Ondo hasi dela esan diot, baina bateron bat ez da gustora gelditu gaur Coliseoan entzundakoarekin. Kontzertua hasi aurretik, Eñaut Elorrietak hitza hartu eta beste herri bateko kontzertuetan, honek 10-15 € balio izan duela esan du, eta Eibarren, ordea, Udalaren erabakiz eta euren iritziaren aurka 19 €.

Txalo zaparrada batekin ongietorria eman eta berehala hasi da kontzertua disko berriko zein zaharretako hainbat abestirekin. Ez nau izutzenekin hasi, Gau urdinak, Haizea, Malen, Ilargia, Gutuna, Iluntzean, Amorrua, Itxaropena, Gernikan, Nire lurrari, Bihar, Olatuz olatu, Irailaren 14a edo Gaueko argiak  bezalako kantak jo ostean, Noizbait eta Zapalduen Olerkia jo dituzte bisetan. Zoragarria !

Irteeran jendea gustura. Denak? Ez! Udalaren ordezkaria han zegoen. Haserre "zenbat kobratu duten ez du esan, ezta? Hori ezin du esan, esan duena ezin du esan." Eta arrazoia dauka. Kritikak-kritika lehenengo era pribatuan jakinarazi beharko zizkioketen udalari ez? Baina zuzenean horrela aireratu? Ez dakit, ez zait gestu txukuna iruditu. Zoritxarrez, agian 19 €ko prezio horrek bultzatu du Colisea bete gabe egotera. Ez dakit, Ken Zazpi denbora tarte luze batez Eibarrera etorriko ez den sentsazioa daukat. Udalaren ekimenez behintzat.

Eskerrik asko !