"Yo creo que algún día se producirá un País Vasco en paz, y que lo notaremos porque la gente en vez de andar un poco sobre el suelo andará como a veinte centímetros, un poco levitará, levemente, ¿no?, para no escandalizar, pero levitará porque del peso que nos quitaremos de encima, ¿no? Ahora tenemos mucho peso sobre los hombros".

Lo decía Bernardo Atxaga en la película "La Pelota Vasca: la piel contra la piedra".

Ahora sí me lo creo.

PSE-EE PSOE

Egungo alkatea, Miguel de los Toyos, aurkezten du PSE-EE PSOE alderdiak alkatetzarako hautagai. Bidali duten panfletoaren aurkezpen gutuna euskara eta gazteleraz dago, nahiz eta euskarazkoa gaztelaniazkoaren itzulpen garbi bat dela igarri. Akats pare bat ere badaude erredakzioan... Hori alde batera utzita, panfletoaren hasieran, azken legealdi honen balantzea egiten du PSE-EE PSOEk.

Baina interesgarria, datozen 4 urteetarako agintzen dutena da:

• Jazinto Olabe plazan herritarrek parte hartuko omen dute nola birgaitu
• Txomoneko parkeak ere birgaitu egingo dituzte.
• Txontarako ere maketa polit-polit bat aurkezten dute, hori dirudi izango dela datozen lau urteetarako makroproiektua.
• Errebalgo merkatal zentrua ere berriz ageri da, fotomuntai eta guzti. Oraingoan plaza handi bat ikusten da aurrean.
• Kiroldegia monjen konbentura zabalduko da
• Ospitalea Otaola Hiribidean.
• Teknikerren eraikina Erisono
• Egazelain (Ipuruako zelaiaren ondoan), etxeak egindo dituzte.
• Zezen plaza estali egingo dute eta barnean hainbat kirolgune. Fotomuntaia aurreko baten egin zutenaren desberdina da.
• Kanpoko igerilekuetako ura klimatizatu egingo dute.
• Berriz ere (orain 4 urte bezala), Azitaindik Estaziño kaleraino eta Legarretik Amañaraino trenbidea estali egingo dute.
• Iparragirre kalean ranpa mekanikoa jarriko dute
• Untzagatik legarrera, Udaletxe ostean, eskilara mekanikoak egingo dituzte.
• Urki eta Polonia Etxeberria artean igogailua jarriko dute.
• Autobus geltokia, Ardantzara eramango dute (babes ofizialeko etxeen ondora) eta Ego Gain kalea semipeatonalizatu.
• Portalea zabaldu egingo dute, ondoan dagoen plaza hartuz (Monteka aurrekoa).

EAJ-PNV

Eva Juez zinegotzia aurkezten dute alkategai. Panfletoaren hasiera guztiz ezkorra da. 25 urtean biztanleak galdu omen ditu Eibarrek, enpresa asko itxi eta herritik joan dira, langabezia igo egin da, 1000 etxebizitza hutsik daude, ... egoera txar honen salbatzaile aurkezten dute beren burua.

Lau urtetarako proposamenak hauek:

• Lan eta Sustapen Saila sortuko dute.
• Erisono bultzatu
• Matsariako poligonoa birantolatu, enpresak berrira eramanez.
• Errebal eta San Juan kalearen artean trafikoa lurperatu egingo dute merkatalgune handi bat sortuz.
• Errebalgo merkatal zentrua bultzatu.
• Errebal, San Juan eta Bidebarrietan espaloiak zabaldu.
• Autobus geltokia Matsarira eraman.
• Bi aparkaleku, bata Azitainen eta bestea Otaola Hiribidean, biak erdigunearekin tranbiarekin lotuta. Matsarian parkina.
• "Eibar Erosketen Hiria" marka bultzatu.
• Anbulategi berria Urkizun.
• Pisu tutelatuak Ipuruako komentuan.
• Administrazio digitalaren aldeko apostua.
• Eibar 2.0 kultura webgunea, egungo udalaren webguneak ez omen du-eta gizartea islatzen.
• Kanpoko igerilekuen zabalkuntza edo handitzea.
• Eibarko euskara ezagutarazi
• Kafe Antzokia Rialto zinema zegoen tokian.
• Ospitalea Matsarian.
• Goardia Zibilaren koartela dagoen tokian, berdegune handi bat. Goardia Zibilaren koartela Azitaingo hiltegi zaharrera eraman.
  
