Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / e-gorblog

e-gorren blog pertsonala (komikiak, informatika eta beste)

"X-Venture" mangaren "Gorputza krisian" saileko hirugarrena eta azkena, eta "Primal Power" saileko lehena

e-gor 2023/12/16 09:55
Ooso-k otsailean atera zuen "X-Venture - Gorputza krisian - Erreskate handia 3 - Nerbio-sistema" eta irailean "X-Venture - Primal Power 1 - Erregeen sumina - Lehoia vs. Tigrea"
"X-Venture" mangaren "Gorputza krisian" saileko hirugarrena eta azkena, eta "Primal Power" saileko lehena

Irudia: Hot-Blooded Souls / Black Ink Team

Ooso Kataluniako etxea iaz hasi zen X-Venture manga argitaratzen, pertsona bat sendatzeko gorputzean sartzen diren robot miniaturizatuei buruzko Gorputza krisian - Erreskate handia saileko lehen biekin, 1 Arnasketa eta digestio aparatua eta 2 Zirkulazio-aparatua. Bada, aurtengo hasieran sail horren azkena atera du, 3 Nerbio-sistema, aurrekoak bezala Hot-Blooded Souls-ek egina, eta sail berri bat hasi du animalien ingurukoa, X-Venture - Primal Power, lehenengo liburukiarekin, 1 Erregeen sumina - Lehoia vs. tigrea, Slaium eta Meng-en gidoiarekin eta Black Ink Team-en marrazkiekin. Sail berrian, izenburuan ikusten denez, animaliei buruzko jakingarriak ikasiko ditugu, abentura dibertigarriez gozatzeaz gain.

"Ahizpak" sailaren beste lau komiki

e-gor 2023/12/15 09:24
3.etik 6.erako albumak atera ditu aurten Hachette etxeak
"Ahizpak" sailaren beste lau komiki

Irudia: William

Iazko hondarretan atera zituen Hachette etxeak Ahizpak izeneko komiki sailaren lehen bi komikiak, Ahizpak 1 - Ezinbestean, ahizpak eta Ahizpak 2 - Gure estiloan. Christophe Cazenove-ren gidoia eta William-en irudiak dituen umorezko komiki-sail honek bi ahizpa, Wendy nerabea eta Marine neskatoa, ditu protagonista, eta sail horretan oinarritutako marrazki bizidunetako seriea ETB3-n ematen dute. Bada, aurten saileko hurrengo lauak atera ditu, martxoan bi eta urrian beste bi: Ahizpak 3 - Bera hasi da!, Ahizpak 4 - Ikaragarria da!, Ahizpak 5 - A zer muturra! eta Ahizpak 6 - Wendy, maiteminduta.

"Makina Maixu" komiki/rol-jokoaren bigarrena atera da, "Rolari maltzurrak"

e-gor 2023/12/14 17:21
Hau ere Imanol Etxeberria eta Noemi Gallegok egin dute eta Rolariak elkartearekin atera
"Makina Maixu" komiki/rol-jokoaren bigarrena atera da, "Rolari maltzurrak"

Irudia: Imanol Etxeberria

Iazko Durangoko Azokako nobedadeetako bat izan zen Makina Maixu rol jokoa, zeinaren istorioa komiki batean oinarritzen zen. Komikia bera Rolariak elkartearen webgunean eta sare sozialetan atalka ateratzen joan ondoren, osorik paperean atera zuten komikia eta jolasteko materiala. Geroztik komikiaren argitalpenarekin jarraitu dute sareetan, eta orain bigarren zatia atera dute, Makina Maixu 2 - Rolari maltzurrak, hau ere Imanol Etxeberria eta Noemi Gallegoren gidoiarekin eta Imanol Etxeberriaren marrazkiekin. Eta lehenengoan bezala, bigarren honen protagonistak "...eta heriotxa emango diosu!" zioen hartan inspiratutakoa izaten jarraitzen du eta benetan barregarria da.

George Orwell-en "Abereen etxaldea" ere komikian eta euskaraz

e-gor 2023/12/13 19:54
Txalaparta argitaletxeak euskaratu du Maxe L'Hermenier eta Thomas Labourot-en komikia
George Orwell-en "Abereen etxaldea" ere komikian eta euskaraz

Irudia: Thomas Labourot

George Orwell-en Abereen etxaldeak ez du aurkezpenik behar. Napoleon txerriaren gidaritzapean etxalde batean gizakien aurka ematen den altxamenduaren kontakizun hau estalinismoaren satira alegoriko ezaguna da, eta, jakina, komikian ere baditu bertsioak. Horietako bat, Jungle argitaletxe frantsesak 2021ean Maxe L'Hermenier gidoilariarekin (Harriet argitaletxeak euskaratzen dituen Isaline-ren abenturen idazlea) eta Thomas Labourot irudigilearekin atera zuena, euskaraz atera du orain Txalapartak, Aiora Jakak itzulita. Klasiko hau ezagutzeko edo berrirakurtzeko modu ederra!

