Hemen zaude: Hasiera → Blogak → Amatiño → Artxiboa → 2009 → Abuztua → 22 → Ez dok hamabost
Dokumentu Akzioak

Amatiño

Ez dok hamabost

Edozein iritzi, ekintza, jarrera edo jokabideren aurrean izan daitezke iritzi kontrajarriak. Kontrajarriak diot, elkarren kontrakoak, elkarren antipodetan daudekeen irizpideak alegia. Baina zenbaitetan, ordea, iritzirik ezberdinenak ez dira kontrajarrienak izaten, alderatzerik ere ez duten bestelako planoetan ari direnak baino. Oteiza eskultorea eta Plazaola estetika-katedratikoaren arteko anekdota, adibidez.

Juan Plazaola (Donostia, 1919), jesulagun zentzudun eta arte-adituaren erudizioa ez dago inondik ere zalantzan. Erlijio-arteaz munduko jakitunik handienetakoa, besteak beste Deustuko Unibertsitatearen Estetika Katedradun eta Jesulagundiaren Loiola Probintziaren nagusi (1979-1985).

Plazaolak ez zuen nonbait ulertzen zer zela-eta Oteizak jarri zituen hamalau apostolu   Arantzazuko santutegiaren atari-gainean, inork ukatubako tradizioak aipatzen dituen hamabiak jarri beharrean.

Eta, ulertu beharraren beharrez, Oteizari berari galdetu omen zion: Zer dela-eta jarri dituzu hamalau apostolu?

Eta Oteizak serio asko erantzun: Gehiago ez zitzaizkidalako sartzen.

 Arantzazu por ti.

Amatiño 2009/08/22
Erantzuna gehitu

Beheko formularioa betez erantzun bat utzi dezakezu

(Beharrezkoa)
Esaiguzu zure izena
(Beharrezkoa)
(Beharrezkoa)
(Beharrezkoa)
(Beharrezkoa)
Erantzun galderari aurrera jarraitzeko:

Zenbat dira hiru gehi bi? (idatzi zenbakiekin)

Amatiño

Luis Aranberri Mendizabal

Azken erantzunak
Nahi eta ezin Amatiño, 2012/02/09
tentaldixa oier g, 2012/02/09
Datu hauen zama Jaime, 2012/02/07
Krisialdia Jaime, 2012/02/06
Ez destak denborarik emon Amatiño, 2012/02/04