• Kanposantua Altamirarar eraman eta berdegunea Urkin.
• Txikipark bat.
• Azitaindik Arratera igotzeko telekabina bat ezartzea aztertu.

Beste hainbat proposamen ere egiten ditu, eta gehienak Aldundiarekin elkarlanean egingo direla esaten dute. Egindako hainbat gauza ere Aldundiarekin edo lehengo Jaurlaritzarekin hasi zirela diote.

Bildu

Igor Aldalur aurkezten du Bilduk alkategai:

• Produktu naturalen kontsumoa bultzatu
• Udalak lurrak berreskuratu
  
• Errebalen baserritarrei eman behar zaie lehentasuna.
• Baratze urbano ekologikoak bultzatu behar dira.
• Alokairuari laguntzak.
• Bolingua, Egazelai edo Ubitxan ez da ezer egin behar degradatutako zonak dauden artean (Asua-Erreka, Txonta, Murrategi edo Errekatxu).
• Txonta, 0ko kostuarekin egin behar da.
• Errebalen parkina eta betiko merkatua.
• Ibur-Erreka birgaitu egin behar da eta Matsaria birrantolatu.
• Autobus geltokia Matsarira eraman.
• Gazte plana egin behar da eta Gazteria Batzordea sortu.
• Gazteek autogestionatutako guneak sustatu.
• Herri mugimenduek antolatutako jaiak toki finkoa behar dute (iaz sortu zen San Juanetako txoznen inguruko gaiari keinu zuzena eginez).
• Euskararen erabilera sustatu eta hizkuntza-politika planifikatui behar da. Udalak zerbitzu guztiak euskaraz emateko gaitasuna izan behar du.
  
• Euskara merkataritzan bultzatu behar da.
• Eibarko Kirol Etxea sortu, kirol elkarte eta klubei zerbitzu amankomunak eskaintzeko.
• Elkarteen sistema indartu behar da.
• Kultur programazioa era egokian ezagutarazi behar da. Herritarren eskari eta eskaintzak aintzat hartuz.
• Ego ibaia berreskuratu.
• Politikariuen profesionalizazio joera mugatu behar da.

Aralar

Panfleto txiki-txikia banatu du Sergio San Jose buru duen Aralarren hautagaitzak:

• Coliseoa herriko kulturaren ardatz bihurtu eta museoa Casco eraikinera eraman.
• Txontan parke berdea eta gaztetxea egin.
• Matsarian autobus geltokia eta aparkalekua egin.
• Errebalen erabilera anitzeko eraikina egin: merkatu plaza, parke berdea eta garajeak.
• Alokairua bultzatu hutsik dauden 1600 etxebizitzak pizgarri fiskalak emanez kudeatuz
• Udalaren lizitazio eta kontratuetan Eibarko enpresak lehenetsi legeak onartzen duen eran.
• Goardia Zibilen koartela herritarrei itzuli herri-galdeketa bat eginez.
• Astelena frontoiaren ondoan dauden udalaren lokalak etxe-tutelatu bihurtu.
• Gazteriaren ahotsa kontuan hartu.

Hamaikabat (H1!)

Hamaikabatek Mertxe Garate egungo zinegotzia aurkezten du alkategai. Beren panfletoan guztiz salatzekoa da euskararekin egin dutena, batez ere, euren burua abertzale eta euskaltzaletzat jotzen dute-eta: testua gaztelaniaz egin, itzultzera norabait bidali, eta errepasatu ere ez. Esaterako, kaleen izenak berdin utzi dituzte gazteleraz eta euskaraz: "San Agustin-Ibarrecruz-Estacion-Arragüeta", bai dieresi eta guzti. "Proposamen honek epe motz-ertainera enplegua sortzeko baliagarria izango litzateke," esaldia ere panfleto honetakoa da. Ah, eta "Eibarreko" gobernagarritasunerako giltzarri izango omen da H1!.