Noaingo batailaren berri, komikian eta Oroz-en eskutik

e-gor 2023/12/12 07:55
Mintzoa argitaletxeak atera du
Noaingo batailaren berri, komikian eta Oroz-en eskutik

Irudia: Oroz

Zirt-zart Nafarroan!! Noaingo bataila, 1521 du izenburua Mintzoa etxeak argitaratu duen komikiak. Komunikabideetan umore grafikoa lantzeagatik ezaguna den César Orozek egin du, eta umorez baina zehaztasun historikoz lantzen du Nafarroaren konkistan berebizikoa izan zen bataila. Datu historikoak Peio Monteanoren Noain 1521 - El fin del principio liburuan oinarrituta daude.

"Xan", konfinamendua eta osasun mentalaren inguruko komikia

e-gor 2023/12/11 21:19
Elkar etxeak argitaratu du Emma eta Maialen Arestegiren komiki hau, itxialdirako Baionara itzultzen den gazte ikasle baten gogoetei buruzkoa
"Xan", konfinamendua eta osasun mentalaren inguruko komikia

Irudia: Maialen Arestegi

Emma Arestegik idatzi eta Maialen Arestegik marraztu du Xan komikia, Elkarrek atera duena. Bertan, Xan gaztea, hiri handi batean ikasle ari dena, etxera itzultzen da, Baionara, konfinamendua pasatzera. Eta egoera latz horretan datozkion galdera eta gogoeten berri jasoko dugu osasun mentalaz ari den komiki honetan.

"Iris XXII", etorkizun post-apokaliptiko baten komikia Yurre Ugarte eta Julen Ribasen eskutik

e-gor 2023/12/10 19:14
Txalapartaren eskutik datorkigu komiki bikainak egiten dituzten bi egile hauen lehen kolaborazioa
"Iris XXII", etorkizun post-apokaliptiko baten komikia Yurre Ugarte eta Julen Ribasen eskutik

Irudia: Julen Ribas

Komiki berria dakarkigute Joana Maiz ederraren gidoigile Yurre Ugartek eta Euskadi Literatur Sariak irabazitako Azken garaipena eta Santa familia komikien marrazkilari Julen Ribasek Txalaparta argitaletxearen eskutik: Iris XXII. Hondamendi naturalen segida luzeen ondoren, 2160 urtean gizateria ia teknologiarik gabe bizi da. Eta Numun izeneko gizarte antolaketa duen irla batean bizi dira malkoetan eguzki haziak dituen Greta, Max asmatzailea eta Iris haurra, etorkizunaren ikuspegi ezberdinak dituzten fakzio ezberdinen gatazken artean.

"Elur gorrituaren egunak", euskal familia baten istorioa Espainiako Gerra Zibilean

e-gor 2023/12/08 14:09
Amaia Telleria gidoilariaren aitonak eta haren familiak bizitakoak kontatzen dira Laida Ruizek marraztutako komikian
"Elur gorrituaren egunak", euskal familia baten istorioa Espainiako Gerra Zibilean

Irudia: Laida Ruiz

Joxe eta Manttoni gurasoek, Rikardo, Naxario eta Bittoriano semeek eta Teresita alabak osatzen dute Telleria sendia. Espainiako Gerra Zibila etortzean, bi seme Euzko Gudarostearekin doaz eta beste bat erreketeekin behartuta, gero besteek ere bando nazionalaren eskuetan bukatzen dute... Orduan, hiru anaia gerran dituzten familiek bat etxeratzea ahalbidetzen duen legea ateratzen da. Telleriatarrek zein libratu erabaki beharko dute, eta haren bila abiatuko da aita...

Amaia Telleriak etxean entzundako aitonaren familiaren istorioa oinarri hartuta osatu zuen narrazio laburra, sei ataletan banatuta bakoitzak sei kideetako bakoitzaren ikuspegia kontatuz. Laida Ruizen zuri beltzezko irudi gordin eta errealistekin, Elur gorrituaren egunak komiki hunkigarria osatu dute, eta Denonartean argitaletxeak kaleratu du istorio harrigarria.

