Dokumentu Akzioak
Harrikadak
Tertuliano?
Igande goizean Más que palabras irratsaioaren hiruko mahaian parte hartzera gonbidatu naute. Duela zenbait aste esan zidan Vizcaínok halako batean deituko ninduela udararako eta joan den astean finkatu genuen eguna.
Ahots batzuk berritzeko orduan euskal blogosferara jo du MQPk. Eta ez naiz izango irratsaio horretatik pasako den blogari bakarra, pasa den igandean estreinakoz aritu baitzen Julen Iturbe-Ormaetxe.
Joxe Aranzabalek dio 5464 blog inguru daudela euskaraz eta aurkezpen txartel ona da bloga, ezbairik gabe. Datorren larunbatean hiru urte beteko ditu txoko honek sarean, hiru urte Eibar.orgeko blog komunitatea abiatu zenetik (ikastaroa uztailaren 17an egin genuen, zapatuan).
Hasieran ez nuen uste gauza asko izango nuenik kontatzeko, baina hiru urte pasa dira jada eta oporren ostean hementxe jarraituko dut. Oporraldia ailegatu bitartean, irratira noa igandean.
Urduri nago. Tertuliano?
Re: Tertuliano?
Bai, hori, Tertulisto!
Zorionak! Astero izango da ala Ruperrek dioen bezala "Hamabostean behin" ?
Nik entzungo zaitut. Fijo!
Re: Tertuliano?
Iturri, zeuk primeran egingo duzu, eta guk gustora entzun.
Musu bat
Re: Tertuliano?
Kaixo Gari eta Elena:
Eskerrik asko animoengatik.
Printzipioz, udan pare bat saio edo egingo ditut (hilabete bukaeran oporrak hartuko ditut eta kanpoan egongo naiz). Hortik aurrera, auskalo. Igual ez dut honetarako balio...
Re: Tertuliano?
Nik ere blog pare bat baukat, bata euskaraz eta beste bat gaztelaniaz, elkarren diferenteak. Eta momentuz behintzat ez naiz zoratu. Irratiari adi ibiliko naiz igandean goizean.
Re: Tertuliano?
Kaixo Martínez:
Gaizki jarri duzu zure blogaren helbidea? Zein da? Zeintzuk dira?
Re: Tertuliano?
Tertuliano ona izango zara, seguru. Nik, baiña ez detsut entzungo, domekia izateko goizegi dalako, eta gaiñera oporretan! Espia bat, baiña, badakat, eta haren bittartez egingo detsut segimientua.
Aktoriak esaten daben moduan: Kaka asko!
Nik ikaslieri esaten detsadana: Indarrak lagun dizazula!
Re: Tertuliano?
Kaixo Leire:
Goizegi dela? Baserritarrak ordu horretarako lan guztiak eginda izango dituzte eta... ;-)
Nik irratsaioa ohetik entzuteko ohitura neukan. 9:00etan esnatu eta irratia piztu. Igandean ordu t´erdi lehenago jaiki beharko naiz.
Eskerrik asko animoengatik.
Re: Tertuliano?
Zorionak motel!
Gozazazu momentu hori, zoritxarrez irratian telebistan bezala une hoiek azkarregi pasatzen dira.
Re: Tertuliano?
Ashet: eskerrik asko. Ea zer moduz ateratzen den kontua.
Re: Tertuliano?
Konponduko haiz. Kontau lehenengo esperientzia blog honetan, e?
Animo!
Re: Tertuliano?
Aupa Iban:
Bai, kontatuko dut esperientzia.
Eskerrik asko zuri ere mezuagatik.
Re: Tertuliano?
goiza joana zen esnatu naizenerako. zer moduz joan da esperientzia tertulistikoa?