Euren proposamenak:

• Etxebizitza babestu gehiago.
• Aparkalekuak Azitain eta Matsarian.
• Ke detektagailuak 75 urtetik gorako lagunak bizi diren etxeetan.
• Etxebizitza tutelatuak nagusientzat.
• Kirol instalazio eta aisialdi guneen azterketa egin.
• Gipuzkoako Kirol Txartelaren ekimenean Eibar sartu.
• 12 eta 18 urte arteko gazteentzat kirol plana
• Trenbidearen inguruan zarataren aurkako panelak jarri.
• Bizikleten erabilera sustatu.
• Elgoibar-Soraluze pasealekuarekin lotu Eibar.
• Arraten paisaia hobetuko duen proiektua martxan jarri.
• "Arratetik Olabeko kurutzera eta zelaira doan sarbidea hobetu" (sic, sic, sic!!!!)
• Zabor kontenedoreak lurperatzen jarraitu eta 5. kontenedorea jarri.
• Udal webgune interaktibo eta zentzu bikoitzduna jarri.
• Plan Orokorrari aldaketak proposatu.

PP eta Ezker Batua

Hauen panfletorik ez da iritsi etxera oraindik eta ezin komentatu.

Laburpena

PSE-EE PSOEren panfletoan beste guztiek egin ez dutena egiten dute: azken lau urteotan egindakoa azaldu. Noski, lan erraza da hori, eurak egon baitira agintean lau urteotan, baina ez EAJ-PNVk ez H1!ek ez dute ia aipatu ere egiten azken lau urteotan PSE-EE PSOErekin batera gobernatzen egon direnik.

EAJ-PNVk asko eta asko aipatzen du Foru Aldundiarekin batera egingo dituztela hainbat gauza. Beraz Foru Aldundiko emaitzekin lotzen dute nolabait euren hainbat proposamen.

Aparkalekuak problema direla nabarmentzen da proposamen guztietan. Matsaria, Azitain, Errebal eta Otaola jartzen dituzte aparkalekuak egiteko lekutzat.

Autobus geltokia ere traban omen dago Ego Gainen eta tokiz mugitu behar da: Ardantzara edo Matsarira, horra hor proposamenak.

Ospitalea Otaolan nahi du PSE-EE PSOEk, egitekotan Matsarian nahi du EAJ-PNVk.

Etxebizitza falta eta alokairuaren kontua hainbat alderdiren proposamenetan dator. Nabarmentzekoa da, zeren azken urteotan salmentako babes-ofizialeko etxebizitzak besterik ez dira-eta bultzatu.

Txonta ere aipatzen dute zona degradatu gisa. PSE-EE PSOEren proposamenak mega-proiektu-pelotazo itxura dauka. Ea ez zaien kontrako eztarritik joaten orain gutxi bezala.

EAJ-PNVren mega-proiektua Errebal eta San Juan kaleen artean trafikoa lurperatu eta ingurune peatonala egitea da. Orain denbora asko plazaratutako Arraterako telekabinaren proiektua ere birformulatu eta "aztertu egin behar dela" diote.

Bildu, Aralar eta H1!en proposamenetan ez dago mega-proiekturik. Hitz politak eta batzuetan proposamen zehatzak ere bai.

Gauza bakarra bota dut faltan EAJ-PNV, Aralar eta H1!en panfletoetan: azken 4 urteotan udalean egin duten lana azaltzea. Agian horretaz lotsatu egiten dira eta ez dute piorik esan (PSE-EE PSOEk ez bezala). Agian erabakigarria izan daiteke azken lau urteotan egin dutena aurtengo botoa erabakitzean.

Laburpen honek alderdi politikoek datorren asteko hauteskundeetarako proposatzen dutena errazago ulertzen laguntzea espero dut.

Urtarrilean proposatu nuenaren harira eta Bilduri aurkezten utzi diotela-eta, hona hemen nire porra. Oraingoan zenbaki eta guzti eta eguneratuta:

• PSE: 10
• EAJ: 5
• Bildu: 4
• PP: 1
• Aralar: 1
  

EB eta H1! kanpoan.

Zer iruditzen?

