Gaur goizean beste istripu bat egon da Corte Ingles berria egiten ari diren inguruan. Inguru berean gertatzen den bigarren istripua da (lehenengoa abenduan izan zen). Zorionez inor ez da zauritua gertatu, baina herrian sortuko den trafiko arazoa oso larria izango da.

Are eta larriagoa da pentsatzea nolako papera betetzen duen Eibarko Udalak herrian egiten diren lanak gainbegiratzeko orduan. Errebaleko auzokideengan ardura besterik ez du sortzen horrelako geratakari batek. Errebal Center-en egin behar duten zuloa Corte Inglesekoaren tankerakoa da, eta Udalak erakutsi duen ardura bera baldin badauka Errebalen, auskalo zer gerta daitekeen.

Jakin izan dugu Armeria Eskolan pitzadurak lehenagotik agertuak zirela. Ez dugu ahaztu behar merkatu plaza etxez inguratuta dagoela. Hori dela eta, bizilagunok segurtasun eskaera batzuk egin ditugu Udaletxean. Momentuz ez dugu erantzunik jaso.