Dokumentu Akzioak
Periferiatik, erral
Argitu du eguna gaur ere
Azken egunotan batak eta besteak esan dituenak irakurrita bazirudien Patxi Lehendakari izanda mundua amaitu egingo zela.
Maiatzaren 6a da gaur, jada 12 bat ordu igaro dira Patxi Lehendakari denetik eta mundua ez da amaitu. Urduri zeundeten guztiok, lasai !!! Ez da ezer gertatzen-eta.
Aldaketa nabarmenen bat igarriko ote dugu bada gure eguneroko bizitzan? Patxik ordainduko ote du zure etxearen hipoteka? Edo ganorazko alokairuko etxe bat zure ordez aurkitu? BBK bankarrotara eramango al du hipoteka dutenen pozerako? Ez. EAJ, EA eta EBk hori egin ez duten bezala.
Orain arte gisa, agian PPren influentzia gehiagorekin, hitzaldi potoloagoekin "libertad" hitza gehiagotan esanez, baina gauzak ez dira egunerokoan aldatuko. ETB1etik ez da euskara desagertuko, ikastola/eskola publikoetan euskaraz ikasten jarraitu ahalko da. Agian ETBko eguraldiaren mapa desagertu egingo da, ez ditugu Osasunaren partiduen laburpenak ikusiko eta Otegi ez dute EiTBn gehiago elkarrizketatuko.
ETA ere ez da aldatuko. Berean jarraituko du.
Baina hau guzti hau esateko ez da Rappel izan behar ala?
Hezkuntzan zer?
Frankotiradoreak
Kontuz Mikel!
Ezkutuko frankotiradoreak dabiltza hemen!
Hezkuntzan?
Orain arteko gobernuak ere ez du egungo legea bete, azkenaldian askotan entzun dugu legeak Bigarren Hezkuntza amaitzean ikasleak euskaraz eta gaztelaniaz maila berean idatziz eta ahoz komunikatzeko gai izan behar direla, eta hori ez du lortu orain arteko gobernuak; azken orduan, korrika eta presaka aurkeztu du hezkuntza ereduak aldaktzeko proposamena, eta azkenean sailburuaren gobernukideek ere ez dute onartu.
A eredua gehiago indartu?
"A eredua indartu" diñok, eta halaxe jirudik. Indartzia zer dok, honezkero euskara asignatura bat besterik ez danian, orain "nahiizanezkerokua" bihurtzia eta horrekin ikasle batzuk ezta minimo hori ez jakittia?
Hori inportantia dok? ez hainbeste?
Eta geroa ikusiz segituz, B eta D ereduan ez dok aldaketarik barruntatzen hiri bolatxuan?