun giroa antzematen zen Udal politikak zehazteko garaian. Gazte Abertzaleak taldekoen babesa zuen Mertxe Garatek.

Politika orokorraz ere hitz egin genuen. Ibarretxe Plana ez zela sekula egin izan Jaurlaritzan EA egon izan ez balitz. EAJ eta EA elkarrekin zeuden orduan Legebiltzarrean, 2005ean Ibarretxe buru zutela koalizioan aurkeztu ondoren. 2007ko hauteskunde horietan koalizioa alde batera uztea erabaki zuen EAk Udal eta Foru hauteskundeetarako, eta horretaz jardun genuen.

Nik ez dut Eusko Alkartasuna politika egiten bakarrik ikusten. Atomizatua dago abertzaletasuna, eta nire ustez bi aukera egon beharko dute: Ezker Abertzalea eta EAJ. Kitto, ez da egongo besterik. Eta hor bilatu beharko du EAk bere etorkizuna... EAko gazteak ez zeuden ados. Hauteskundeetara bakarrik aurkeztu beharra zutela, erakusteko zein indar izan zezakeen EAk, benetan EAJren politikan eragiteko indarra izan zezan.

"Josu, denborak jarriko du bakoitza bere tokian".

Udal legegintzaldian zehar aldaketa gutxi nabaritu dut nik Udalaren lan dinamiketan, 2007ko uda hartan espero nezakeen haize berririk ez da egon gure herrian. Are gehiago: areagotu egin dira bronkak han eta hemen (Txonta, Erisono, Errebal...). Baina EAko gazteek jarraitzen zuten EAren jarduna defendatzen... 2009ko uda iritsi zen arte. EAko asko eta askok alderdia utzi eta Alkarbide sortu zuten, gero Hamaikabat izango zena. Eta tartean zeuden Eibarko bi zinegotziak.

Hitz politik ez dute izan harrezkero Mertxe Garaterentzat. Bere jardun politikoa kritikatzeaz gain, akusazio pertsonal gogorretan sartu dira EAkoak komunikabideen bitartez.

"Ante la incultura que nos regala dicha concejala con su testimonio, propio de una persona sin personalidad y que se deja llevar por los intereses que toda la ciudad de Eibar conoce, tras más de diecinueve años en dicho Ayuntamiento sin proyección alguna más que la de seguir hasta su jubilación."

La Mirilla (El Diario Vasco)

Hamaikabatek jarraitzen du Eusko Alkartasunaren 2007ko hauteskunde programa bete nahian, eta Eusko Alkartasunak Udalaren jarduna kritikatu besterik ez du. Orain bai, Errebalen beste batzuk duela bi urte t'erditik kritikatzen duguna kritikatzen dute eurek ere bai.

Mertxe Garate 19 urtez izan baldin bada zinegotzi, horietatik 16 Eusko Alkartasunaren izenean izan da. Eta gogoan dut nola 2007ko uztail hartan Mertxerentzat txaloak besterik ez zituzten gaur egun Eusko Alkartasunan jarraitzen dutenek.

Ez du zinegotzirik EAk Eibarko Udalean, eta ez dut uste lortuko duenik 2011an. Legez kanpo dagoen ezker abertzaleak sekula aurkezteko aukera baldin badu, agian EAkoak hor integratuta joango dira, eta orduan itzuliko dira Udaletxera. Legebiltzarrean 75 legebiltzarkidetik bakarra dauka EAk, eta ikusiko dugu zer izango duen etorkizunean. Denborak jarriko du bakoitza bere tokian, esan zidaten duela 3 urte EAko gazte hauek. Eta bai, hori uste dut nik ere.

2009ko martxoaren 1eko hauteskundeetan Eibartarron emandako botoak honako hauek izan ziren:

Zifra horiek Sustaturen hauteskundeetako kalkulagailuan sartu, eta hark aplikatu dio D'Hont legea goiko datu taulari. 21 zinegotziren artean banatzeko, banaketa hauxe izango litzateke:

• PSE 9 (boto nuloak onartu ezkero, 8) - Urdinez
  
• EAJ 9 (boto nuloak onartu ezkero, 8) - Naranjaz
  
• PP 2 - Horiz
  
• Legez kanpoko ezker abertzalea 0 (onartu ezkero, 2) - Berdez
  
• Aralar 1- Granatez
  

Datu horien grafika hemen:

Argi dago hauteskunde batzuetako eta besteetako emaitzak ezin direla horrela estrapolatu kalkuluak egiteko, baina egia ere bada Eibar sozialista dela eta hori aldaezina dela esan ohi dutenentzako kontrako argudio gordina dela hau. Eta 2009an parekatuta ibili dira PSE eta EAJ, baina 2005eko hauteskundeetan alde nabarmena atera zion Ibarretxek Lopezi, baita Eibarren ere.

