Gerra bukatu (1939an) eta 10 urtera eman zion ohorezko alkatetza Eibarko udalak Francisco Franco diktadoreari.  Ohorea kentzeko, aldiz, 33 urte behar izan ditu. Gaurko plenoan kenduko diote ohorezko kargua Francori.

EB-Aralar alderdiak aurkeztu zuen eskaera orain dela aste batzuk eta udaletxeko alderdi guztiek onartu dute, aho batez. Inguruko herrietan ere berbera pasa da azken egunotan, Arrasaten, Soraluzen, Elgetan edo Bergaran, esate baterako.