Orain denbora bat Intereconomia ikusten nuela aitortu nuen hementxe bertan. Orain nire espektroa pixkat zabaldu egin da. Lehengoan sozialistaz betetako tertulia bat aurkitu nuen. Sineskaitza!

LTDren bidez jasotzen diren tertuliak definitzeko eta AEBko Tea-Partyaren izena aprobetxatuz TDT-Party terminoa erabili izan ohi du Ignacio Escolar kazetariak. Intereconomía, 10-TV eta VEO-TV (agian eskuinetik ezkerrera), eskuin espainolaren espektro ideologikoan kokatutako kateak. CNN+ek nolabaiteko kontrapuntua egiten zuen (ze hauen sozialista usaina urrundik igartzen zen) baina Gran Hermanok ordezkatu eta balantza eskuinaldera lerratu zen guztiz.

Ba joan zen astean, TDTko kanalen arteko zaping luze horretan, Al Rojo Vivo programa agertu zen, La Sexta 2 (edo La Sexta 3 ez nago ziur) katean. Tertulianoen erronda bat ikusi nuen eta hara! guztiak sozialistak edo filosozialistak!! Nire harriduratik irten ezinda hurrengo egunean ere jarri egin nuen eta beste kateetako tertulianoak ikusi nituen. Pffff, frakak jeitsi eta pluraltasuna ahoan hartuz sensibilitate guztiak ekarri zituzten. Horrela jai dute, serioagoak izango dira baina ezkerreko astakeriak ere dibertigarriak dira.

Eta gure artean? Ba lehen batzuetan Ganbara jartzen nuen Radio Euskadin, aprobetxatuz Euskaltelen dekodifikagailuarekin irratia ere entzuten dela, baina aspaldian ez dut hori egin. Baina noizean behin Hamaika Telebista jartzen dut. Hor ere badute tertulia moduko bat, Esatea Libre izenekoa. Eta ez, ez da bada tertulia bekatu gabea (blog hau ere bekatu gabea ez den antzera). Tertulia honen lerratzea igartzea ere ez da zaila izaten: orain aste batzuk ekonomiari buruzko eztabaida baten Garako kazetari bat, Berriako beste bat, Karmelo Landa eta EAko ordezkari bat zeuden. Horra hor gure izozkia. Guztiak euskaldunak izan behar duten aitzakiarekin ez dago abertzalea ez den ikuspunturik telebista horretan. Ondo egiten dute, tertulia guztiak bezala politikoki guztiz lerratutakoa.

Agian Canal 24 Horas libratzen da, ez dut kazetaria BBCko kazetariek gisako elkarrizketa egiten ikusi, baina beno politikoki gutxien lerratutako kazetari eta tertuliatzat dut.

P.S. Ah, eta Sorturi buruz zer? Idatziko dut hurrengo baten, nire irakasle ohi bat dago hasierako ordezkarien artean. Nire iritziz hobe luke Datu Mota Abstraktuak eta Egoera Makina Abstraktuak irakatsi politikan sartu beharrean, baina beno, bakoitza libre da nahi duena egin eta Auzitegiz-auzitegi bere bizitza jarraitzeko.

Azken asteotan irakurri ditugu nor izango diren PSE-EE eta EAJren udalerako hautagaiak. Aurtengo aurrekontuak bozkatzerakoan ere EAJk aldeko 4 boto eta abstentzio bat bozkatu zituen protesta gisa-edo eta alkatea haserratu egin zen. Asteburuan DV eta El Correon EAJren hautagaiaren hitzak irakurri ditugu, eta albisteen erantzunetan zera irakurri daiteke esaterako:

Lo lamento por el partido al que vote hace cuatro años, el PNV, porque en esta legislatura no lo volvere a hacer. Yo vote porque creia en sus propuestas en sus intenciones y luego resulta que van y se unen al psoe. Pero que es esto! para eso mejor me habria salido votar directamente al psoe. El programa que yo apoye no tenia nada que ver con el psoe con lo que la conclusion que he sacado es que al final por un sillon y dinero se nos olvida todo, asi que no conteis este año con mi voto y muchos deberian hacer lo mismo, porque el pnv deberia haber estado en la oposicion que no pasa nada y haber defendido lo que nos propusieron y que es por lo que les votamos.

