Nazioarteko Batzorde Olinpiarrak debekatu egin die Atenasen Olinpiar Jokoetan parte hartzen ari diren kirolari eta entrenatzaileei blogen bidez Jokuen inguruko informazioa ematea. Blogen mundua gero eta indar gehiago hartzen ari den garai honetan, Antolakuntzak komunikabideekin dituen kontratuak babestu omen nahi ditu aipatutako neurri honekin.

Guztiok ikusi ahal izan dugu nolako gelak dituzten kirolariek euren esku, ordenagailu berri-berriz beteta Internet erabili ahal izateko, Atenasen dagoen eibartarrak ere horrelako gela batetik bidali zigun agurra.

Hasiera ekitaldian ere kirolari asko ikusi genuen argazki edo bideo kamara digitalak eskuan irudiak hartu eta hartu, irudi haietako batzuk Telecinco telebista katean ikusi ahal izan ditugu. Espainiako Waterpolo selekzioko kirolari baten kamerarekin hartutako irudiak ematen dituzte telebista kate horretan egunero. Horiei ere kamara kenduko al diete?

Beti dirua atzetik...

(Albistea Error500 blogean irakurritakoa da)

Azkenean 36. Xake Olinpiadetara epaile moduan baldin banoa, nik blogeatuko dut bai, argazki eta guzti gainera ahal bada eta gainera euskaraz eta gazteleraz ;)