Dokumentu Akzioak
Harrikadak
Mathilde maitatzeko moduak, Elgetako memea
Larunbat gau zirraragarria Elgetan. Ez ginen Mathilderen bila joan, lagun giroan egotera baizik. Mathilderen atzetik joateko enkargua Julen Gabiriak eta Txuma Murugarrenek zuten. Eta lan horretan abiatu ziren Rafa Aceves pianista eta Arturo García bateria jotzailearekin batera.
Zita Elgetako Ostatuan genuen. Arratsaldeko 20:00etan. Berandu iritsi ginen, baina hantxe zegoen Iban anfitrioia, Leire eta Elena. Trago bat hartu eta Espaloia tenplura joan ginen.
Tenpluan entsaioan topatu genituen artistak. Haiekin afaltzeko aukera izan genuen. Asier eta Mendigreen ere gerturatu ziren. Afaria galdu zuen Etiamek, baina ez emanaldia.
Gustura sumatu nuen Gabiria egindako lanarekin. Berdin Txuma, hain gustura ezen ordu erdiko plusa eskaini zigun bi taldekide birtuosoekin.
Eszenatokia ederto zegoen jarrita. Sinple baina dotore, luxuzko beste salon pop saioa ikusteko aukera izateko. Testu eta musika iradokitzaileak.
Hainbeste blogari (batzuk indarrean, besteak erretiroan) elkartuta, Elgetara etorri ez zirenak larrutzen egon ginen. Larunbatean ere demostratu nuen abila naizela lan horretan. Dedio!
Memea bertaratu ziren gainerako blogariei bidaltzen diet.
Iturri twitter-en
Re: Mathilde maitatzeko moduak, Elgetako memea
Neuk ere huts egin nuen egun horretan, aspalditik hartua nuen-eta konpromisoa asteburu hori kanpoan igarotzekoa. Eta sentitzen dut, gustura izango nintzatekeen-eta zuen konpainia onean. Besarkada bat.
Re: Mathilde maitatzeko moduak, Elgetako memea
Bakarrik joateko urruntxo niretzat, lastima, miresten dut Julen, nire aitabitxi blogaria, baita Txuma laguna ere. Hurrengo batean, bitartean emadazue egurra nahi duzuen beste.
Re: Mathilde maitatzeko moduak, Elgetako memea
Aupa, Iturri
Oso-oso gustora egon nintzan. Eta badirudi, danok be antzera ibili giñala; bestela kamareruari galdetu bihar! Harek pentsau zeban ez gekagula etxerik!
Narrutzegintzan danok be edarto batian moldatzen gara, gero! ez dot sekula kale egingo, zin dagizuet!
Memea ¬mimea nere hizkeran :-)¬ ze da, gure esperientzia kontatzia? Hori bada, nik martxan dakat, baiña astixa hartu bihar!
Hauteskundiak ez gaittue aldatu! Zorionez
ondo pasa
Re: Mathilde maitatzeko moduak, Elgetako memea
Jende OPI pilo bat Espaloian. Horretxek behar luke titularra :-)
Eskerrik asko kreditua pagatzen jarraitzeko dirua lagatziagatik :-)
Gura dozuen arte.
Re: Mathilde maitatzeko moduak, Elgetako memea
Zoragarri pasau genduan, ezta? Julen eta Txuma bikain ibili ziran, eta pianistia eta baterixia inpresionante. Espaloiak daukan girua aaasko gustatzen jata.
Nik ez dot memerik jarraittu... baina argazki bat gehittu dot. Horrekin nahikua? :-)
http://www.flickr.com/photos/asarasua/529476641/