Atal honetan idatzi dittudan artikuluen zerrendia irakorritxa blogeri buruz ez dotela idatzi konturatu naiz. Interneten hain modan dagon gauzia izan eta ondiokan horri buruz ezebez idaztiak gauza garbi bat esatia nahi dau: ez dakatela horren inguruan esateko gauza barririk. Baina gaur, batez be Eibartarrak izeneko Interneteko posta zerrendako mezu bat irakorri ostian, eibartar blogarixeri buruz idaztia okurridu jata.

Blogak jendiak idazten dittuan "querido diario" estiloko orrixak dira. Bakotxak berak nahi dabenari buruz idateko Interneteko txokua. Gehixenetan blogak eta Internet, adituendako bakarrik dirala emoten daben arren, ez da holan, eta jente desberdin asko topau geinke Interneten idazten. Euskeraz idazten dabenen artian Eibar.ORG elkarteko kidiak dira ezagutzen dittutenak, eta www.eibar.org helbidian topauko doguzenak.

Baina erderaz idatzittako bateron bat be badago, eta horren artian bi ekarri nahi dittut hona. Antena enpresa baten "El blog del antenero" (http://www.trinmer.com/blog) eta "La Escalera Mecánica" (http://eibar.wordpress.com). Lehenenguak telebista antena eta emisiñuen inguruko kontuak publikatzen dittu, eta irakortzekuak dira TDTari buruz idatzittakuak. Bigarrenak aldiz Diario Vascoko "La Mirilla" tarte ezagunaren konpetentzia emoten dau, Eibarko personaje famoso batzuen izenak hartuta eta anonimotasuna erabiliz, Eibarko obra, kuriosidade eta trafikuari buruzko kontuak irakorri leikez. Ia goixero-goixero udaletxian euren bloga irakortzia lortzen daben Interneteko Fermin Calbeton, Tiburcio Anitua eta konpainiak

Etiam-en eskutik jasotako memea jarraituko dut bada.

Portzierto Etiam, ez duzu jarraitu memearen formatua, begiratu bestela nire mezua edo Teknosexuarena

Testigua nork eman didan

Etiamek ekainaren 10ean.

Nire ordenagailuan dauzkadan musika artxiboen tamaina

Guztira 3 GB inguru, %99a MP3 formatuan. Hala ere beste hainbat CD ditut MP3ra pasatu barik. Orain dela pare bat edo hiru urte modemaren garaietan AudioGalaxy eta Napster-etik jeitsitako hainbat eta hainbat MP3 galdu zitzaizkidan diskoko errore baten erruz, ez dakit zenbat musica egongo zen, baina pare bat giga egongo zen.

Erosi dudan azkeneko diska

Sekula ez naiz izan musika erosi zalea, baina Kokein-en Lotuta egon arren izan zen azkena.

Sarri entzuten ditudan edo niretzat esanahi berezia duten 5 kantu

• Michael Jackson-en Heal the World. Ingelesez ganoraz ikasi nuen lehenengo abestia. Ikastolan Elena ingeleseko irakaslearen eskutik ikasi nuena.

• Ken Zazpi-ren Gutuna. Arrazoi zuen Jokinek, kantu benetan ederra da.
• Coldplay-ren edozein aukeratuko nuke. Etiamek bai asmatu ;) Adibidez, Clocks
• Su ta Gar eibartarren Itxaropena
• Gozategi-ren Hiru izar

Zein 5 pertsonari pasatzen diedan testigua

• Unai, Doble sentido-koari

• Gure Prospektibologoari
• Irundar, errealzale, eibarnautari
• Tronco-ri
• Telezaborrari

Hainbat blogariren izenean Joxe Arantzabal-ek sinatuta bidali dugun gutuna da hau. Donostiarzentrismo eta DVzentrismoaren ispilu bat gehiago.

Teknosexuak gomendatu bezala , Diputacion de Gipuzkoa

Gipuzkoako Foru Aldundia oker dabil

Apirilaren hondarrean Gipuzkoako Foru Aldundiak hitzarmen bat egin zuen El Diario Vasco egunkariarekin, blog lehiaketa bat antolatzeko. Ez zituen aintzat hartu ordura arte Gipuzkoan bertan blogintzan egindako ahalegin oparoak, eta DV-rekin ezkondu zen. Historia faltseatzera ere heldu da, gainera.

Nork bere ezkontideak hautatzen ditu, eta blogean aipatzen den bezala Gipuzkoako Foru Aldundiak eskubide osoa du berea aukeratzeko. Hautuak, ordea, sortu zituen protesta batzuk, adibidez: Blog&roll lehiaketa printzipioz gaztelania hutsez izan behar zelako; edo saritzea nahi zutelako blog onena, baina horretarako ezinbestekoa zelako blog hori Diariovasco.com-en egitea; edo, oro har, aitzindarien lana kontuan hartzen ez zelako.

