Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño

Izuaren isilak ez du helduko ez denik esangura

Amatiño 2023/08/23 11:40
Demasa bezain adierazgarria lehen froga atomikoaren leherketa “isila”, eztandaren uhin hedakorra leherketaren argitasuna baino 40 segundo beranduago helduko baita lehen behatzaileak babestu diren kontrolgunera. Demasa bezain esanguratsua, gero. Beranduago, bai, baina… heldu!

Joseba Intxausti, bulegoa zuen erreferentzia

Amatiño 2023/08/19 13:30
Pentsatu nahi dut zilegi zaidala ez ahaztea, Joseba* Intxausti (Segura, 1936 – Donostia, 2023) frantziskotarra izana zela. Horrela ezagutu, maitatu eta mirestu nuen-eta nik, 1970eko hamarkadan, nahiz sekula frantziskotar jantzita ikusi ez, eta erlijioz ere askorik hitz egin ez. Baina Josebak bazuen ordurako, garai hartan oso gutxik zuen zerbait: bulegoa.

Gau magikoa: Harmonices mundi

Amatiño 2023/08/16 09:50
Bada liburua Juan Ignacio Pérez Iglesias katedradunak iazko irailean (Naukas, 2022) aholkatu zidana: “La lira desafinada de Pitágoras. Cómo la música inspira a la ciencia” (Almudena Martín, 2022), zeinetaz Pedro Miguel Etxenikek esan zuen: “Me ha encantado. Tiene erudición, alta competencia y elegancia, ¡tiene armonía!”.

Zientzia, gizadiaren abenturarik handiena

Amatiño 2023/08/11 22:25
Nafarroako Unibertsitate Publikoak eta Jakiundek urtero Uxuen eratu ohi dituzten Uda Ikastaroek estreinako ekitaldia izan dute, gaur, Donostiako Miramar jauregian, Pedro Migel Etxenikeren “Del encantamiento jónico a la computación cuántica” delako hitzaldiaz. Arrakastaz, gainera, antolatzaileek uste baino areto handiagoa egokitu behar izan dute-eta azken orduan.

Enpresarien zailtasunez jabetzeko, nobela ote onena?

Amatiño 2023/08/07 15:50
Ez da erraz ulertzekoa zergatik enpresarien emaitza on eta arrakasten berri jakinarazteko informazio erreala den aproposena eta, haien zailtasunak, asmatu ezinak eta porrotak ulertarazteko, ordea, fikzioa den aukerakoena eta nobela generorik egokienetzat jotzen.

Irulegiko mezua izan daiteke euskara zaharrean idatzitako azkenetakoa

Amatiño 2023/08/01 21:15
“Ikerketek behar izango dute isilpean jarraitu orain arteko kezkak eta ilununeak argitzeko baina, behar bada, daitekeena da Irulegiko Eskuko izkribua euskara zaharrean idatzitako azkenetakoa izatea”, adierazi du Javier Velaza (Castejón, 1963) katedradunak, Uxueko Uda Ikastaroen baitan.

Udako kartelak eta nabarmen gehiago

Amatiño 2023/07/27 23:45
“Erakusketaren bitartez, kartelak komunikaziorako lortu zuen eraginkortasunaz jabetuko gara, erakarpen-ahalmen handiagatik, eta artearen eta mezuaren artean sortu zen aparteko sinbiosiari esker. Uztarketa horren emaitza kartel moderno eta abangoardisten ekoizpena izan zen, eta publizitateko amu bikain bihurtu ziren” (San Telmo Museoa, 2023).

C'est la vie… c'est le Tour… c'est le monde des affaires!

Amatiño 2023/07/23 19:50
Segurutik salmenta-aukera baino ez da izango, baina arraro samar gertatzen da Frantziako Tourraren analisi historikoa (1903-2023) egin eta aurtengo “euskal” ekitaldia hasi aurretik aurkeztea. Eta, ondorioz, arraroa ez ezik, kamutsa ere suertatzen da, “Nazioen Tourra. Kazetaritza, identitatea eta kirola” (1) izenburupeko liburua (Txalaparta, 2023) irakurri behar izatea, gaur amaitu den edizio-hasieran gertatu zenaz lerro bakarra ere aurkitu ezinik.

1975eko euskal konklabe eibartarra

Amatiño 2023/07/19 09:30
Ez dut uste argazki asko izan daitekeenik, Serafin Basauri, Juan San Martin, Odile Kruzeta, Jenaro Garate, Jesus Mari Arrieta, Antxon Narbaiza eta Imanol Laspiur, aldi berean, jasotzen dituenik. Baina bat edo beste, behintzat, bada.

Ordurik gabeko hitzordua

Amatiño 2023/07/15 08:50
Maurizio Elizalde txistulari baztandarra elkarrizketatu nahi izan nuen, 1974ean., eta aldez aurretik hitzordua eskatu. Elkarrizketa egiteko aukera eman zidan birritan esan beharrik gabe, ordurik ez zidan, ordea, sekula eman. Zer egunetan? Goizez ala arratsaldez nahiago ote? Zein ordutan? Ez zidan inoiz erantzun zehatzik eman. “Ni hemen nago beti. Nahi duzunean etorri.”