Datu hauek emango balira Udal hauteskunde batzuetan, alderdi txikien babesa beharko luke PSEk edo EAJk enpate horretatik garaile irtetzeko. Inongo baliorik ez badu ere, gogoetarako balio dezakete datu hauek.

Facebook aplikazio bat egin dute Ideatecakoek Paul olagarroari galderak egiteko. Honakoa egin diot nik:

What does Basque Country need? I need...

Eta bi aukera eman dizkiot: Spain eta Independence. Zein uste duzue aukeratu duela Paul olagarroak?

.

Eskerrik asko Ideatecari aplikazio hau egiteagatik.

Adibide praktiko bat ikusteko:

• Euskal presoen eskubideen aldeko elkarrateratze bat:

Jatorrizkoa: Creative Commons Aitortu © cc-by: Ukberri

• ETAren aurkako manifestazio bat Madrilen

Jatorrizkoa: Creative Commons Aitortu © cc-by: Rinzewind

Batean mendiko prakak eta forro polarrak, bestean trajeak eta Barbourrak. Erropak talde-identifikaziorako elementu bat gehiago dira, eta horrekin jokatu dezakegu -eta nire ustez jokatu beharko genuke- gure helburuak betetzeko. Horregatik, nire ustez garrantzitsua da manifestazio bat egin aurretik zergatik eta zertarako deitzen den jakitea. Bi helburu nagusi izan daitezkeenak aipatzearren:

• Indar erakustaldi bat egitea taldearen animoak sustatzeko.
• Arerioari erakustea gizartea non dagoen eta zer den guztiok defendatzen duguna.

Nire ustez egiteke dagoen gogoeta bat da Euskal Herrian. Marketinari bizkarra emanez bizi gara elkartegintzan, euskalgintzan, herrigintzan... eta gero ostiak datoz.

• Euskaldunak jabetu behar ditugu Egunkaria ixtea astakeria izan zela? Ez, euskaldun guztiek badakite hori.
• Ezker abertzalekoak jabetu behar dira presoak giza-baldintza penagarrian daudela? Ez, ezker abertzalekoek badakite hori.

Bi galdera plazaratu ditut baina beste edozein manifestaziotan aplikatu daiteke. Galdera hori egin ondoren, galdera honakoa litzateke:

Nola jantzita sentituko nau hurbilago konbentzitu behar dudan xede-talde horrek?

Egunkariaren aldeko azken makromanifestazio horretara joan nintzenean, Boluetan kotxea aparkatu eta ikusi nuen lehen koadrilan Ternua forro polarra eta txapela jantzita zihoazen guztiak. Aukeran, nahiago Egunkariaren alde *pepero* jantzita joan eta forroa eta txapela ETAren aurkako manifestaziorako uztea.

Esan gabe doa, aukeraketa horiek neurrian egin behar direla. Norbera eroso egotea ezinbestekoa da, noski. Baina aurreiritziak apurtzeko erraz baliatu dezakegu janzkera, eta gure herri honetan nago ez garela horretaz baliatzen.

Oh: post hau pendiente neukan abenduko Egunkariaren aldeko manifestaziotik, eta Leire Narbaizak Sustatun idatzi duen artikulu bati botatako erantzuna izan da hona ekarri dudan hau.

Yo hice el DNI y el pasaporte en Getxo, aprovechando el viaje al campus de Leioa al que iba todos los días, porque allí no hace falta cita previa. Es recomendable, pero no necesaria: las 2 veces fuí sin cita previa y pude hacerlo al momento. Tenía la esperanza de que en Eibar pudieramos avanzar hacia ahí, pero... ¡ahora ya no se podrá hacer ni el DNI! Otro pasito atrás.

En Getxo el DNI y el pasaporte se hacen en un local en el cuartel de la Guardia Civil. En el cuartel de Eibar seguro que tienen más espacios libres que en la Casa Consistorial...