Okerrena, baina, orain dator: Gipuzkoako Foru Aldundiaren organo ofiziala hasi da hainbat informazio banatzen, eta hor aldatu egiten da euskal blogintzaren historia, DV-ri emateko ez daukan aitzindaritza. Eta hori ez diogu onartuko.

Gipuzkoako Foru Aldundiak antolatu du E-gobernua eta hiritarren parte-hartzea, jardunaldi batzuk, non gonbidatu dituen Europa Press-eko ordezkari bat, eta beste bat DV-koa, teknologia berriez hitz egiteko. Eta DV-ren ordezkaria aurkezterakoan, hauxe dio:

Diariovasco.com fue el primer medio digital en incorporar foros de discusión sin pre-moderación, y ha sido también el primero en poner a disposición de sus usuarios un servicio de blogs.

Blogei dagokienez, hori ez da egia

Gipuzkoako Foru Aldundiak eta DV-k badakite Euskal Herrian lehen bloga, Sustatu.com, 2001ean kaleratu zela, CodeSyntax (Eibar) eta Goiena (Debagoiena) enpresek sortua. Lehen blog zerbitzua Eibar.org erakundeak sortu zuela 2004ko uztailean. 2005eko otsailaren 22an aurkeztu zuela Goiena.net-ek blog komunitatea Koldo Mitxelena kultura gunean, Donostian. Eta gero etorri zela DV bere blog zerbitzuekin. Baina…, hor egon liteke aitortu gabeko koska Gipuzkoako Diputazioarentzat, blog horiek guztiak euskaraz daudelako. Horiek ez ezik, beste asko ere, 170 blogetik gora, euskaraz daude, eta Aurki.com albiste biltzaileak jasotzen ditu uneoro.

Berritasuna goiena.net?

Bada beste jokabide ez egoki bat egin duena Gipuzkoako Diputazioak eta hauxe da: asko gara gaudenak izena emanda e-postazko buletin batera, Gipuzkoa.net atari ofizialean zer dagoen berri jasotzeko. Oraingo astean etorri denak, konpentsatzeko-edo, berritasunetan zekarren lotura bat: Goiena.net. Berritasuna, non eta 2003ko udazkenetik dabilenean ekimen hau sarean!. Nola hartuko gaituzte kontuan Deba ibarrean, San Vicente de la Barqueraren parean... Horientzat Gipuzkoa hasten da DV-ko orrietan eta amaitzen da Igara-Ibaeta inguruan.

Errespetua

Gipuzkoako Foru Aldundiak aukeratzea dauka nahi dituen aliatuak, baina, mesedez, ez dezala historia faltseatu eta izan dezala errespetu apur bat punta-puntako teknologia erabiliz euskarazko ekimen berriak bultzatzen dihardutenekiko.

Joxe Aranzabal, Eibar.Org eta Goiena.Net komunitateetako 30 blogariren izenean

Diputapena

Donostiarzentrismoaren beste puntu bat, asteburuan Gasteizen jokatuko diren Euskadiko Eskolarteko txapelketetara joateko autobusa da. Diputapenaren autobusa, Irundik irten eta Errenteria, Donostia, Tolosa eta Beasaindik barrena joango da Gasteizera. Beste guztiak nola joan berdin da. Gurasoekin badoaz ez du inork bidairik ordaintzen, taxian joanez gero bat. Inork ulertzen al du? Ez ba...

Diputapena

OinOharra: Diputapena orain urte asko entzun nuen telebistan. Xabier Otaegi eta Jose Ignazio Ansorena (Txirri eta Mirri edo Xabier eta Piter) baserritar kaletartatuarena egiten irteten ziren progama baten, kapa lila bat jantzita eta han esan zuten hitza, "euskaraz ez da Diputazioa esan behar, hori erderaz bezala da Diputacion, euskaraz Diputapena esan behar da". Kasu honetan behintzat guztiz aplikagarria da terminoa...

PS: Eibar.ORG-en aurrekarietan ere aurki daiteke Diputapena...

Euskal blogariok Elgetako Espaloian bilduta gaude lehenengo Beers and Blogs elkarketan

Arratsaldean zehar bertaratu garenetako bateronbatek ere publikatuko du zerbait, baina hona hemen lehenengo argazkiak.

Joan arpegiak ipintzen blog ezberdinei

Argazki gehiago flickr.com zerbitzuan

Igandean, hauteskunde eguneko arratsaldean, Blogs and Beers delakoa izango dugu Espaloian, lehenengo aldiz ospatuko da beraz Euskal Blogarion Bilkura.

Blogei buruz eta Interneti buruz hitz egiteko aukera paregabea, eta baita Hauteskundeen inguruko gure burutazio eta kontuak aipatzekoa ere.

Hantxe izango naiz portatila, wifi txartela eta argazki kamararekin.

Igandera arte !!!!