Periferiatik, erral
zarautz
Garabi: Zarautztik zuzenean
Musikari dagokionez, batzuk Coldplay eta KenZazpiri buruz bakarrik idazten dudala (eta hori bakarrik entzuten dudala) esaten didate. Ba gaur beste euskal talde baten promozioa egingo dut.
Ander Donostian Zuzenbidea ikasten duen lagun xakelaria dut. Baina dena ez da Zuzenbidea eta xakea izango, musika talde baten bateria joten du Anderrek (bere fotologa ikusiz, igartzen da bateria gustatzen zaiola, eta beste gauza batzuk ere bai :)), eta azken aldian talde horrekin maketa bat grabatzen ibili da.
Ez dakit maketa salgai jarri duten (uste dut 3 € balioko zuela esan zidala), baina Interneten deskargatzeko jarri dute, Jamendo zerbitzuan. Egia esan, gustatu zait Bihotz Beltzen Kluba izeneko maketa, ez dakit zein kantu aukeratuko nukeen, gustora entzuten dut, agian Ehun su aukeratuko nuke eta baita Hesien bestaldea: rien de rien olerkia ere, bale ez da abesti bat, baina zer? Garabiren beste abesti batzuk ere Jamendon dituzue. Nola ez Myspacea ere badute.
Maketa deskargatzeko hemen lotura zuzena: http://www.jamendo.com/es/download/album/31542
Hemen Ehun Suren letra:
Kale kantoiak,
pobrezia erlatiboa,
mulatoen lurrean.
Mila begirada,
irrifartsuak gehienak.
Kale kantoian bira
pobrezia…
pobrezia...
Galtzada zimurretan,
horma lakarretan,
herria jesarrita.
Puruzko ixiltasuna,
idatzitako lasaitasuna
airean…
Eta galtzada zimurretan,
horma lakarretan,
herria jesarrita.
Puruzko ixiltasuna,
idatzitako lasaitasuna
airean…
Bi ume basebalean.
ama ezkatzean,
baina autobusean,
haize girotua
begiak lehortuz.
Malko bat.
Malko bi.
Habanatur konpainiaren
jesarleku erosoetan
ez nago gustora,
nahiago det atera kanpora.
Cienfuegosen berora.
Kale kantoiak,
pobrezia erlatiboa,
mulatoen lurrean.
Mila begirada,
irrifartsuak gehienak.
Kale kantoian bira
pobrezia…
pobrezia...
Jamendori esker, euren maketaren player bat dago hemen (RSSlariok ez baduzue ikusten, bisitatu webgunea).