Elkanoren munduko bira, Juan Zubileta morroi barakaldarraren ikuspegitik eta komikian

e-gor 2023/12/07 13:55
Bizkaiko Foru Aldundiak eta Barakaldoko Udalak argitaratu dute Goio Bañalesen gidoia eta Jon Mikelen irudiak dituen "Juan de Zubileta - Abentura itzela" komikia
Elkanoren munduko bira, Juan Zubileta morroi barakaldarraren ikuspegitik eta komikian

Irudia: Jon Mikel

Iaz bete ziren 500 urte Juan Sebastian Elkanok lehen mundu bira amaitu zuenetik, eta ez dira urteotan gutxi izan hura ohoratzeko egindako argitalpenak, euskarazko komikiren bat ere tartean. Bada, aurten beste bat datorkigu Bizkaiko Foru Aldundiaren eta Barakaldoko Udalaren eskutik: Juan de Zubileta - Abentura itzela. Izan ere, Juan Zubileta gaztetxo barakaldarra morroi joan zen Magallaesen espedizioan, eta Elkanorekin batera munduari bira amaitu zuen lehen barku hartako 18 gizonetatik bat zen. Goio Bañalesen gidoia eta Jon Mikelen zuri-beltzezko irudiak dituen komikian, espedizioko kontuak kontatzen zaizkigu Juanen ikuspegitik. Eta amaieran garaiko Barakaldori eta Euskal Herriari buruzko dokumentazio testuzko eta grafiko atal interesgarri bat ere badu.

Mattinen beste bi komiki, Denonartean argitaletxearekin: "Memoriaren ibaia" eta "Txulotik - Remigioren Udarregi"

e-gor 2023/12/06 17:13
Lehenengoaren gidoilaria Juan Luis Zabala da eta bigarrenarena Ixabel Agirresarobe
Mattinen beste bi komiki, Denonartean argitaletxearekin: "Memoriaren ibaia" eta "Txulotik - Remigioren Udarregi"

Irudia: Iñaki Martiarena "Mattin"

Aurrekoan izan genuen hizpide Hona bostekoa! komiki kolektiboa, zeinaren egileetako bat Iñaki Martiarena Mattin zen. Bada, ez da aurten Mattinek atera duen komiki bakarra, hemen dakarzkizuegun Denonartean etxearen beste bi hauek ere egin baititu.

Batetik, Memoriaren ibaia egin du. Juan Luis Zabalak ondutako gidoian, bi lagun Leitzarandik zehar doaz bizikleta eta oroitzapen bidai batean. Gaztetako autobidearen aurkako eta emakumeen berdintasunaren aldeko borrokak gogoan, Eider eta Harkaitz militantziaz, koherente izateaz, zahartzeaz, maitasunaz eta bestez arituko dira. Bestetik, Ixabel Agirresaroberen testuetan oinarrituta, Remigio Mendiburuk Usurbilen Juan Jose Alkain Udarregiren omenez egindako eskulturari buruzko komikia egin du, Txulotik - Remigioren Udarregi, bide batez bi artiston kontuak ezagutzera emanez, jakina. Emankor benetan gure Mattin!

e-gorblog

e-gorblog

Egunez, Igor Leturia Azkarate pertsona arrunta da. Errenterian bizi den arrasatearra, 8etatik 17etara Elhuyarren lan egiten du eta arratsaldeak neskalagunarekin eta bere bi umeekin pasatzen ditu.

Baina gaua iritsi eta umeak lotara joaten direnean, e-gor bihurtzen da, interneteko bere alter-egoa, ziberespazioko informatikaririk komikizaleena eta komikizalerik informatikariena! Bere superbotereekin (interneteko kable-konexioa, bloglines, informatika aldizkariak, gadget-ak, komiki-bilduma, Errenteriko liburutegiko komikien atala eta batez ere bere jakinmin aseezina) eta bere superlaguntzaileak ondoan dituela (Patxi Lurra, DabilenHarria...), euskaldunon teknofobiaren eta komikiei buruzko aurreiritzien aurka burrukatzen du etengabe! Hemen duzu bere bloga: e-gorblog!

Bai, hor goiko aurkezpena superheroi batena da (ezin aproposagoa honelako blog batentzat, ezta?). Superheroia banintz zein izango nintzatekeen jakiteko the Superhero Personality Test egin nuen eta hona emaitzak:

You are Spider-Man
You are intelligent, witty, a bit geeky and have great power and responsibility.

Spider-Man
80%
Superman
70%
Green Lantern
65%
Robin
65%
The Flash
60%
Supergirl
55%
Hulk
55%
Iron Man
45%
Wonder Woman
35%
Catwoman
25%
Batman
0%
Lizentzia

Creative Commons-en baimena
Blog honetako edukia, Igor Leturiak eta beste kolaboratzaile batzuek egiten dutena, Creative Commons Aitortu-PartekatuBerdin 3.0 Unported baimen baten mende dago (irudiak salbu).

