Ufa! Luzea eta mamitsua da zinez Ezker Batukoen idatzia. Arrasateko gai korapilotsu honetan ekilibrista ariketa ikusgarria eskaini deuskue, Ibarretxeren estatutu berriaren proposamenaren aurrean Ezker Abertzalearen taldeak erakutsi ebana gogora ekarri deustana. Neure ustez, miresgarriak dira ekilibrismoaren erakustaldi hauek, errazena beste gauza batzuk egitea izango zanean. Errazena arruntkerietan erortzea da, korronteak eroan zaitzala lagatzea. Eta EBkoen berba hauekin gelditzen naz: "El asesinato vil y absolutamente deleznable de un hijo de este pueblo no significa barra libre". Neuk be ez dot ulertzen zelan geldi zaitezkeen mutu holako zeozer zeure herrian gertatzen danean, Arrasaten, Orion, Lasarten edo edonon, batik bat herriko agintaririk gorena izanda. Bihotza naiho gogorra eduki biozu "gaitzespenek ez dabe ezertarako balio" modukoak esateko. Baina aitortu behar dot pozten nazela PSE eta EAJren mozinoak aurrera egin ez daualako. Ez dakit ondo zergaitik baina pozten naz. Ziur aski herritarrek udal hauteskundeetan erabakitakoa errespetatzen dalako... superepaile batek kontrakoa esan arte, behinik behin.

Kaixo Patxi: uste dut EBB-Zutikeko hiru lagunek gobernutik kanpo geratuta egin zutela egin beharrekoa. Bai, badakit gai labainkorra dela, baina ulertzen dut ere PSE eta PNVrekin eskutik joan nahi ez izatea. Gauza bat da alderdietako ejekutibek nahi dutena eta bestea herrietan gertatzen dena. Bestalde, bi idatzi gehiago: Bata, Zutik-eko Julia Monge zinegotziarena da eta atzo agertu zen Noticiasen. Llamazaresi zuzenduriko gutuna da. Bestea, berriz, gaur publikatu du Fermin Muguruza musikariak bere webgunean.