Errebal

Errebal Plataformatik hitzaldia antolatu dugu datorren astearterako, Errebaleko merkatalgunearen inguruko informazioa modu zuzen eta zehatzean herritarrekin konpartitzeko helburuaz.

Errebal inguruko auzokideez gain, Eibartar guztiontzat berebiziko garrantzia duen gaia delakoan gaude. Beraz, interesa duten guztiekin konpartitu nahi dugu orain arte bildutako dokumentazioa.

Datorren asteartean, hilak 14, arratsaldeko 7,30etan egingo dugu hitzaldia, Portalea kultur etxeko Areto Nagusian (Bista Eder 10). Bertan ikusiko garelakoan, Errebal Plataforma.

Atzo aipatutako dokumentutik irakitzen den informazioaz jarraituko dugu.

Dokumentua: 137.01 E.U. Errebal Gauzatze Unitatea (pdf, 908 KB).

Bertan, eraikigarritasunari dagokionez, honako datuak zehazten zaizkigu:

Sestraz behetiko eraikigarritasuna
Edificabilidad bajo rasante:
3.457

Sestraz gaineko eraikigarritasuna
Edificabilidad sobre rasante:
6.773

Guztira, beraz, 10.230 m2ko eraikigarritasuna izan beharko luke, guztira, merkatalguneak.

Non dago tranpa? 10.230 m2 izango direla Sastraz gainetiko eraikigarritasuna (Edificabilidad sobre rasante). Alegia, bolumetriaren batuketa osoa sestraz gainera (kalearen alturatik gora) igo dutela.

Horrez gainera, goiko solairuan oraindik gehiago igotzen dute gero, 10.604 m2tara iritsiz (Estudio de detalle). Beraz, horri lurrazpiko 3.564,36 m2ak gehituz, azkenik 14.168,36 m2ko eraikigarritasuna lortzen dugu.

Zenbat aldiz handitzen da, beraz?

Proiektuak zehaztutako eraikigarritasuna: 14.168,36
Plan Nagusiak zehaztutako eraikigarritasuna: 10.230

Diferentzia: 3.938,36 m2 = %38,5.

Behin eta berriro Errebal Plataformatik esan dugun bezala, Plan Nagusian datorrena hitzez hitz errespetatzea erabakiko balute, gure lana amaitutzat emango genuke. Bere erabakiekiko koherentzia besterik ez gara eskatzen ari.

Eibarko Herriaren Hiri Ordenamendurako Plan Nagusiaren webgunetik hartu dugu honako informazioa.
137.01 E.U. Errebal Gauzatze Unitateari dagokiona da, hain zuzen. Bertan zehazten da Errebalen egingo den eraikinak zein neurri izan behar dituen. Hara, zer dion:

"...gutxienez 830 m2-ko azalera eraiki gabe utziko da eta Coliseo Antzokiaren aurreko plaza izango da".

Guk plaza hori aldarrikatzen dugu. Eraiki gabe utzitako 830 m2-ko eremu hori. Informazio horrekin batera, irudi hau dakar:

Informazioa eta irudia dakarren dokumentua deskargatzeko: 137.01 E.U. Errebal Gauzatze Unitatea (pdf, 908 KB).

Nik, pertsonalki, nahiagoko nuke oraindik edifizio txikiagoa, espaloi zabalagoak eta parke handiagoa utziz. Plan Nagusiak uzten du horretarako aukera, izan ere ez du 830 m2-ko plaza txertatzen; gutxienez 830 m2-ko plaza baizik. Hala ere, behin eta berriro Errebal Plataformatik esan dugun bezala, Plan Nagusian datorrena hitzez hitz errespetatzea erabakiko balute, gure lana amaitutzat emango genuke. Bere erabakiekiko koherentzia besterik ez gara eskatzen ari.