Dice El Diario Vasco: "Además, era reseñable que la mayoría de las personas que se acercan a renovar el DNI no eran de Eibar." Pues, mira: la oficina del DNI era una fórmula para acercar gente de otros municipios a Eibar. ¿Es lo que quería Eibar Centro Comercial Abierto, no?

No me creo que sea imposible. Si en Getxo tienen DNI y Pasaporte, en Eibar también podemos.

NAN eta Pasaportea Eibarren egiteko eskaerarekin bat egin Facebooken

Aspaldiko lagun donostiar batekin elkarrizketa pribatu bat Facebooketik.

• zmz el corte inglesa jaja oso ondo dagola esan diate! XD
• Donostiako Corteinglesa baino hobia behintzat bada :p
  Nahi dozunian etorri ikustera, eta hartuko dogu zeozer hortik! :-)
  
• jaja haraino e naiz ni jarto jungo jajaj oso urruti do! (...) jaja nahi dzunen etorri zeu ta zerbait hartzen degu!!
• eibartik donostiara eta donostiatik eibarrera distantzia bera dago...

 

Argazkiak.org | Eibar-Donostia / Donostia-Eibar © cc-by-sa: josu

Nire lagunak arrazoi! Urrunago dago Eibar Donostiatik, Donostia Eibartik baino. 4,5 kilometro urrunago, 3 minutuko diferentzia autoz. Ikaragarria!

Egia ere bada batera zein bestera joan ondoren, itzuli ere egin beharra dagoela, eta beraz, joan-etorriaren distantzia ez da aldatzen:

Eibar - Donostia - Eibar  =  Donostia - Eibar - Donostia

Baina, Google maps-en bitxikeria alde batera, jarrera honek demostratzen du Eibarren gogaitzen gaituen zerbait: badirudi hiriburuak beti daudela hurbilago. Periferia gara gu.

Saltando de un sitio a otro he llegado al blog de Josu San Martín, un eibarrés de edad difícilmente deducible leyendo su blog. Interesado en lo que contaba, he llegado a un artículo en el que exponía varios argumentos por los que no veía rentable el producto Coca-Cola Zero, llegando a augurar que no superaría la crisis. Las reflexiones de Josu las resumiría en dos puntos:

• Coca-Cola Light y Coca-Cola Zero son un producto muy similar.
• Mantener en el mercado los dos productos significa un gasto innecesario de publicidad, almacenaje, etc.

En mi opinión la clave no es que la composición de una u otra sea similar, a pesar de la diferencia que pueda existir. Coca-Cola tiene medidos los costes que le puede suponer mantener en el mercado Coca-Cola Zero.

Es una cuestión estratégica de márketing. Son conocidas las limitaciones de Coca-Cola Light para acceder a nuevos mercados por las connotaciones que tiene el producto, cercano al público femenino, con las consecuencias que conlleva (un hombre que consume un producto destinado a mujeres es automáticamente etiquetado y corre el riesgo de ser objeto de risa, como Josu comenta).

"De hecho, el otro día, pedí una Coca-Cola Light en un bar, y mis amigos se echaron unas risas a mi costa."

La opción de cambiar de marca, o incluso de reemplazar el producto Coca-Cola Light por Coca-Cola Zero con su diferente composición, no sería efectiva. ¿Por qué? Porque cambiarían de producto, pero los consumidores seríamos conscientes de la sustitución, ergo aplicaríamos a Coca-Cola Zero todos los valores que la Light había adquirido.

Actualmente la gente está cada vez más preocupada por su línea. Sin hacer nada efectivo para cuidarla realmente, existe una preferencia creciente por productos bajos en grasas, azúcares, etc. Pero a su vez, sigue existiendo vergüenza por consumir este tipo de productos.

Como producto en sí, Coca-Cola Zero me parece un deseo de autoengaño, una muestra más de la estupidez humana, pero una acción inteligente por parte de Coca-Cola. No creo que sea la crisis la que barra el producto. Lo quitarán cuando todas esas barreras ideológicas que bordean los productos light desaparezcan. Mientras tanto, a gastar en publicidad, diseño, envasado, almacenaje, etc.

Conclusión: Cuánta economía generamos con las tonterías que tenemos en la cabeza. :-)