Eibar.org elkarteak orain dela 7 urte inauguratu zuen bere blog komunitatea. Horixe izan zen Euskal Herrian sortu zen lehenengo blog-komunitatea eta oraindik ere indartsu jarraitzen du. Izan ere, orain egun gutxi 10.000. artikulua argitaratu dugu blog-komunitatean (eskerrik asko, Imanol, abixua pasatzearren).

Kontuak ondo egin baditugu, Leire Narbaizaren post honen bitartez (Ilargiko gure nebatxoa) heldu ginen zenbaki borobil-borobil horretara. 

Une honetan 30 blog inguru daude "bizirik" komunitatean. Zorionak guztiei, orain blogeatzen dutenei, zein aurreko urteetan ere idazle izan ditugunei.