Periferiatik, erral
bilbo
Eibar-Gasteiz bai, Eibar Donostia ez
Autobusen eta Gipuzkoako Foru Aldundiaren inguruko Mikelen beste purrustada bat.
Egunkarietan:
Zorionak Bilbo !
Gaur arratsaldean Bilbon izan naiz. Plaza Berrian xakea ikusten. Bai, Plaza Berrian.
Goizean Sustatun idatzi dudan bezala, munduko xakelari onenak Bilbon daude egunotan. Bertako Plaza Berrian jarri duten kristalezko urna baten barruan Gran Slameko Maisuen Finala jokatzen.
- Magnus Carlsen eta Levon Aronianen arteko partida epailea begira dutela
Bertan daude onenak, Anand munduko txapelduna, Ivanchuk Sofiako garailea, Carlsen noruegar gaztea, Topalov txapeldun ohia, Radjabov gaztea eta Aronian bizia. Guztiak guztien aurka jokatuko dute, partida bat pieza zuriekin eta beste bat beltzekin. Horixe da onena nor den jakiteko modurik onena zalantzarik gabe.
Beno, gaurko partidei begiratuz, Aronian eta Carlsenen artekoa da agian nabarmentzekoa, berdinketan bukatu ez den bakarra. Bazirudien hasieran Aronianek balantza bere aldera eraman duela baina noruegar gazteak partidari buelta eman eta berau irabaztea lortu du. Partida bukaeran Leontxo García kazetariak jokalari guztiak elkarrizketatu ditu, eta Magnus Carlsen noruegarrari zera galdetu dio: "badakigu ez zarela osasun egoera onenean etorri baina, zein da zure helburua txapelketa honetan?" "To Win", "Irabaztea", erantzun dio irrifar zabal batez. Honi esan egin diote nora etorri den, bilbotar peto-petoa dirudi ;)
Created with Admarket's flickrSLiDR.
Jende asko zegoen Plaza Berrian, xakelariak, zaleak eta baita kaleko jende arrunta, Santik dioen bezala kalean xakea ikusten. Hori da, ziurrenik, txapelketa hau Bilbon jokatzearen gauza erakargarrienetako bat. Kalean jokatzen dela. Ez kultur-etxe baten, ez erakusketa-gelan, ez hotel bateko gela ilun baten. Kalean, edonork ikusteko lekuan. Bikain bat Juan Carlos Fernándezek gidatzen duen antolakuntza taldeari !
Aurten euskararen kontua zaindu egin dute, ez iaz bezala, webgunea txukuna dute, eta baita eskuko programa ere. Agian nire lagun Joserra Garai aurkezpenean egoteak lagundu du honetan ;)
Beste egunen baten ere hurbilduko naiz Bilbora eta jarraituko dut bideo eta argazki gehiago kargatzen. Ea aitak aspaldi erabiltzen zuen tripodea aurkitzerik dudan argazkiak mugituta ez irteteko, eskuko dardara Parkinsona banu bezalakoa baitut ;)
