Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Azken zazpi urteotan %3,2 murriztu da euskal Barne Produktu Gordina

Azken zazpi urteotan %3,2 murriztu da euskal Barne Produktu Gordina

Amatiño 2015/05/24 00:15
Confebaskek euskal egoera ekonomikoaren gaineko azken txostena aurkeztu berri du eta, nolabaiteko laburpena egitekotan, joera orokorra onerakoa da mundu-mailan (+%3,5), nahiko ona Europan (+%1,5), nabarmen hobea Espainian (+%2,9) eta, bidenabar, dezente ona Euskal Autonomia Erkidegoan (+%2,7). Baina, oraindik ere, 2015eko euskal BPG 2008koa baino %3,2 murritzagoa da.

Hiruzpalau zertzelada laburbiltzekotan:

-- Herrialde aurreratuek azkenean egingo duten gorakadarekin (%2,3) batera, mundu mailako ekonomiek ere nabarmen egingo omen dute gora (%3,5) 2015 urtean zehar. EEBB %3,1 haziko da. Suspertzen diharduten herrialdeak, oro har, %4,4 haziko badira ere, Brasil (-%0,9) eta Errusia (-%3,5) jaitsi egingo dira, eta Txinak (%7,0) eta Indiak (%7,6), gora.

-- Europar Batasunak ere gora (%1,5) egingo du, batez beste, eta Espainiak bereziki (%2,9), euroaren merketzea eta petrolio-prezioaren jaitsiera tarteko. Honek guztiak lanik eza murriztuko du (%22,2).

-- Nahiz Espainia beste ez igo, gorantza egingo dute Erresuma Batuak (%2,6), Alemaniak (%1,9), Frantziak (%1,1) eta Italiak (%0,6).

-- Europar zein espainiar ekonomiaren hobekuntzak erakarriko du euskal BPGren aurreikuspena hobetu ahal izatea. Behar bada %2,7ra iritsiko da, aurretik %1,9 iragarri zen arren.

-- Euskal industriaren ekoizpen-ahalmena gehitu egingo da eta lanpostu berriak sortuko. Segurutik urtean azkenerako 22.000 afiliatu gehiago izango ditu Gizarte Segurantzak Euskal Autonomia Erkidegoan,  eta langabezia-maila %13,5ra murriztuko da.

-- Honek ez du esangura izango krisialdia erabat gaindituko denik; hobekuntza bai, baina... 2015eko euskal BPGa 2008koa baino %3,2 txikiagoa izango da eta enplegua %7,5 murritzagoa.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna: