Letrak eta sinadurak
Amatiño
2010/07/04 21:00
Ez dakit nik XXI. mendeko email elektronikoen azterketarik egingo ote den inoiz, baina duela berrogeita hamar urte eskas, eskuz zein makinaz idatzi, dena egin ohi zen postaz, baita izen-abizenez sinatu ere. Egungoa baina sistema nabarmen patxadatsuagoa izan arren, ez genuen inondik ere uste, ordea, geldoa zenik. Halaxe zen, eta kitto.
Erantzunik ez
Gipuzkoako 1957ko mapa
Amatiño
2010/07/02 12:55
Gregorio Hombrados Oñatibia (Zarautz, 1902 – Tolosa, 1978) pintoreak 1944an argitara eman zuen bere lehen “Gipuzkoako mapa” eta 1957an, berriz, bigarren edizioa, zuzendua eta aberastua. Mapa hauek sekulako arrakasta izan zuten bere garaian, ez baitziren alferrik izan gerra osteko basamortuan hazitako bakarrenetako bitxiloreak.
Ez da erritmo-kontua
Amatiño
2010/06/30 23:30
Harako ezker abertzaleak erabaki omen du indar-bidea uxatu eta aurrerantzean hildo demokratikotik abiatzea. Horretarako denbora behar omen du eta dagozkion erritmoak errespetatu diezaizkiogun eskatzen digu. Ulergarri litzateke eskabidea, lur hartze horretan Batasunaren mundua euskal gizartea baino hiruzpalau hilabete beranduago balebil, baina badirudi atzerapena dezente handiagoa dela.
Planto egiteko aukera galdu
Amatiño
2010/06/28 23:41
Etenik gabeko jarduna da gero Munduko Futbol-Txapelketa dela-eta igande arratsaldeko bi partidetan gertatua. Alemania eta Ingalaterraren artekoan erreferiak ez zuen goltzat jo ate-barruan nabarmen sartu zen baloia eta, Argentina eta Mexikoren artekoan, aldiz, epaileek ez zuten nonbait ikusi 210 herrialdetako ehundaka milioi lagunok telebistaz ikusi ahal izan genuen jokoz kanpoko jokaldia. Harrezkero erabat suspertu da futbolean ere gutxieneko teknologia-baliabideak ezarri beharra.
La revolución común de Toribio Echevarria y Winston Churchill
Amatiño
2010/06/28 00:05
No consta que Toribio Echevarria y Winston Churchill llegaran a conocerse. Probablemente más de uno pensará que difícilmente podrían haber tenido algún punto de coincidencia. Sin embargo, en términos históricos, ambos nacieron en la Europa del último cuarto del siglo XIX y murieron en la década de 1960; ambos conocieron de una u otra forma las dos primeras guerras mundiales y ambos dos vivieron muy de cerca la implantación en Occidente de las energías fósiles en general y del petróleo en particular.
Energia-kontsumoa 2050 urtean
Amatiño
2010/06/26 00:01
Energiaren esparruko eztabaidaren baitan bi tentaldi nagusitu ohi dira. Bata, utopikoa edo, gozoago esanez, borondatetsua. Bestea praktikoa edo etsigarria. Baina, zein nahi delarik energia-iturria, garrantzitsuenetakoa kontsumoa murriztea da.
Enpresa-erantzukizuna eta merkatu iraunkorrak
Amatiño
2010/06/24 00:05
Mila inguru enpresaburu bilduak dira egunotan New Yorken, enpresen inguru-erantzukizunaz jarduteko, merkatu iraunkorrak suspertzeko eta mundialtzearen onurak ahalik eta gehien banatzeko. Tartean, bat behintzat, euskalduna.
We want... bai ote?
Amatiño
2010/06/22 00:05
Munduan, orain baino dezente biztanle gutxiago ginen garaietan, 20.000 inguru hizkuntza izan omen ziren. UNESCOk dioenez, gaur egun 6.700 besterik ez dira geratzen, erdiek hamar mila hiztun baino gutxiago dituzte eta nekez berma omen daiteke hizkuntzen biziraupena ehun mila hiztunen azpitik. Egoera honetan euskarak aurrera egingo badu zer egin ote dezakegun aztertu du Patxi Baztarrikak “Babeli gorazarre” (Alberdania, 2009) saiakeran.
Mussolinik zapuztu zuen emaztea
Amatiño
2010/06/20 16:43
Maitasuna, eskuzabaltasuna, sexu-erakarpena, kemena, zorakeria, megalomania, gorrotoa, bakardadea, bihozgabekeria, bortizkeria, saldukeria, etsipena, ezintasuna… Denetariko sentimenduak eta zirrarak sortarazten ditu “Vincere” film gogorrak. Ikustea merezi duten horietakoa.
Nola idatzi euskaraz
Amatiño
2010/06/18 00:55
Nik gogoan dut oso noiz hasi nintzen latinez, frantsesez eta ingelesez ikasten. Normala gero. Behar bada ez da horren normala gogoan izatea noiz hasi nintzen gaztelaniaz ikasten, hitzegiten zein idazten. Ez naiz gogoratzen, ostera, noiz hasi ote nintzen euskaraz hitzegiten, ezta idazten ere. Maisurik izan ez banu moduan. Betidanik beneki bezala. Nola ikasi euskaraz idazten? Auskalo, hainbat modu izango da segurutik. Baina, lehen eta behingoz, idazten.