Gogoratzen dituzue orain dela hilabete batzuk webgune honetan bertan aipatutako gargola batzuk? Eibartarrak posta-zerrendan, Eibar.org atari honetan eta Materixalak atalean aipatu genuen gaia.

XVI. mende inguruko gargolak dira, Muzategiko etxe batetik jasotakoak, eta ziotenez, udaletxeko teknikariek ondo gordeta zituztenak, berreskuratu, garbitu eta beste nonbait jartzeko.

Iñaki Larrañagaren "txibatazo" baten ostean, Asier Sarasuak Eibar inguruko bide baztar batean botata topatu ditu. Argazki batzuk bere blogean bertan, artikulu honetan: XVI. gizaldiko gargola zoragarri batzuk nahi?.