Eta beste hau ere bai:

sois TODOS unos vendidos... os compraron dandoos un par de concejalías, las peores, o las menos ricas... y ya está, así no ha ni oposición, ni discrepancias ni nada. Y el resto de partidos como tontitos, a bajarse los pantalones

Esanguratsuak oso eta azken 4 urteotan Eibarko EAJk izan duen jarrera garbi erakusten dute.

Lehenengo porra hau zenbaki gabe egingo dut, onartuko didazue ezta?

• PSE-EEk, orain dituen baino zinegotzi gehiago lortuko ditu, gehiango absolutoa absolutizatu egingo da guztiz.
  
• EAJk, orain dituen baino zinegotzi gutxiago lortuko ditu.
• Aralar, igo egingo da.
• PP, antzerako.
• Beste guztiak ez dakit nola tratatu, ez dakit betiko Ezker Abertzalea aurkeztu ahal izango den, EA aurkeztuko den eta besteekin batera joango den, ... Horren inguruan Hamaika Batekin zer gertatuko den ere ikusteko dago... nire apustua desagertu egingo dela.
• Eta Ezker Batua? Ah bai, hauek ere existitzen dira... antzerako hauek ere.
  

Agian ezin da konparaziorik egin, baina pentsatu dendaria zarela eta ez duzula arrautzarik erosten salduta izan arte. Erosleak arrautzak eskatzen dizkizunean, orduan baserrira joan baserritarrari arrautzak erosi eta erosleari saltzen dizkiozu. Euro batzuk beharrean ehundaka milaka eurorekin.

Udalak Alfa zegoen lekuan denbora tarte jakin baten etxeak egiteko baimena emango zion promotoreren bati, baina honek etxe-bloke bakarra eraiki du eta han utzi du bestea. Gure boletin ofizial bietan (Gipuzkoakoan eta Bizkaikoan) etorri dira harekin egingo omen dutenaren albisteak, badirudi azkena pintura eskolakoek hango horma edo zutabeak margotu egingo dituztela dela. Kalean, hor eraikita dagoena bota egingo dutela ere entzun dut. Ezin du udalak beste erabakirik hartu? Seguru badagoela lege-argudioren bat orain proposatzera noana egiteko, baina borondatea behar horretarako: "nik (udalak) etxeak egiteko lizentzia eman nizun eta zuk ez dituzu eraiki. Hainbat (5? 6? 7?) urte pasatu dira eta ez dirudi aurrera egingo duenik. Lur horiek "erreskatatu" edo "errekuperatu" egingo ditut, ezer ordaindu gabe, eta hor, adibidez Babes Ofizialeko Etxeak eraikiko ditut. Bai, Amaña edo Urki puntan, edo Bolinguan, edo Eibarko toki inakzesibleenetan orain eraikitzen direnak bezala.

Horrek ere badu bere puntua: badirudi legez X etxe "libre" egiten badituzu Y BOE egin behar dituzu. Eibarren X etxe horiek hiri erdian egiten dira (Ego-gainen adibidez), eta BOEak "periferian": Jardinetan, Urki-kurutzekuan, Amañako puntan bariantearen tuneletako bat atzean dutela, ...

Alfa-San Andres-Ego gaineko etxeekin zer? Udalak erreskatatu eta BOEak egin inor indemnizatu gabe (ez Errebalen bezala, lehen saldotan erregalatutakoa berrerosten eta norbait aberasten). Baina noski, horretarako borondatea behar da. 21etik 19k ez dute horretarako borondaterik izango.

Joan den larunbatekoaren ostean ezer esaten ez dutela-eta, La Pelota Basqua The Organization bisitatzera joan da:

Paul Riosi irakurri diot Twitter-en:

Escribiendo una nota para valorar la declaración de la Izquierda Abertzale http://bit.ly/1i8CfC

Sartu naiz webgunera, irakurri dut PDFa eta bertako puntu baten zera aurkitu dut:

Prozesu demokratikoa erabateko indarkeriarik gabe eta esku sartzerik gabe garatu behar da, soilik bitarteko politikoak eta demokratikoak erabilita. Gure helburuen bila bideratutako estrategia politiko hau, aipatu prozesu  demokratikoa sustatuz eta parte hartzea bultzatuz, aurrerapenak ekarriko dituela ziur gaude. Adibide argia Hegoafrika eta Irlanda dira.