Harpidetza
Erantzunen harpidetza
Artxiboa
2004 2005 2006 2007 2008 2009 2010 2011 2012 2013 2014 2015 2016 2017 2018 2019 2020 2021 2022 2023 2024
Artikulu aipagarriak

MythTV sorta
2004/11

"Pololoak" sorta
2004/11-12 - 2006/10-12 - 2007/02-03

Monoblogoa
2005/01/11

"Persepolis", xalotasunaren sakontasuna
2005/01/25

Elgetako Blogs&Beers 2005: nire inpresioa eta moblogging kontuak
2005/04/18

Firefox eta bere plugin zoragarriak
2005/05/11

"El País"-en komiki bilduma
2005/05/15

Euskarazko bi blog berri (bai, beste bi, baina hauek bereziak dira!)
2005/05/25

"Watchmen" sorta
2005/09-11 - 2006/10 - 2007/10 - 2008/07

"La cárcel de papel"-eko "Mis tebeos favoritos" saila I: 1etik 20ra
2005/11/08

"Goienkaria"-n agertu naiz
2005/12/08

Komikiak eta euskal rock-a
2005/12/14

Ruben Arozena "Ruben" komikigilea hil da
2006/01/02

Zope-rako DTML Calendar Tag produktua, euskaraz
2006/02/01

"Joyas Literarias Juveniles" bilduma, osorik eMule-n
2006/08/05

Argazkigintza eta DRM-a
2006/10/09

Paul Auster eta Euskararen Herria
2006/10/29

Angoulême sorta
2007/01-02

Gaur duela 25 urte nire bizitza aldatu zen
2007/04/23

Hergé-ren defentsan
2007/05/22

Ubuntu-ren bertsio berria, hobekuntza askorekin
2007/07/02

OLPC sorta
2007/12 - 2008/01

Guillermo Zubiaga, Marvel-eko komikilari euskalduna
2008/02/05

Asus EEE PC, ordenagailu txiki eta merkeen hurrengo sorta
2008/03/11

Agur, Ipurbeltz, agur... :-(
2008/08/04

"Café Budapest", gizatasuna eta bizikidetzaren aldeko aldarria
2008/08/25

"Arturo Erregea" serie mitikoa, Euskal Encodings-en! (beste askorekin batera)
2008/09/17

"Gazteak", beste serie mitiko bat euskaraz eskuragai!
2008/10/14

Pottokiek 50 urte!
2008/10/22

Europan ere OLPC-ren XO ordenagailuak erosteko aukera!
2008/11/12

Microsoft-en web zerbitzuetako gehienak, euskaraz!
2008/12/04

"Heroes"-en 2. denboraldia: ETB kirtenkeria errepikatzera, eta Euskal Encodings konpontzera
2009/01/23

I. Euskal OLPC Party-a, apirilaren 23an Donostiako Doka kafe antzokian
2009/04/16

Elkarrizketa egin didate 7K-n
2009/06/03

Azpiriren Spectrum-entzako jokoen azalak liburu batean
2009/10/06

Asterix, heroi garaitua
2009/10/29

"Ihes ederra", euskarazko komikigintzaren heldutasunaren konfirmazioa
2009/11/13

Pololoak 3: The making of
2009/11/22

5 urte 5!
2009/12/15

Nobela grafikoa, komikien prestigiorako ala mespretxurako?
2009/12/20

"Pololoak 3 - Atxeritoko balada", trilogiaren amaiera borobila
2010/01/13

Sinclair ZX Spectrum bat oparitu didate!
2010/01/19

Zergatik ez dudan liburu elektronikorik erosiko (gauzak aldatzen ez diren artean)
2010/01/27

Errealitate areagotua: munduaren pertzepzioa aberasten
2010/02/09

e-gorblog, "Nick dut nik" telebista saioan
2010/05/20

Sarearen neutraltasunari erasoak: Interneten izaera arriskuan
2010/06/02

"Avatar, azken aire maisua" osoa eta "Heroiak"-en lehen bi denboraldiak, Euskal Encodings-en
2010/07/22

Sistema eragileen guda berria
2010/12/14

Anubis 3.0 albumarentzat 3D animazio ederra
2010/12/27

Telebistaren benetako iraultza hemen da, eta ez da LTDa
2011/01/10

"Asterix galiarra" eta "Urrezko igitaia" berrargitaratu ditu Salvatek
2011/01/13

Euskarazko komikigintza digitalizazioaren aurrean
2011/01/27

"Ihes ederra"ren gaztelaniazko eta katalanezko bertsioak eta "Alokairuan", kalean
2011/02/20

Star Wars jatorrizko trilogia, euskaraz
2011/03/21

Sare sozialetan preso
2011/04/06

Zer dudan Steve Jobsen, edo Appleren, aurka
2011/10/14

Gaur 100 urte Adèle Blanc-Sec-en abenturak hasi zirela
2011/11/04

Euskarazko 8 komiki berri
2011/12/02

Social networks killed the RSS star?
2012/06/10