Hemen zaude: Hasiera → Blogak → Periferiatik, erral → Artxiboa → 2009 → Ekaina → 23 → Txupinazorik ez, datozela dultzaineroak
Dokumentu Akzioak

Periferiatik, erral

Txupinazorik ez, datozela dultzaineroak

Eibarko San Juanak ez dira txupinazoarekin hasten, nahiz eta jai-programan sartuta egon jaiak ez dira txapligo horrekin hasten. Eibarko San Juanak Estaziño kalean hasten dira, ekainaren 23an, eguardiko ordubatean.

Eguerdiko ordubatean etorri ohi zen Lizarratik trena (ez 1999ko Lizarrako trena, garai bateko Eibar-Lizarra bidea egiten zuen trena baizik), han etortzen ziren Lizarrako dultzaineroak, eta han egoten ziren zain langileak arratsaldean lanera sartzeko, trena askotan berandutzen baitzen (edo hori diño aittak behintzat). Ba hori, txupinazo gabe, jaiak hasteko modu originala Eibarren.

Egun zoragarri hau heldu da berriz. 
Pozan pozez biotzak beterik. (bis) 

Mendietako baserrietan 
kaleko plaza danetan 
San Juan suak piztutzen dira 
Gau zoragarri honetan. 

Hau da eguna zoragarria 
kontsolatzeko mundu guztia. 

Ez da inun gizonik 
San Juan dan baizen 
Oso goitar ta haundirik 
Arkitzen. (bis) 

Hau da eguna zoragarria 
kontsolatzeko mundu guztia 

Amagandik inoiz jaio da gizona 
ez dago zeruan alakorik 

Ama semeagandik 
zu jaio zinan 
mirariz beterik donian 

Poztu gizonak abestu herriak 
San Juanen egun miragarrian. (bis) 

Igaz ere San Juan zan, eta 
aurten ere San Juan Bautista. 

Mendietako baserrietan 
kaleko plaza danetan 
San Juan suak piztutzen dira 
gau zoragarri honetan. 
Mikel Larreategi 2009/06/23

Originala eta edarra

leire — 2009/06/25 15:10
Era originala eta edarra, horraittiok!
Aurten juan ezinda, pena haundixa euki dot. Oso momentu politta izaten da. Sanjuanetako bakarra!
Ondo pasau, Mikel

letran betiko akatsa

Arrate — 2009/06/26 22:22
aurten be gustora kantau dot San Juanetako kantua, Santuen gaineko sinismenik euki barik be barru barruan dakat sartuta. Aiuriri be kantau detsat pare bat bidar, Plaentxiarra bada be aman herriko kantuak ikasteke ez deila geldittu; arragueta, urkusuko itturrixa, San Juan...
letran, ama semeagandik jaixo zala ageri da, ta ez da zuzena, leku askotan hemen moduan jasota dago, interneten badago honen gainian zeozer idatzitxa:
http://orainkaria.com/index.php?aukera=artosoa&artkodea=280

Erantzuna gehitu

Beheko formularioa betez erantzun bat utzi dezakezu

(Beharrezkoa)
Esaiguzu zure izena
(Beharrezkoa)
(Beharrezkoa)
(Beharrezkoa)
(Beharrezkoa)
Erantzun galderari aurrera jarraitzeko:

Zenbat dira hiru gehi bi? (idatzi zenbakiekin)

Mikel Larreategi

Mikel Larreategi Arana

(Eibar, 1981). Informatikaria ikasketa eta ofizioz, CodeSyntaxen egiten dut lan Eibar.ORG bezalako webguneak egiten. Ikastolan nengoela xakean jokatzen hasi nintzen eta horretan jarraitzen dut, eta 2006tik Eibarko Klub Deportiboaren presidentea naiz. Xakeak eta Klub Deportiboak, horretxek jaten dit nire denbora.

Goiburuko irudia Barcelona da. Orain dela urte batzuk bisitatu nuen hiria eta asko gustatu zitzaidan. Irudia nondik hartu nuen ez dut gogoan (lehen jarrita nuen baina aldatu egin nuen eta berriz itzuli eta galdu egin dut kreditua. Baina haren CC-BY-NC lizentziak dioena jarraituz kreditua ematen diot. 

Azken erantzunak
halaxe da bai... Oier A., 2012/01/20
Arrazoia! e-gor, 2011/11/17
Autogestioa Txopi, 2011/10/17
Autogestio hori baion gehiago da eñaut, 2011/09/23
Bizikletak Herbeheretan Trebi., 2011/09/03