Bale. Ados. Oraingoan benetan? Seguru? The Organization-ek zer dio honi buruz?

Neurgailu batzuk ipini, gas batekin bete eta airera jaurtitzen dittue lurretik altura jakin batera daren atmosferako kondiziñuak zein diran jakitzeko. Geure agintxarixak be holako gauzak egittera ohittuta dare. Húrrenekuak gainera egunkarixak erabiltzen dittue horretarako, "cartas al director" edo "la mirilla" moduko atalak aprobetxauta, gure herrixan zer egin leikian sugeritzen agertzen diran kartak geure agintarixak eurak idatzittakuak dira. Eta eurak idatzittakuak ez badira, eurak bultzatutakuak bai behintzat.

Estaziño kale osteko kaliakin pasau zan, eta oin dala astebetetik autobus geltokixakin be bai. Inork ezer esan aurretik hor urten dira Errebaleko autobus geltokixan inguruko eritzixak batera eta bestera. Agintarixak be segiduan urten dira "herrixari entzuten" Errebalerako beste proposamen batzuk egitten. Zuek egindako proposamenak sinistia nahi dozue? Errebalen "agindu" zenduen fotomontajia eta gero pasau dan dana ikusitta, zelan eukiko dogu ba konfiantza zuek proposatutako ezertan? Junixuan aldaketia eukia neban hizpide; oinguan bebai. 

Datorren udal hauteskundietarako herri plataforma bat aurkezteko beharra bati baiño gehixagori entzun detsat. Horixe izango litzake azkenengo urtietan herrixan pasau diranendako erantzun egokixa. Alkategaixa topau bihar. Hau be globo-sonda bat izango ete da?

Ekainean Euskaltelen kablearen bidez jasotzen den telebista ikusteko deskodetzailea erosi nuen, ordutik 50 bat kanal dauzkat telebistan, batzuk ezagunak, beste batzuk ez hainbeste. Batzuk ia beti ikusten ditudanak, beste batzuk sekula ez. Baina ia egunero Intereconomía ikusten dut. Gauean, 23:00ak inguruan "El gato al agua" izeneko programa bat ematen dute. Tertulisto guztiak ados egoten diren programa bakarra. 

Hori bai dela droga gogorra. Tertulisto, aurkezle eta SMS bidez parte hartzen duten ikusle guztiak PPren eskuinaldean daude ideologikoki, hori posible baldin bada behintzat. Lehen Radio Euskadiko Cocidito Madrileñon grabatuta entzuten genituen guztiak zuzen-zuzenean eta bene-benetan nola esaten dituzten entzunda euskaldunonganako gorrotoa nola bultzatzen den ikusi dut. Beno, ez euskaldunonganakoa bakarrik, baita sozialistenganakoa, kataluniarrenganakoa eta errepublikazaleenganakoa ere. Itzala.

Intereconomíarekin batera VEO-TV izeneko beste kate bat ere badago. Honek ere badu, bestearen ordu berean, tertulia bat. Batzuetan, kate horren zuzendari Melchor Miralles dagoenean, hau ere programa oso gogorra izan ohi da. Hemen, hala ere, 4 tertulistotatik 1 gorria izan ohi da eta beste hiruren pin-pan-puna balitz lez tratatzen dute. Lehengo baten Nacho Escolar zen gorria, Publico egunkariaren zuzendaria ohia, han ibili zen Espainiako Hauteskunde Legearen proportzionaltasuna aplikatuta PP zela gehien irabazten zuena azaldu nahiean, baina ez zioten utzi. Bero-bero eginda amaitu zuen programa dirudienez...

Ba hori, Tele5 eta Antena 3eko iritzigileak nahikoa ez balira, hauekin ere disfrutatu egin daiteke.

Agian, nire osasunari begiratu bat eman ostean, Intereconomía eta VEO TV utzi eta GoiTB eta Hamaika ikustera pasatu beharko naiz ;)