Harrikadak
umorea
Go, Ibiza, Go! eta Miguel Noguera
Miguel Noguera umoregilearen lana gero eta ezagunagoa egiten ari da. Didac Alcaraz, berriz, ez nuen ezagutzen.
Azken urte hauetan, Miguel Nogueraren izena gero eta ezagunagoa egiten ari da underground zirkuluetatik haratago. Ez dakit umoregile etiketa aplikagarria den, baina gauza da jendeak barre egiten duela Nogueraren ikuskizunetan. Adibidez, pasa den apirilean agertu zen Buenafuenteren telebista-saioan.
Noguera, beraz, performer-umoregile bat da, gidoirik gabe azaltzen dena jendaurrean.
Joan den astean irakurri nuen La Vanguardiaren Cultura/s gehigarrian Los Pioneros del Siglo XXI izeneko batzuei buruzko erreportajea. Haien lana ezagutzeko gogoa piztu zitzaidan eta haien blogean eta youtube kanalean aritu nintzen begira. Hor ikusi nuen umore-saio honen lehenengo elkarrizketa Miguel Noguerari eginikoa dela, 2010eko udazkenean.
Bi aldiz ikusi ondoren, oraindik ez dut berau definitzeko hitzik topatu. Beste bi bideo daude Los Pioneros del 2000 izeneko youtubeko kanalean: Jordi Costari eta Nacho Vigalondori eginiko bi sasi-elkarrizketa.
Go, Ibiza, Go! o cómo descolocar a Miguel Noguera, este apunte en castellano.
Hiru zikloturisten balentria
Garoa liburudendaren webgunean topatutako harribitxia.
Uztailean irakurri nuen (eta gomendagarria da) Eugenio Fuentes-en Contrarreloj nobela beltza. Liburua promozionatzeko youtuben topatutako bideo hau jarri dute bertan Garoakoek. Egin barre. Sanoa da-eta.
Tête de la course: Fredrik Kessiakoff antzuolarra, Davide Rebellin irundarra eta Telesforo Legarra etxebarritarra.
Narratzaileak: Fermin Aramendi, Xabier Usabiaga, Marino "Liteke" Lejarreta, Txomin Perurena.
