Dokumentu Akzioak
Periferiatik, erral
Euskaltel bidezko telebista digitala etxean
Azkenean digitalizatu dut etxeko telebista.
Hemen eta han hainbat gauza irakurri eta joan zen astean Sustatun aipatu bezala, Euskaltelek DVB-C deritzan formatua erabiltzen du telebista digitala banatzeko eta ondorioz ez galleta kutxekin oparitzen dituzten LTD deskodegailuek ez dute balio Euskaltel badaukazu.
Bati eta besteari galdetu ostean Todoelectronica.com webgunean amaitu nuen eta bata eta beste ikusi ostean, Illusion deskodegailu bat erosi nuen ostegunean. Gaur heldu zait SEUR bidez eta afalostean konfiguratu dut. Berehala harrapatu ditu Euskaltelek banatzen dituen kanal guztiak, ordainpekoak ere bai, baina hauen ondoan $ ikur bat agertzen zen. $ gabekoak 51 dira guztira, hor daude betikoak, gehi LTD bidez datozenak, gehi Euskaltelek gehitzen dituen beste batzuk (BBC, Euronews, Natura, eta abar). Irrati-kate batzuk ere harrapatu ditu, Euskadi Irratia, Radio Euskadi, Euskadi Gaztea, Formula HIT eta Europa FM Gipuzkoa. Orain telebistan ezer ez badago, telebistan bertan jar dezaket Ganbara.
Orain zappinga lehen baino luzexeagoa izango da!
GoiTB ere ikusten da, eta baita Hamaika Bilbo ere, baditut euskarazko beste bi kate! Horren truke KTB galdu dut, en fin, egunero 15 minutuko udaletxe-informatiboa ikusteko...
Portzierto, minutu batzuetan Intereconomía eta VEO-TV ikusi ditut. Horiek bai direla droga gogorrak, LibertadDigital baino gogorragoak, noizean behin ikusteko ez daude gaizki.
Gauzatxo bat, GoiTBn informatiboa harrapatu dut (edo Magazina programa, ez nago ziur) eta bertan bi gauza ikusi ditut, eta Goienakoren batek konfirmatzerik badu hainbat hobe:
- Pello Zabalak eguraldiaren informazioa bideo-konferentziaz eman du Arantzazutik?
- GoiTBk ere egiten du "digitalen errepasoa"? Ez ditut Clarin eta Haaretz ikusi baina Sustatu ere ez... tarte labur bat harrapatu ote dut?
... eta Euskaltelekoa?
Monopolioari ez!
zalantzak-edo
Eurokonektorerako kablerik ez!
GOITB-ko digitalak eta Pello
Jo, zelan dabillen zabaltzen GOITB... :-) eta zelako ikus-entzule nibelekuak dittugun... :-)
Pellok egunero egitten dau konekziñua. Egunero entzun zeinke Pello eta bai, Skype erabiltzen dogu, duako programatxo bat. Mapak kaxkarrak dirala-eta... Pellok berak erabiltzen dittuanak dira. Ez ditugu egitten GOITBn. ETa hobetu leikez bai... baiña honekin zein izan da erabakixa? ba egunero Pello sartziari garrantzia emotia eta zelan egunero ezin dogun platuan euki ze gure baliabidiak neurtuak dira... ba Skype erabiltzia. Batzueta konexiñuak be fallau dosku, baiña Pello entzuteko belarri asko darela be badakigu. Guri gustatzen jaku Pello, etxekua da eta jardun oso interesantekua.
Digitalen errepasuan askotan sartzen da Sustatu. Clarin ez, baiña Sustatu askotan. Eta batzuetan blog bat handik, beste bat hemendik, konflikto internazionalak darenian hango albistegiren bat, hango iritzi artikuluren bat, youtubeko bideua... Lakastarik ez daukagu Goienan, baiña tarte hau interesgarrixa dala esango neuke. Askotan gauza berezitxo batzuk, bideo arraroren bat... danetik tarte honetan. Tarte luzetxuagua ikusi biharko dok :-)
GoiTBko digitalen errepasoa
Poztekoa GoiTBn geratu izana baina pena bat momentu ona harrapatu ez izatea. Magazineko Digitalen tarteko arduradunetako bat naiz eta bermatzen dizut egun bat baino gehiagotan eta batez ere barikuetako tarte berezian ematen duela Sustatu.com-ek patrozinatutako tartea. Are gehiago asko begiratzen diegu Sustatuko gora-beherei apur bat jakiteko nondik jo. Iradokizunak beti dira ongi etorriak!